Ang pagdugang og buhi nga mga henerasyon mokonektar kanimo ngadto sa imong namatay nga mga katigulangan. Sama pananglit, ang pagdugang sa imong buhi nga mga ginikanan magtugot kanimo sa pagkonektar balik ngadto sa imong namatay nga mga apohan.
Ang paglakip niini nga mga henerasyon makadugang usab og personal nga kahulogan kon mohukom ka nga gusto nimong iprinta ang imong mga nadiskobrehan ug ipaambit kini ngadto sa buhi nga mga sakop sa pamilya.
Sa unsang paagi ang buhi nga mga tawo gitipigan ug gi-access diha sa family Tree
- Gidid-an sa FamilySearch ang pag-access sa mga rekord sa buhi nga mga tawo aron sa pagpanalipod sa ilang pagkapribado. Makita lamang kini ngadto sa mga tiggamit nga midugang niini.
- Ikaw lamang ang makakita sa mga rekord sa buhi nga mga tawo nga imong gidugang, apan hinumdomi nga ang mga handoman nga nalakip kanila mahimong makita ni bisan kinsa, bisan kon sila rehistrado nga mga tiggamit o dili.
- Ang buhi nga mga indibidwal dili mapangita pinaagi sa ngalan diha sa Family Tree.
- Ang buhi nga mga indibidwal mapangita lamang pinaagi sa numero sa ID, apan niadtong kinsa mihimo sa ilang rekord lamang.
- Ang mga relasyon sa buhi nga mga tawo madugang lamang pinaagi sa numero sa ID niadtong kinsa mihimo sa ilang rekord.
- Ang usa ka buhi nga indibidwal adunay managlahi nga numero sa ID alang sa matag tawo nga modugang sa iyang rekord ngadto sa Family Tree. Kini magtugot nga adunay mahimo nga trabaho sa mga rekord samtang gipabilin gihapon ang pagkapribado. Kining nagdoble nga mga rekord mahimong itipon sa higayon nga adunay usa ka tawo nga mo-report nga namatay ang indibidwal ug mohatag sa tukma nga mga dokumento.
Kinatibuk-ang mga instruksiyon sa pagdugang
Alang sa usa ka bag-o nga tawo, kinahanglang labing menos i-type nimo ang ngalan o apelyido, ibutang ang sekso sa tawo, ug i-check ang namatay o buhi sa dili pa ka makapadayon sa proseso sa pagdugang.
Kon ang tawo anaa na sa sistema, ug ikaw ang tawo nga mihimo sa rekord, mahimo nimo siyang mapangita pinaagi sa numero sa ID pinaagi sa pag-klik sa Mangita.
Mga Lakang (sa website)
- Samtang naka-sign in ngadto sa FamilySearch.org, i-klik ang Family Tree.
- Adto sa Tawo nga pahina sa usa ka direkta nga sakop sa pamilya sa buhi nga indibidwal.
- Kon dili nimo makita ang Mga Importante duol sa kinaibabwan sa pahina, i-klik ang Mga Detalye.
- I-scroll ngadto sa seksiyon nga Mga Sakop sa Pamilya.
- I-klik ang tukma nga link (Magdugang og Kapikas, Magdugang og Anak, o Magdugang og Ginikanan).
- I-type ang impormasyon kabahin sa indibidwal. Ibutang nga buhi siya.
- I-klik ang Sunod.
- I-klik ang Himoon ang Tawo.
Mga Lakang (sa mobile app)
- Diha sa Family Tree nga mobile app, adto sa pahina sa Tawo sa usa ka sakop sa pamilya sa buhi nga indibidwal.
- Pindota ang tukma nga tab (Mga Kapikas alang sa mga kapikas ug mga anak o Mga Ginikanan alang sa mga ginikanan ug mga igsoon).
- Pindota ang tukma nga link (Magdugang og Anak, Magdugang og Kapikas, Magdugang og Ginikanan, o Magdugang og Igsoon).
- I-type ang impormasyon mahitungod sa indibidwal, ug dayon pindota ang Padayon.
- Ibutang nga Buhi ang tawo.
- I-type ang bisan unsang impormasyon sa pagkatawo, ug dayon pindota ang Padayon.
- Pindota ang Idugang o Idugang Kini nga Tawo.
Mga Lakang (sa Family Tree Lite)
- Diha sa Family Tree Lite, adto sa pahina sa tawo sa usa ka sakop sa pamilya sa buhi nga indibidwal.
- I-klik ang Tan-awon ang Pamilya.
- I-klik ang husto nga link (Magdugang og Kapikas, Magdugang og Anak, Magdugang og Ginikanan, o Magdugang og Igsoon).
- I-type ang impormasyon kabahin sa indibidwal. Ibutang nga buhi siya.
- I-klik ang Sunod.
May kalabotan nga mga artikulo
Pahibalo sa Pagkapribado sa FamilySearch
Makadugang ba ko og mga handomanan mahitungod sa akong buhi nga mga paryente ngadto sa Family Tree?
Sa unsang paagi gipanalipdan sa Family Tree ang pagkapribado sa buhi nga mga tawo?
Kinsa ang makakita sa akong buhi nga mga paryente diha sa Family Tree?
Unsaon nako sa pag-usab ang estado gikan sa namatay ngadto sa buhi diha sa Family Tree?
Unsaon nako sa pagtipon ang posibling nagkadoble diha sa Family Tree?