មែកធាងគ្រួសារការពារឯកជនភាពរបស់បុគ្គលដែលនៅរស់ តាមរយៈការដាក់កម្រិតលើមនុស្សដែលអាចមើលឃើញកំណត់ត្រារបស់ពួកគេបាន ។ អ្នកអាចមើលកំណត់ត្រារបស់បុគ្គលដែលនៅរស់បាន លុះត្រាតែអ្នកបានបង្កើតកំណត់ត្រានោះ ។ ប្រព័ន្ធនេះលាក់កំណត់ត្រានៃបុគ្គលដែលនៅរស់ដែលអ្នកបានបង្កើតពីអ្នកផ្សេងទៀត រួមទាំងបុគ្គលនោះខ្លួនឯង និងសមាជិកគ្រួសារផ្សេងទៀតផងដែរ ។
ទោះបីជាកំណត់ត្រាមែកធាងគ្រួសារសម្រាប់មនុស្សនៅរស់ក្ដី ក៏អ្នកដទៃនៅតែមើលឃើញអនុស្សាវរីយ៍ ដែលបានភ្ជាប់ទៅនឹងកំណត់ត្រារបស់ពួកគេបានដដែល ។
ការកំណត់កំណត់ត្រានៃបុគ្គលដែលនៅរស់នៅក្នុងមែកធាងគ្រួសារ
អ្នកដែលនៅរស់មានបដា បុគ្គលនៅរស់ នៅផ្នែកខាងលើនៃទំព័របុគ្គលរបស់ពួកគេ ដែលនៅក្រោមឈ្មោះរបស់មនុស្សម្នាក់ៗ ។ នៅកន្លែងដែលកាលបរិច្ឆេទមរណភាពនឹងលេចឡើងសម្រាប់មរណជន នោះពាក្យ « នៅរស់ » នឹងលេចឡើងជំនួសវិញ ។
ប្រសិនបើបុគ្គលម្នាក់មិនបានដាក់សម្គាល់ថានៅរស់ទេ នោះប្រព័ន្ធនឹងអនុវត្តតាមច្បាប់ដើម្បីកំណត់ថា តើបុគ្គលម្នាក់នៅតែអាចនៅរស់ដែរឬអត់ ។
កំណត់ត្រាសមាជិកភាពសាសនាចក្រ
ពេលខ្លះសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ មើលឃើញសាច់ញាតិដែលនៅរស់ ។ ព័ត៌មាននេះបានមកពីកំណត់ត្រាសមាជិកភាពសាសនាចក្ររបស់អ្នក ។
ការស្វែងរកបុគ្គលដែលនៅរស់នៅក្នុងមែកធាងគ្រួសារ
មុខងារស្វែងរកមិនអាចរកឃើញបុគ្គលដែលនៅរស់តាមឈ្មោះ ឬតាមអត្តលេខបានទេ ។ ករណីលើកលែងតែមួយគត់គឺ នៅពេលដែលអ្នកប្រើអត្តលេខដើម្បីស្វែងរកកំណត់ត្រាបុគ្គលដែលនៅរស់ម្នាក់ ដែលអ្នកបានបង្កើត ។ ប្រសិនបើអ្នកមិនស្គាល់អត្តលេខសម្រាប់បុគ្គលនៅរស់ ដែលអ្នកបានបន្ថែមទៅកាន់មែកធាងគ្រួសារទេ នេះគឺជាវិធីដើម្បីស្វែងរកកំណត់ត្រានោះ ៖
- ប្រសិនបើអ្នកដឹងពីកន្លែងដែលត្រូវរកបុគ្គលនោះនៅក្នុងមែកធាង សូមរុករកបុគ្គលនោះ ។
- សូមស្វែងរកសាច់ញាតិជិតស្និទ្ធដែលបានស្លាប់នៅក្នុងមែកធាង ។ បន្ទាប់មក សូមរុករកបុគ្គលដែលអ្នកចង់រកនោះ ។
អត្ថបទដែលទាក់ទង
តើមែកធាងគ្រួសារការពារឯកជនភាពរបស់បុគ្គលដែលនៅរស់ដោយរបៀបណា ?
តើនរណាអាចមើលអ្វីៗដែលបានដាក់បញ្ចូលទៅក្នុងកម្រងអនុស្សាវរីយ៍បាន ?
តើមែកធាងគ្រួសារកំណត់ថាតើបុគ្គលម្នាក់នៅរស់ ឬស្លាប់ដោយរបៀបណា ?