មានកំណត់ត្រាស្ទួនគ្នាកើតឡើង នៅពេលមែកធាងគ្រួសារមានកំណត់ត្រាលើសពីមួយអំពីបុគ្គលម្នាក់ ។ ប្រសិនបើមែកធាងគ្រួសារអាចមានកំណត់ត្រាស្ទួនគ្នា វាដាក់ចំណុចឧទានក្រហមមួយ រួមជាមួយឈ្មោះ និងអត្តលេខនៅក្នុងជំនួយការស្រាវជ្រាវរបស់បុគ្គលនោះ ។
អ្នកអាចពិនិត្យមើលកំណត់ត្រាដែលអាចស្ទួនគ្នានោះឡើងវិញ ហើយសម្រេចថាតើបុគ្គលទាំងពីរនេះគឺជាមនុស្សតែម្នាក់ឬអត់ ។
- ប្រសិនបើកំណត់ត្រាទាំងពីរគឺជាបុគ្គលតែម្នាក់ សូមធ្វើតាមជំហានខាងក្រោមនេះដើម្បីដាក់វាបញ្ចូលគ្នា ។
- ប្រសិនបើកំណត់ត្រាទាំងពីរគឺអំពីបុគ្គលខុសគ្នា សូមគូសវាថា « មិនត្រូវគ្នា » ។
- ប្រសិនបើអ្នកមិនជាក់ច្បាស់ទេ កុំដាក់វាបញ្ចូលគ្នាឡើយ ។ ផ្ទុយទៅវិញ សូមធ្វើតាមអ្វីមួយដូចខាងក្រោមនេះ ៖
- សូមបោះបង់ការដាក់បញ្ចូលគ្នា ដើម្បីទុកកំណត់ត្រាស្ទួននេះឲ្យអ្នកប្រើឯទៀតមើល និងពិនិត្យឡើងវិញ ។
- សូមគូសនៅលើកំណត់ត្រានេះថា « មិនត្រូវគ្នា » ប្រសិនបើអ្នកមិនចង់ឲ្យកំណត់ត្រាស្ទួនគ្នានេះ អាចមើលឃើញយ៉ាងងាយស្រួលដោយអ្នកប្រើឯទៀតទេនោះ ។
ជំហាន ( គេហទំព័រ )
- នៅក្នុងមែកធាងគ្រួសារ សូមបង្ហាញទំព័របុគ្គល ។
- ប្រសិនបើផ្នែក សេចក្ដីលម្អិត មិនបង្ហាញឡើងទេ សូមចុច សេចក្ដីលម្អិត ។
- ក្នុងផ្នែក ជំនួយស្រាវជ្រាវ សូមចុចសារ កំណត់ត្រាដែលអាចស្ទួនគ្នា ។
- សូមចុច ពិនិត្យការដាក់បញ្ចូលគ្នាឡើងវិញ ។ អេក្រង់ដាក់បញ្ចូលគ្នានឹងបើកឡើងនៅក្នុងទំព័ររុករកថ្មីមួយ ។
- ខាងឆ្វេង ៖ នេះគឺជាកំណត់ត្រាដែលអាចស្ទួនគ្នា ។ វានឹងត្រូវលុបចោល ប្រសិនបើអ្នកដាក់កំណត់ត្រានេះបញ្ចូលគ្នា ។
- ខាងស្ដាំ ៖ នេះគឺជាកំំណត់ត្រាដែលអ្នកបានចាប់ផ្ដើម ។ កំណត់ត្រានេះបានរក្សាទុក ប្រសិនបើអ្នកដាក់វាបញ្ចូលគ្នា ។
- សូមសម្រេចចិត្តថា តើកំណត់ត្រានេះគឺជាបុគ្គលតែម្នាក់ឬអត់ ។
- សូមប្រៀបធៀបព័ត៌មាននៅផ្នែកខាងឆ្វេងទៅនឹងព័ត៌មាននៅផ្នែកខាងស្តាំ រកមើលព័ត៌មានដូចគ្នាអំពីឈ្មោះ កាលបរិច្ឆេទ ទីកន្លែង និងសមាជិកគ្រួសារ ។
- សូមអានសារព្រមានណាមួយនៅលើអេក្រង់ ។
- ប្រសិនបើកំណត់ត្រានៅខាងឆ្វេងដៃមានព័ត៌មានត្រឹមត្រូវបំផុត សូមចុច ប្តូរ ដើម្បីរក្សាវាទុក ។
- ប្រសិនបើកំណត់ត្រានេះមិនមែនជាបុគ្គលតែម្នាក់ទេ សូមចុច មិនត្រូវគ្នា ។ ប្រសិនបើកំណត់ត្រានេះគឺជាបុគ្គលតែម្នាក់ សូមចុច បាទ/ចាស បន្ត ។ ប្រសិនបើអ្នកមិនជាក់ច្បាស់ទេ សូមចុច បោះបង់ ។
- សូមសម្រេចចិត្តពីព័ត៌មានដែលអ្នកនឹងរក្សាទុក ។ ព័ត៌មានទាំងអស់ដែលនៅខាងឆ្វេងដៃ នឹងត្រូវបានផ្ទេរដោយស្វ័យប្រវត្តិទៅខាងស្តាំសម្រាប់អ្នក ។
- ដើម្បីប្រៀបធៀបអ្នករួមចំណែក កាលបរិច្ឆេទរួមចំណែក និងមូលហេតុនៃព័ត៌មាននីមួយៗ សូមចុច សញ្ញាព្រួញចុះ ។
- ដើម្បីប្ដូរព័ត៌មានត្រឡប់ទៅខាងស្តាំដៃវិញ សូមចុច លែងធ្វើ ។ ព័ត៌មាននេះនឹងត្រឡប់ទៅជាព័ត៌មានដែលអាចស្ទួនវិញ ហើយនឹងមិនរក្សាទុកឡើយ ។
- ដើម្បីដាក់ជំនួសព័ត៌មាននៅខាងស្តាំដៃដោយព័ត៌មានពីខាងឆ្វេង សូមចុច ដាក់ជំនួស ។ ឧទាហរណ៍មួយនៃការធ្វើដូច្នេះគឺ ដើម្បីរក្សាគំនូសព្រាងជីវិត ឬសេចក្ដីថ្លែងពីមូលហេតុនៅក្នុងកំណត់ត្រាដែលស្ទួនគ្នានោះ ។
- ប្រសិនបើនៅខាងឆ្វេងមានព័ត៌មាន ដែលពុំមាននៅខាងស្តាំដៃ ហើយអ្នកចង់រក្សាវាទុក សូមចុច បន្ថែម ។
- សូមចុចពាក្យ បន្ត ។
- សូមបញ្ចប់ការដាក់បញ្ចូល ៖
- សូមពិនិត្យមើលកំណត់ត្រាដែលនៅមាន ។
- ប្រសិនបើគ្រប់យ៉ាងត្រឹមត្រូវហើយ សូមចុច បញ្ចប់ការដាក់បញ្ចូលគ្នា ។ ប្រសិនបើមានអ្វីមួយមិនត្រឹមត្រូវ សូមចុចលើ ត្រឡប់ក្រោយ ហើយធ្វើការកែសម្រួលនៅលើអេក្រង់មុន ។
- សូមវាយបញ្ចូលមូលហេតុដើម្បីពន្យល់ថា ហេតុអ្វីអ្នកបានដាក់បញ្ចូលកំណត់ត្រាទាំងនេះ ។
- សូមចុច រក្សាទុក ។
មួយរំពេចក្រោយពីការដាក់បញ្ចូល ហើយនៅក្នុងពេលយ៉ាងខ្លី ជម្រើសសម្រាប់ « ការលែងធ្វើ » គឺមានជូន ។ វាអនុញ្ញាតឲ្យអ្នកលែងដាក់កំណត់ត្រាពីរចូលគ្នាយ៉ាងងាយស្រួល ។
ជំហាន ( កម្មវិធីឧបករណ៍ចល័ត )
- នៅក្នុងកម្មវិធីឧបករណ៍ចល័តមែកធាងគ្រួសារ សូមបង្ហាញទំព័របុគ្គល ។
- នៅជ្រុងស្ដាំខាងលើ សូមចុចលើ ចំណុចបី រួចហើយចុច កំណត់ត្រាដែលអាចស្ទួនគ្នា ។
- បញ្ជីនៃកំណត់ត្រាដូចគ្នាពីរដែលអាចមាន នឹងបង្ហាញឡើង ។ សូមចុចជ្រើសរើសយកមួយ ។
- សូមចុច ពិនិត្យការដាក់បញ្ចូលគ្នាឡើងវិញ ។
- សូមអានការព្រមាន រួចចុច បន្តការដាក់បញ្ចូលគ្នា ។ ផ្ទាំងអេក្រង់ដាក់បញ្ចូលគ្នា នឹងបង្ហាញឡើង ។
- ខាងឆ្វេង ៖ នេះគឺជាកំណត់ត្រាដែលអាចស្ទួនគ្នា ។ វានឹងត្រូវលុបចោល ប្រសិនបើអ្នកដាក់កំណត់ត្រានេះបញ្ចូលគ្នា ។
- ខាងស្ដាំ ៖ នេះគឺជាកំំណត់ត្រាដែលអ្នកបានចាប់ផ្ដើម ។ កំណត់ត្រានេះបានរក្សាទុក ប្រសិនបើអ្នកដាក់វាបញ្ចូលគ្នា ។
- សូមសម្រេចចិត្តថា តើកំណត់ត្រានេះគឺជាបុគ្គលតែម្នាក់ឬអត់ ។
- សូមប្រៀបធៀបព័ត៌មាននៅផ្នែកខាងឆ្វេងទៅនឹងព័ត៌មាននៅផ្នែកខាងស្តាំ រកមើលព័ត៌មានដូចគ្នាអំពីឈ្មោះ កាលបរិច្ឆេទ ទីកន្លែង និងសមាជិកគ្រួសារ ។
- ប្រសិនបើកំណត់ត្រានៅខាងឆ្វេងដៃមានព័ត៌មានត្រឹមត្រូវបំផុត សូមចុច ប្តូរ ដើម្បីរក្សាវាទុកវិញ ។
- សូមសម្រេចថាត្រូវរក្សាព័ត៌មានណាមួយអំពីបុគ្គលដែលនឹងត្រូវលុបចោលនេះ ។
- ដើម្បីប្ដូរព័ត៌មានពីខាងឆ្វេងដៃទៅខាងស្ដាំដៃ សូមចុច ដាក់ជំនួស ។
- ដើម្បីបន្ថែមព័ត៌មានពីខាងឆ្វេងទៅខាងស្ដាំដៃ សូមចុច បន្ថែម ។
- តម្រុយ ៖ ប្រសិនបើកំណត់ត្រានៅខាងឆ្វេងមានឪពុកម្តាយ ស្វាមី ឬភរិយា ឬកូនៗស្ទួនគ្នា សូមបន្ថែមពួកគេចូលទៅក្នុងកំណត់ត្រាដែលនៅមានរបស់អ្នក ។ អ្នកអាចដាក់បញ្ចូលកំណត់ត្រាស្ទួនទាំងនេះចូលគ្នានៅពេលក្រោយទៀតបាន ។
- នៅពេលអ្នកបញ្ចប់ សូមអូសចុះដល់ខាងក្រោមទំព័រ រួចហើយចុច បន្តការដាក់បញ្ចូលគ្នា ។
- សូមវាយបញ្ចូលមូលហេតុដើម្បីពន្យល់ថា ហេតុអ្វីអ្នកបានដាក់បញ្ចូលកំណត់ត្រាទាំងនេះ ។
- សូមចុច ដាក់បញ្ចូលគ្នា ។
កំណត់ចំណាំ ៖ កំណែកម្មវិធី iOS របស់កម្មវិធីមានតែជម្រើសដើម្បីដាក់ជំនួសព័ត៌មាន ជាជាងការប្តូរ ឬបន្ថែមវា ។
ជំហាន ( មែកធាងគ្រួសារមិនពេញលេញ )
បច្ចុប្បន្ននេះ មែកធាងគ្រួសារមិនពេញលេញ បង្ហាញតែកំណត់ត្រាដូចគ្នាពីរដែលអាចមាន ហើយមិនអនុញ្ញាតឲ្យដាក់បញ្ចូលគ្នាទេ ។
អនុសាសន៍លើជំហានបន្ទាប់
- ប្រសិនបើអ្នកមានផ្ទាំងអេក្រង់ជាច្រើនបើក អ្នកប្រហែលជាត្រូវរំឭកអេក្រង់កម្មវិធីរុករករបស់អ្នកឡើងវិញ ដើម្បីមើលលទ្ធផលនៃការបញ្ចូលគ្នា ។
- សូមដកធនធាន ឬអនុស្សាវរីយ៍ខុសៗចេញពីកំណត់ត្រាដែលនៅមាននោះ ។
- សូមពិនិត្យមើលសមាជិកគ្រួសាររបស់បុគ្គលនេះឡើងវិញ ដើម្បីមើលថាតើអាចមានការស្ទួនឬអត់ ។
អត្ថបទដែលទាក់ទង
ហេតុអ្វីការដាក់បញ្ចូលគ្នាបរាជ័យនៅក្នុងមែកធាងគ្រួសារ ?
តើខ្ញុំសម្រេចថា តើកំណត់ត្រាពីរនៅក្នុងមែកធាងគ្រួសារគឺជាបុគ្គលតែម្នាក់ដោយរបៀបណា ?
តើខ្ញុំលែងដាក់បញ្ចូលគ្នានៅក្នុងមែកធាងគ្រួសារដោយរបៀបណា ?
តើខ្ញុំដាក់កំណត់ត្រាដែលអាចស្ទួនគ្នាបញ្ចូលគ្នានៅក្នុងមែកធាងគ្រួសារតាមអត្តលេខដោយរបៀបណា ?