ប្រសិនបើអ្នកបានបង្កើតកំណត់ត្រានោះ ហើយគ្មានអ្នករួមចំណែកណាផ្សេងទៀតបានផ្លាស់ប្ដូរវាទេ នោះអ្នកអាចលុបចោលកំណត់ត្រារបស់បុគ្គលដែលបានស្លាប់ចេញពីមែកធាងគ្រួសារបាន ។ អ្នកក៏អាចលុបកំណត់ត្រារបស់បុគ្គលនៅរស់ម្នាក់បានដែរ ប្រសិនបើអ្នកបានបន្ថែមវាទៅក្នុងមែកធាងគ្រួសារ ។
សារ « មិនអាចលុបបុគ្គលបាន » នឹងបង្ហាញឡើង ប្រសិនបើអ្នកមិនអាចលុបបុគ្គលម្នាក់បានទេនោះ ។ វាអាចកើតឡើង ប្រសិនបើអ្នករួមចំណែកផ្សេងទៀតបានបន្ថែមអ្វីមួយទៅក្នុងកំណត់ត្រា ( រួមមាន ប្រភពដើម អនុស្សាវរីយ៍ ទំនាក់ទំនងជាដើម ) ។ ប្រសិនបើការផ្លាស់ប្តូរត្រូវបានធ្វើឡើងចំពោះកំណត់ត្រាដោយបុគ្គលផ្សេងទៀត នោះអ្នកលែងជាអ្នករួមចំណែកតែម្នាក់ឯងទៀតហើយ ហើយអ្នកមិនអាចលុបកំណត់ត្រានោះចោលបានទេ ។
មុនពេលអ្នកចាប់ផ្ដើម
នៅពេលអ្នកលុបកំណត់ត្រាមួយ ការផ្លាស់ប្ដូរទាំងនេះនឹងកើតឡើង ៖
- មែកធាងគ្រួសារលុបចោលទំនាក់ទំនងនានាទៅនឹងបុគ្គលផ្សេងទៀត ។
- កំណត់ត្រានេះពុំអាចកែប្រែបានទៀតទេ ។
- កំណត់ត្រានេះអាចស្រាវជ្រាវបានតែតាមរយៈអត្តលេខតែប៉ុណ្ណោះ ។
ដំណើរការនេះអាចមានអារម្មណ៍ថាភិតភ័យបន្ដិច ប៉ុន្ដែសូមទុកចិត្តថា វាមានរបៀបដើម្បីស្ដារកំណត់ត្រា ឬទំនាក់ទំនងដែលបានលុបចោលនេះឡើងវិញតាមរយៈមុខងារ ការផ្លាស់ប្តូរចុងក្រោយបំផុត ។ ដើម្បីរៀនពីរបៀបធ្វើដូច្នេះ សូមមើលអត្ថបទទាក់ទងដែលបានភ្ជាប់មកនៅចុងបញ្ចប់នៃអត្ថបទនេះ ។
ប្រសិនបើអ្នកមិនអាចលុបកំណត់ត្រាមួយបានទេ នោះសូមកុំលុបព័ត៌មានដើម្បីលាក់បាំងវាឡើយ ។ សូមទាក់ទងទៅកាន់ ជំនួយគាំទ្រកម្មវិធីស្រាវជ្រាវក្រុមគ្រួសារ ទៅបានហើយ ។
ប្រសិនបើអ្នករកឃើញកំណត់ត្រាមួយដែលនរណាម្នាក់បានផ្លាស់ប្ដូរដើម្បីលាក់បាំងកំណត់ត្រានោះ សូមប្រើមុខងារពិសេស រាយការណ៍អំពីការបំពាន ដែលនៅលើ ទំព័របុគ្គល នៃកំណត់ត្រារបស់សាមីជននេះ ។ ក្រុមការងារផ្ទៃក្នុងនឹងពិនិត្យមើលស្ថានភាព ហើយចាត់វិធានការដែលសមស្រប ។
ជំហាន ( គេហទំព័រ )
- នៅម៉ឺនុយខាងលើ សូមចុចលើ មែកធាងគ្រួសារ ហើយបន្ទាប់មក សូមចុចលើ មែកធាង ។
- សូមស្វែងរកបុគ្គលដែលអ្នកចង់លុបចោល ។
- សូមចុចលើ ឈ្មោះ របស់បុគ្គលនោះ ។ នៅក្នុងព័ត៌មានលម្អិតដែលលេចឡើង សូមចុចលើ ឈ្មោះ របស់បុគ្គលនោះម្ដងទៀត ។ អ្នកនឹងត្រូវបាននាំទៅកាន់ទំព័ររបស់បុគ្គលនោះ ។
- សូមចុចលើផ្ទាំង ព័ត៌មានលម្អិត ។
- សូមអូសចុះទៅផ្នែក ឧបករណ៍ នៅក្នុងជួរឈរខាងស្ដាំ ។
- សូមចុច លុបចោលបុគ្គល ។ ប្រសិនបើតំណសរសេរថា មិនអាចលុបបុគ្គលបាន វាមានន័យថា អ្នករួមចំណែកជាច្រើនបានធ្វើការផ្លាស់ប្ដូរលើកំណត់ត្រានេះ ។ សូមពិចារណាអំពីជម្រើសទាំងនេះវិញ ៖
- ប្រសិនបើបុគ្គលនេះមិនមានទេ សូមទាក់ទងទៅ ជំនួយគាំទ្រកម្មវិធីស្រាវជ្រាវក្រុមគ្រួសារ ។
- សូមលុបទំនាក់ទំនង ។
- សូមដាក់កំណត់ត្រាដូចគ្នាទាំងពីរបញ្ចូលគ្នា ។
- សូមកែតម្រូវទិន្នន័យដែលមិនត្រឹមត្រូវ ។
- សូមបន្ថែមប្រភពព័ត៌មាន ។
- សូមពិនិត្យមើលព័ត៌មាននៅក្នុងវីនដូ លុបចោលបុគ្គល ដែលបង្ហាញឡើង ។
- សូមពន្យល់អំពីមូលហេតុដែលអ្នកចង់លុបបុគ្គលនេះចោល ។
- សូមគូសសញ្ញាកែងនៅលើប្រអប់នោះដើម្បីបញ្ជាក់ថា អ្នកបានពិនិត្យមើលទំនាក់ទំនង និងបានសរសេរសេចក្ដីថ្លែងការណ៍ប្រាប់អំពីមូលហេតុរួចហើយ ។
- សូមចុច លុបចោល ។
ជំហាន ( កម្មវិធីឧបករណ៍ចល័ត )
- នៅក្នុងកម្មវិធីឧបករណ៍ចល័តមែកធាងគ្រួសារ សូមស្រាវជ្រាវរកទំព័ររបស់បុគ្គល ដែលអ្នកចង់លុបកំណត់ត្រាចោល ។
- សូមចុចលើ ចំណុចបី នៅកែងស្ដាំខាងលើ ។
- កម្មវិធី Android ៖ សូមចុច លុបចោលបុគ្គល ។
- កម្មវិធី Apple iOS ៖ សូមចុច បន្ថែម រួចចុច លុបចោលបុគ្គល ។
- ប្រសិនបើអ្នកទទួលបានសារ មិនអាចលុបបុគ្គលបាន នោះអ្នកមិនអាចលុបបុគ្គលនោះចោលបានទេ ។ បើមិនដូច្នោះទេ សូមបន្ដជាមួយជំហានទាំងឡាយ ។
- សូមពិនិត្យមើលព័ត៌មាននៅក្នុងវីនដូ លុបចោលបុគ្គល ។
- សូមវាយបញ្ចូលមូលហេតុដើម្បីលុបបុគ្គលនោះចោល ។
- សូមចុចលើ លុបចោល ។
ជំហាន ( មែកធាងគ្រួសារមិនពេញលេញ )
កម្មវិធីមែកធាងគ្រួសារមិនពេញលេញ មិនផ្ដល់ជម្រើសដើម្បីលុបកំណត់ត្រារបស់បុគ្គលម្នាក់ចោលនោះទេ។
ចុះផ្សាយសំណួរមួយនៅក្នុងសហគមន៍កម្មវិធីស្រាវជ្រាវក្រុមគ្រួសារ
ប្រសិនបើអ្នកមានសំណួរបន្ថែមទៀត សូមចុះផ្សាយសំណួររបស់អ្នកនៅក្នុងសហគមន៍កម្មវិធីស្រាវជ្រាវក្រុមគ្រួសារ ។
- សូមចូលទៅកាន់ សហគមន៍កម្មវិធីស្រាវជ្រាវក្រុមគ្រួសារ ។
- សូមចុចលើ ជំនួយកម្មវិធីស្រាវជ្រាវក្រុមគ្រួសារ ។
- សូមចុចលើប្រធានបទដែលសមស្របនឹងសំណួររបស់អ្នក ។
- សូមចុចលើការចុះផ្សាយថ្មី ។
- សូមវាយបញ្ចូលការសង្ខេបពីសំណួររបស់អ្នក ។
- នៅក្នុងប្រអប់សំណួរខាងក្រោម សូមបន្ថែមព័ត៌មានលម្អិត ។ នេះគឺជាកន្លែងដែលអ្នកនឹងវាយបញ្ចូល អត្តលេខមែកធាង ឈ្មោះពេញរបស់បុគ្គលនោះ និងទំនាក់ទំនងរបស់អ្នកជាមួយនឹងបុគ្គលនោះ ។ សូមកុំដាក់បញ្ចូលព័ត៌មានឯកជនណាមួយ ដូចជា ឈ្មោះអ្នកប្រើប្រាស់ លេខអ្នកជួយ ឬអាសយដ្ឋានអ៊ីម៉ែលឡើយ ។
- ដើម្បីភ្ជាប់ព័ត៌មានបន្ថែម សូមចុច រូបតំណាងដង្កៀបក្រដាស ។
- សូមចុច សួរសំណួរ ។
អត្ថបទដែលទាក់ទង
តើខ្ញុំអាចស្តារកំណត់ត្រាបុគ្គលម្នាក់ដែលបានលុបចោលហើយឡើងមកវិញនៅលើមែកធាងគ្រួសារដោយរបៀបណា ?
តើកម្មវិធីមែកធាងគ្រួសារការពារឯកជនភាពរបស់បុគ្គលនៅរស់ដោយរបៀបណា ?
តើខ្ញុំដាក់បញ្ចូលគ្នាកំណត់ត្រាដែលអាចស្ទួនគ្នានៅលើមែកធាងគ្រួសារដោយរបៀបណា ?
តើខ្ញុំដាក់បញ្ចូលបុគ្គលនៅរស់ ឬបុគ្គលសម្ងាត់ដែលខ្ញុំបានបញ្ចូលស្ទួនគ្នាទៅក្នុងមែកធាងគ្រួសារដោយរបៀបណា ?