ពេលខ្លះ នៅពេលដែលអ្នកប្រើប្រាស់ព្យាយាមមើលទំនាក់ទំនង នោះការមើលទំនាក់ទំនងសរសេរថា « ពុំជាប់សាច់ញាតិ » ឬ « រកពុំឃើញទំនាក់ទំនងទេ » ។ នេះជាហេតុផលមួយចំនួនដែលការណ៍នេះកើតឡើង និងរបៀបជួសជុលដែលអាចអនុវត្តបាន ៖
ការអនុញ្ញាតត្រូវតែបើក
នៅពេលដែលអ្នកប្រើប្រាស់ភ្ជាប់ទំនាក់ទំនងគ្នាតាមការផ្ញើសារ នោះពួកគេអាចមើលទំនាក់ទំនងរបស់ពួកគេចំពោះគ្នាទៅវិញទៅមកបាន ។ ដើម្បីអាចមើលទំនាក់ទំនងនេះ នោះអ្នកប្រើប្រាស់ទាំងពីរត្រូវបើកការមើលទំនាក់ទំនង ។ សូមចូលទៅកាន់ ការកំណត់ របស់អ្នក ហើយចុចបើកលើ បើកការមើលទំនាក់ទំនង ។ ការណ៍នេះនឹងអនុញ្ញាតឲ្យអ្នក និងអ្នកប្រើប្រាស់ផ្សេងទៀតមើលឃើញទំនាក់ទំនងរបស់ពួកគេជាមួយនឹងអ្នក ព្រមទាំងបុព្វការីជនណាម្នាក់ដែលមានរួមគ្នាផងដែរ ។ ការអនុញ្ញាតនេះមិនប៉ះពាល់ដល់ការមើលទំនាក់ទំនងរវាងអ្នក និងបុគ្គលនៅលើមែកធាងគ្រួសាររបស់អ្នកនោះទេ ។
មែកធាងគ្រួសាររបស់អ្នកត្រូវការទិន្នន័យបន្ថែមទៀត
ប្រសិនបើអ្នកមិនទាន់បានបន្ថែមគ្រួសាររបស់អ្នកចូលទៅក្នុងមែកធាងនេះនៅឡើយទេ នោះយើងនឹងមិនអាចរកឃើញសាច់ញាតិណាម្នាក់ឡើយ ។ អ្នកត្រូវចាប់ផ្តើមមែកធាងមួយ ដើម្បីឲ្យមែកធាងគ្រួសារមានព័ត៌មានអំពីអ្នកដើម្បីស្រាវជ្រាវ ។
ប្រសិនបើអ្នកបានចាប់ផ្ដើមមែកធាងគ្រួសារមួយហើយ អ្នកប្រហែលជាគ្រាន់តែត្រូវបន្ថែមពីរបីជំនាន់ទៀតប៉ុននោះ ដើម្បីយើងអាចស្វែងរកទំនាក់ទំនងរបស់អ្នកជាមួយអ្នកដទៃបាន ។ សូមព្យាយាមយកខ្សែស្រឡាយគ្រួសាររបស់អ្នកមួយ ( បុព្វការីជនខាងឪពុក ឬខាងម្ដាយ ) ដើម្បីត្រឡប់ទៅពីរបីជំនាន់ទៀត ។ ការណ៍នេះនឹងបើកឲ្យមានលទ្ធភាពនៃទំនាក់ទំនងគ្រួសារកាន់តែច្រើនជាមួយអ្នកប្រើប្រាស់ផ្សេងទៀត ។
មែកធាងមិនគ្រប់គ្រាន់
ប្រហែលមិនទាន់មានមែកធាងគ្រួសារគ្រប់គ្រាន់ ដែលបានដាក់បញ្ជូនពីតំបន់ជាក់លាក់របស់អ្នកលើពិភពលោកនេះនៅឡើយទេ ។ ការណ៍នេះធ្វើឲ្យមែកធាងគ្រួសារពិបាកស្វែងរកទំនាក់ទំនង ។ អ្នកអាចជួយបានតាមរយៈការលើកទឹកចិត្តអ្នកដទៃទៀត ដែលមានសាវតាស្រដៀងគ្នាឲ្យវាយបញ្ចូលព័ត៌មានរបស់ពួកគេនៅក្នុងមែកធាងគ្រួសារ ខណៈដែលអ្នកបន្តធ្វើការលើមែកធាងគ្រួសាររបស់អ្នកផ្ទាល់ ។
បុព្វការីជនរួមគ្នារបស់អ្នកមិនស្ថិតនៅក្នុង ១៥ ជំនាន់នេះទេ
ការមើលទំនាក់ទំនង ស្វែងរកបុព្វការីជនរហូតដល់ ១៥ ជំនាន់ រួមទាំងកូនចៅរបស់ពួកគេរហូតដល់ ១៥ ជំនាន់ផងដែរ ។ អ្នកអាចមានបុព្វការីជនរួមគ្នាហួសពី ១៥ ជំនាន់ ។
អត្ថបទដែលទាក់ទង
តើខ្ញុំមើលទំនាក់ទំនងរបស់ខ្ញុំទៅនឹងបុគ្គលម្នាក់នៅក្នុងមែកធាងគ្រួសារដោយរបៀបណា ?
ការមើលទំនាក់ទំនង ៖ តើខ្ញុំបើក ឬបិទជម្រើសក្នុងការមើលទំនាក់ទំនងរបស់ខ្ញុំជាមួយអ្នកប្រើប្រាស់ដទៃទៀតដោយរបៀបណា ?
តើខ្ញុំអាចមើលទំនាក់ទំនងរបស់ខ្ញុំទៅនឹងបុគ្គលម្នាក់នៅក្នុងកម្មវិធីអនុស្សាវរីយ៍ដោយរបៀបណា ?