ដើម្បីដោះស្រាយបញ្ហាទិន្នន័យ « បញ្ហាជាមួយនឹងឈ្មោះភាសា » នោះអ្នកត្រូវតែកែសម្រួលឈ្មោះរបស់បុគ្គលនោះ ។ បន្ទាប់មក សូមប្រាកដថា ពុម្ពភាសាត្រូវគ្នាទៅនឹងអក្សរដែលបានប្រើ ថាអក្សរនីមួយៗស្ថិតនៅក្នុងប្រអប់ត្រឹមត្រូវ ហើយថាអក្សរនីមួយៗស្ថិតនៅក្នុងប្រអប់ដាច់ដោយឡែកពីគ្នា ។
បញ្ហាទិន្នន័យនេះមិនអាចបោះបង់ចោលបានទេ ។
ជំហាន ( គេហទំព័រ )
- សូមចូលទៅកម្មវិធីស្រាវជ្រាវក្រុមគ្រួសារ ហើយសូមចុចលើ មែកធាងគ្រួសារ ហើយបន្ទាប់មកសូមចុចលើ មែកធាង ។
- សូមស្វែងរកបុគ្គលដែលអ្នកចង់កែសម្រួលនោះ ។ សូមបើកទំព័របុគ្គល ។
- សូមចុចលើរូបតំណាងខ្មៅដៃ ដែលនៅជាប់នោះគឺ មានឈ្មោះរបស់បុគ្គលនោះ ។
- ជ្រើសរើសពុម្ពភាសាត្រឹមត្រូវ សម្រាប់ឈ្មោះនោះ ។ ប្រអប់ពុម្ពភាសាគឺនៅខាងលើប្រអប់ចំណងជើង ។
- សូមប្រើមុខងារពិសេសសម្រាប់កាត់ និងបិទភ្ជាប់នៅលើកុំព្យូទ័ររបស់អ្នក ដើម្បីផ្លាស់ទីផ្នែកនីមួយៗនៃឈ្មោះនេះទៅកាន់ប្រអប់ត្រឹមត្រូវសម្រាប់សំណុំតួអក្សរទាំងនោះ ។ សារព្រមាននឹងបាត់ទៅ នៅពេលដែលតួអក្សរត្រឹមត្រូវស្ថិតនៅក្នុងប្រអប់ត្រឹមត្រូវ ។
- សូមអូសចុះក្រោមទៅកាន់ប្រអប់ ហេតុផលដែលព័ត៌មាននេះគឺត្រឹមត្រូវ ។ សូមវាយបញ្ចូលការពន្យល់សម្រាប់ការផ្លាស់ប្ដូររបស់អ្នក ។
- សូមចុចលើ រក្សាទុក ។
គន្លឹះ ៖ តាមលំនាំដើម មែកធាងគ្រួសារបង្ហាញឈ្មោះមកពីភាសាមិនមែនរ៉ូម៉ាំង ដូចជាភាសាចិន ជប៉ុន និងកូរ៉េតាមអក្សរភាសាដើមរបស់ពួកគេ ។ នៅក្នុង ការកំណត់គណនីរបស់អ្នក អ្នកអាចជ្រើសរើសដើម្បីបង្ហាញឈ្មោះទាំងអស់ជាអក្សររ៉ូម៉ាំង ( ឡាតាំង ) បាន ។
ជំហាន ( កម្មវិធីឧបករណ៍ចល័ត )
កម្មវិធីឧបករណ៍ចល័តមែកធាងគ្រួសារ មិនបង្ហាញរូបតំណាងបញ្ហាទិន្នន័យដូចនៅលើគេហទំព័រនោះទេ ។ ទោះយ៉ាងណា សម្រាប់បញ្ហាទិន្នន័យជាក់លាក់នេះ អ្នកនៅតែអាចមើលឃើញ និងជួសជុលវាដោយការកែសម្រួលឈ្មោះរបស់បុគ្គលនោះបានដដែល ។ ប្រសិនបើបុព្វការីជនរបស់អ្នកជាច្រើនមានបញ្ហាទិន្នន័យនេះ នោះអ្នកអាចនឹងឃើញថា វាងាយស្រួលជាងដើម្បីស្វែងរក និងកែតម្រូវវានៅលើគេហទំព័រកម្មវិធីស្រាវជ្រាវក្រុមគ្រួសារ ។
- សូមចូលទៅកម្មវិធីឧបករណ៍ចល័តមែកធាងគ្រួសារ ។
- សូមស្វែងរកបុគ្គលដែលអ្នកចង់កែសម្រួលនោះ ។ សូមបើកទំព័របុគ្គល ។
- សូមចុចលើឈ្មោះរបស់បុគ្គលនោះ ។
- សូមចុចលើ កែសម្រួល ។ ប្រសិនបើមានបញ្ហាទិន្នន័យនេះ នោះអ្នកនឹងឃើញការព្រមាននៅលើអេក្រង់ ។
- ជ្រើសរើសពុម្ពភាសាត្រឹមត្រូវ សម្រាប់ឈ្មោះនោះ ។ ឈ្មោះភាសានឹងបង្ហាញឡើងនៅខាងលើប្រអប់ចំណងជើង ។ ប្រអប់នេះអាចមានឈ្មោះភាសា ឬមានពាក្យ « ផ្សេងៗ » ។
- សូមប្រើមុខងារពិសេសសម្រាប់កាត់ និងបិទភ្ជាប់នៅលើឧបករណ៍របស់អ្នក ដើម្បីផ្លាស់ទីផ្នែកនីមួយៗនៃឈ្មោះនេះទៅកាន់ប្រអប់ត្រឹមត្រូវសម្រាប់សំណុំតួអក្សរទាំងនោះ ។ សារព្រមាននឹងបាត់ទៅ នៅពេលដែលតួអក្សរត្រឹមត្រូវស្ថិតនៅក្នុងប្រអប់ត្រឹមត្រូវ ។
- សូមចុចលើ បន្ដ ។
- សូមវាយបញ្ចូលការពន្យល់សម្រាប់ការផ្លាស់ប្ដូររបស់អ្នក ។
- សូមចុចលើ រក្សាទុក ។
អត្ថបទដែលទាក់ទង
តើអ្វីទៅជាបញ្ហាទិន្នន័យ « បញ្ហាជាមួយនឹងឈ្មោះភាសា » នៅក្នុងមែកធាងគ្រួសារ ?
តើខ្ញុំអាចវាយបញ្ចូលឈ្មោះមួយជាភាសាផ្សេងទៀតនៅក្នុងមែកធាងគ្រួសារដោយរបៀបណា ?
ពុម្ពភាសាសម្រាប់ឈ្មោះនៅក្នុងមែកធាងគ្រួសារ
តើខ្ញុំវាយបញ្ចូលឈ្មោះជាភាសាចិនចូលទៅក្នុងមែកធាងគ្រួសារដោយរបៀបណា ?
តើខ្ញុំដោះស្រាយបញ្ហាទិន្នន័យនៅក្នុងមែកធាងគ្រួសារដោយរបៀបណា ?
តើមានបញ្ហាទិន្នន័យអ្វីខ្លះដែលអាចកើតមាននៅក្នុងមែកធាងគ្រួសារ ?