នេះគឺជាគោលការណ៍ណែនាំដើម្បីជួយអ្នកឲ្យវាយបញ្ចូលឈ្មោះឲ្យបានត្រឹមត្រូវនៅក្នុងមែកធាងគ្រួសារ ។
ជ្រើសរើសភាសាត្រឹមត្រូវ
នៅពេលអ្នកបន្ថែម ឬកែឈ្មោះមួយនៅក្នុងមែកធាងគ្រួសារអ្នកអាចផ្លាស់ប្ដូរការកំណត់ភាសាបាន ។ ការកំណត់ភាសាអនុញ្ញាតឲ្យអ្នកវាយបញ្ចូលឈ្មោះតាមលំដាប់លំដោយត្រឹមត្រូវជាមួយនឹងសំណុំតួអក្សរដែលត្រឹមត្រូវ ។
វាយបញ្ចូលទម្រង់ឈ្មោះត្រឹមត្រូវនៅក្នុងផ្នែកសំខាន់
នៅក្នុងផ្នែកសំខាន់ សូមវាយបញ្ចូលឈ្មោះកំណើត ឬឈ្មោះពេញតាមផ្លូវច្បាប់ ។
- ការប្រើអក្សរធំ—សូមប្រើអក្សរធំធម្មតា ។
- ឈ្មោះមុន និងក្រោយពេលរៀបអាពាហ៍ពិពាហ៍—ប្រសិនបើស្ដ្រីម្នាក់ផ្លាស់ប្ដូរគោត្តនាមរបស់ខ្លួនក្រោយអាពាហ៍ពិពាហ៍ សូមប្រើឈ្មោះមុនពេលរៀបការរបស់គាត់ ។
- ការប្ដូរឈ្មោះតាមផ្លូវច្បាប់—ប្រសិនបើបុគ្គលម្នាក់បានផ្លាស់ប្ដូរឈ្មោះរបស់ខ្លួនតាមផ្លូវច្បាប់ មិនមែនតាមរយៈការរៀបការ នោះសូមវាយបញ្ចូលឈ្មោះតាមផ្លូវច្បាប់ថ្មីនោះ ។
- ឈ្មោះដែលប្រើទូទៅបំផុត—ប្រសិនបើបុគ្គលនោះមិនប្រើឈ្មោះតាមផ្លូវច្បាប់របស់គាត់ពេលនៅរស់ នោះអ្នកអាចវាយបញ្ចូលឈ្មោះដែលប្រើទូទៅបំផុតនៅក្នុងផ្នែកសំខាន់ ។ សូមវាយបញ្ចូលឈ្មោះតាមផ្លូវច្បាប់នៅក្នុងផ្នែកព័ត៌មានផ្សេងទៀត ។
ដាក់ផ្នែកឈ្មោះនីមួយៗនៅក្នុងកន្លែងត្រឹមត្រូវ
- ងារ—សូមប្រើងារនេះសម្រាប់ពាក្យដូចជា « លោកជំទាវ » ឬ « លោក » ។ អ្នកអាចទុកប្រអប់ងារឲ្យនៅទទេ ។
- នាម—សូមវាយបញ្ចូលនាមទីមួយ និងនាមកណ្ដាល ។ សូមដាក់ឈ្មោះហៅក្រៅនៅក្នុងផ្នែក « ព័ត៌មានផ្សេងទៀត » ។
- គោត្តនាម—សូមវាយបញ្ចូលនាមគ្រួសារ ឬគោត្តនាម ។ ប្រសិនបើស្ដ្រីម្នាក់ផ្លាស់ប្ដូរគោត្តនាមរបស់ខ្លួនក្រោយរៀបអាពាហ៍ពិពាហ៍ សូមវាយបញ្ចូលឈ្មោះមុនពេលរៀបអាពាហ៍ពិពាហ៍របស់គាត់ ។ ប្រសិនបើបុគ្គលនោះគ្មានគោត្តនាមទេ សូមទុកប្រអប់គោត្តនាមនេះឲ្យនៅទទេ ។
- Suffix—សូមវាយបញ្ចូលពាក្យដូចជា « ជុញ័រ » ឬ « ស៊ីញ័រ » ឬលេខរ៉ូម៉ាំង ។ ឧទាហរណ៍ ចន ស្ម៊ីធ III ។ អ្នកអាចទុកប្រអប់ឲ្យនៅទទេ ។
សូមដាក់ឈ្មោះហៅក្រៅ និងឈ្មោះផ្សេងៗទៀតនៅក្នុងផ្នែក ព័ត៌មានផ្សេងទៀត
សូមបន្ថែមឈ្មោះផ្សេងទៀតដែលបុគ្គលម្នាក់បានប្រើនៅក្នុងផ្នែក « ព័ត៌មានផ្សេងទៀត » ។ នេះគឺជាឧទាហរណ៍ ៖
- ឈ្មោះហៅក្រៅ
- ឈ្មោះដែលប្រើពីមុន ឬក្រោយពីការផ្លាស់ប្ដូរទៅប្រទេសថ្មីមួយ
- ឈ្មោះដែលបានប្រើដើម្បីចៀសវាងការស្គាល់
- ការផ្លាស់ប្តូរឈ្មោះមកពីការទទួលយកទៅចិញ្ចឹម ការលែងលះ ឬសកម្មភាពផ្លូវច្បាប់មួយចំនួនផ្សេងទៀត
- ឈ្មោះក្លាយដោយផ្អែកលើទំនៀមទម្លាប់នៃការដាក់ឈ្មោះដូចជាឈ្មោះ « dit » របស់បារាំង ។
- ឈ្មោះអាពាហ៍ពិពាហ៍របស់ស្ត្រី
- បំរែបំរួលការប្រកបពាក្យ
ចៀសវាងពាក្យ និងតួអក្សរមិនត្រឹមត្រូវ
អ្នកមិនអាចរក្សាទុកឈ្មោះមួយដែលមានតួអក្សរមិនត្រឹមត្រូវនៅក្នុងប្រអប់ណាមួយឡើយ ។ មានសារព្រមានមួយរៀបរាប់ពីបញ្ហានោះ ។ ប្រសិនបើសារបង្ហាញជាពណ៌ក្រហម អ្នកត្រូវតែយកតួអក្សរមិនត្រឹមត្រូវនោះចេញ ។
- តួអក្សរទាំងនេះមិនត្រូវបានអនុញ្ញាតឡើយ ៖ \ @ # $ % ^ & * _ + = | ~ ? < > [ ] { } ( ) ; : ០ ១ ២ ៣ ៤ ៥ ៦ ៧ ៨ ៩ ។
- សូមចៀសវាងការមានចន្លោះបន្ថែម ។
- អ្នកអាចប្រើសហសញ្ញា និងវណ្ណយុត្តសញ្ញា ដែលជាផ្នែកមួយនៃឈ្មោះបាន ។
- សូមចៀសវាងឈ្មោះដែលគ្រាន់តែសរសេរជាអក្សរកាត់ប៉ុណ្ណោះ ។
- សូមចៀសវាងពាក្យដែលមិនមែនជាឈ្មោះ ។ ឧទាហរណ៏រួមមាន គ្មានឈ្មោះ មិនបញ្ចេញឈ្មោះ លោក ភរិយា កូនភ្លោះ ឬកូនប្រុស ។
- សូមវាយបញ្ចូលលេខជំនាន់ ដូចជា III នៅក្នុងប្រអប់បច្ច័យបទ ។
អត្ថបទដែលទាក់ទង
តើខ្ញុំផ្លាស់ប្ដូរព័ត៌មានសំខាន់នៅក្នុងមែកធាងគ្រួសារដោយរបៀបណា ?
តើខ្ញុំបន្ថែមឈ្មោះហៅក្រៅទៅកាន់មែកធាងគ្រួសារដោយរបៀបណា ?
តើខ្ញុំអាចវាយបញ្ចូលឈ្មោះមួយជាភាសាផ្សេងទៀតទៅក្នុងមែកធាងគ្រួសារដោយរបៀបណា ?
ហេតុអ្វីឈ្មោះរបស់បុគ្គលម្នាក់មានសញ្ញាសួរនៅក្នុងមែកធាងគ្រួសារ ?
តើខ្ញុំអាចវាយបញ្ចូលឈ្មោះស្កេនឌីណាវៀនទៅក្នុងមែកធាងគ្រួសារដោយរបៀបណា ?