នៅពេលអ្នករកឃើញ និងភ្ជាប់បុព្វការីជនរបស់អ្នក នោះអ្នកឃើញថា អ្នកផ្សេងទៀតអាចបន្ថែម ឬកែប្រែព័ត៌មានដែលអ្នកបានរួមចំណែកហើយ ។
យើងជឿថា នៅពេលដែលមនុស្សកាន់តែច្រើនធ្វើការនៅក្នុងមែកធាងគ្រួសារ នោះមែកធាងនេះនឹងលូតលាស់ ។ ជាមួយនឹងការលូតលាស់ យើងសង្ឃឹមថា វានឹងកាន់តែមានភាពត្រឹមត្រូវ ។ យើងបានបង្កើតឧបករណ៍ជាច្រើន ដើម្បីជួយអ្នកប្រើប្រាស់របស់យើងឲ្យធ្វើការជាមួយគ្នា ។
នៅពេលដែលអ្នកប្រើប្រាស់ផ្សេងទៀតរកឃើញប្រភពដើម និងសេចក្តីថ្លែងការណ៍អំពីមូលហេតុ នោះពួកគេទំនងជាមិនសូវផ្លាស់ប្តូរព័ត៌មានល្អត្រឹមត្រូវ ទៅជាព័ត៌មានដែលមិនសូវត្រឹមត្រូវនោះទេ ។
ឧបករណ៍សហប្រតិបត្តិការនៅក្នុងមែកធាងគ្រួសារ
- អ្នកអាច តាមដាន រហូតដល់ ៤០០០ កំណត់ត្រានៃមែកធាងណាដែលអ្នកចាប់អារម្មណ៍ ។ ដើម្បីតាមដានបុព្វការីជនម្នាក់ សូមចូលទៅកាន់ទំព័ររបស់បុគ្គលនោះ ។ នៅខាងស្តាំដៃនៃផ្ទាំងបដាឈ្មោះ សូមចុច ការតាមដាន ។ ដើម្បីមើលបញ្ជី និងការផ្លាស់ប្ដូររបស់អ្នក សូមចុចលើ មែកធាងគ្រួសារ ហើយបន្ទាប់មកចុចលើ ការតាមដាន ។
- ការផ្លាស់ប្ដូរចុងក្រោយបំផុត បង្ហាញការផ្លាស់ប្តូរនានានៅលើកំណត់ត្រាមែកធាងរបស់បុគ្គលម្នាក់ ។ នៅលើទំព័ររបស់បុគ្គល សូមអូសចុះក្រោមរហូតដល់អ្នកឃើញផ្ទាំង ការផ្លាស់ប្ដូរចុងក្រោយបំផុត នៅខាងស្ដាំដៃ ។ សូមចុចលើ បង្ហាញទាំងអស់ ដើម្បីមើលបញ្ជីពេញលេញ ។
- ប្រភពដើម ជួយអ្នកប្រើប្រាស់ឲ្យទុកចិត្តលើព័ត៌មានដែលពួកគេមើលឃើញ ។ ដើម្បីមើលប្រភពដើមដែលបានភ្ជាប់សម្រាប់កំណត់ត្រាមែកធាងមួយ សូមចូលទៅកាន់ទំព័របុគ្គលរបស់បុព្វការីជននោះ ។ នៅក្បែរផ្នែកខាងលើបង្អស់នៃអេក្រង់ សូមចុចលើ ប្រភពដើមនានា ។
- សេចក្ដីថ្លែងការណ៍អំពីមូលហេតុ ពន្យល់អំពីការផ្លាស់ប្ដូរ ឬការចូលរួមចំណែកមួយសម្រាប់កំណត់ត្រារបស់បុព្វការីជនម្នាក់ ។ សូមបន្ថែមសេចក្តីថ្លែងការណ៍អំពីមូលហេតុនៅកន្លែងណាដែលអ្នកបន្ថែមព័ត៌មាន ។
- គំនូសព្រាងជីវិតផ្ដល់ សេចក្ដីសង្ខេបខ្លីមួយអំពីជីវិតរបស់បុព្វការីជនម្នាក់ ។ គំនូសព្រាងជីវិតអាចជួយឲ្យអ្នកដទៃដឹងថា តើបុគ្គលនោះជាបុព្វការីជនរបស់ពួកគេឬអត់ ។ សូមស្វែងរកគំនូសព្រាងជីវិតនៅផ្នែកខាងក្រោមបំផុតនៃផ្ទាំងព័ត៌មានលម្អិតនៅលើទំព័ររបស់បុគ្គលម្នាក់ ។
- ពីទំព័ររបស់បុគ្គល សូមចុច ការសហការ ដើម្បីប្រើឧបករណ៍ការពិភាក្សា ឬឧបករណ៍កំណត់ចំណាំ ។ សូមចុច + បន្ថែមការពិភាក្សាថ្មីមួយ ដើម្បីចាប់ផ្ដើមការសន្ទនាអំពីបុព្វការីជនរួមគ្នាម្នាក់ ជាមួយមនុស្សឯទៀតដែលចូលមើលទំព័ររបស់បុព្វការីជននោះ ។ ឬសូមចុចលើ + បន្ថែមកំណត់ចំណាំថ្មីមួយ ដើម្បីកត់ត្រាការយល់ដឹង ការសន្និដ្ឋាន ឬសំណួរដែលហាក់ដូចជាមិនសមនឹងកន្លែងឯទៀត ។
ធ្វើការរួមគ្នានៅលើមែកធាង
ពេលខ្លះ អ្នកប្រើប្រាស់ផ្សេងទៀតអនុញ្ញាតឲ្យយើងចេញផ្សាយអាសយដ្ឋានអ៊ីម៉ែល ឬព័ត៌មានទាក់ទងផ្សេងទៀតរបស់ពួកគេ ។ សូមប្រើវាដើម្បីទាក់ទងពួកគេដោយផ្ទាល់ ។ ឬផ្ញើសារតាមកម្មវិធីស្រាវជ្រាវក្រុមគ្រួសារទៅកាន់អ្នកប្រើប្រាស់កម្មវិធីស្រាវជ្រាវក្រុមគ្រួសារណាម្នាក់ ។
នៅពេលអ្នកសហការជាមួយនឹងអ្នកប្រើប្រាស់ដទៃទៀតនៅក្នុងមែកធាងគ្រួសារ សូមមានការគួរសម និងការគោរព ។
អត្ថបទដែលទាក់ទង
តើខ្ញុំតាមដាន ឬលែងតាមដានបុគ្គលម្នាក់នៅក្នុងមែកធាងគ្រួសារដោយរបៀបណា ?
តើខ្ញុំមើលកំណត់ត្រាទាំងអស់នៅក្នុងមែកធាងគ្រួសារដែលខ្ញុំកំពុងតាមដានដោយរបៀបណា ?
តើខ្ញុំប្រើមុខងារការពិភាក្សានៅក្នុងមែកធាងគ្រួសារដោយរបៀបណា ?
តើខ្ញុំផ្ញើសារទៅកាន់អ្នកទាក់ទងថ្មីម្នាក់នៅក្នុងការផ្ញើសារនៃកម្មវិធីស្រាវជ្រាវក្រុមគ្រួសារដោយរបៀបណា ?
តើខ្ញុំផ្ញើសារទៅនរណាម្នាក់ដែលបានរួមចំណែកដល់កម្មវិធីមែកធាងគ្រួសារ ឬអនុស្សាវរីយ៍ដោយរបៀបណា ?