ʻI hoʻo lesisita ki ha ʻakauni FamilySearch.org, te ke lava ʻo fakaʻaongaʻi hoʻo fika telefoni toʻotoʻó ke fakapapauʻi ko hai koe pea fakamoʻui hoʻo ʻakauní. ʻOku ʻoatu ʻe he FamilySearch ha pōpoaki telefoni ʻoku ʻi ai ha kouti fakapapauʻi mataʻifika 6. Kapau ʻoku ʻikai ke ke maʻu ʻa e koutí, fakapapauʻi ʻoku tonu ʻa e fika telefoni toʻotoʻo naʻá ke fakahuú. Hili hono fakatonutonu e fiká, te ke lava ʻo kole ha kouti fakapapauʻi foʻou.
Fakapapauʻi hoʻo fika telefoni toʻotoʻo
- Hū ki he FamilySearch.org.
- ʻI he tuliki toʻomataʻu ki ʻolungá, lomiʻi ho hingoá, pea lomiʻi ʻi he Settings.
- Vakaiʻi ʻoku tonu e fika telefoni toʻotoʻó. Kapau ʻoku hala, lomiʻi ʻi he Edit, pea fai e ngaahi liliu ʻoku fiemaʻú.
- Lomiʻi ʻi he Seivi
Toe ʻave ha kouti fakapapauʻi
Kapau ʻoku tonu hoʻo fika telefoni toʻotoʻó, te ke lava ʻo kole ha text fakapapauʻi foʻou ke fakamoʻui hoʻo ʻakauní. ʻOku ʻaonga e koutí ʻi ha miniti ʻe 20 mei he taimi ʻoku ʻave aí.
Kapau ʻokú ke lava ʻo hū ki hoʻo ʻakauni FamilySearch.org:
- Hū ki he FamilySearch.org.
- ʻI he tuliki toʻomataʻu ki ʻolungá, lomiʻi ho hingoá, pea lomiʻi ʻi he Settings.
- ʻI lalo ʻi hoʻo fika telefoni toʻotoʻó, lomiʻi ʻi he Fakapapauʻi e Fika Telefoni ko ʻEní.
- ʻI hoʻo maʻu ʻa e kouti foʻoú ʻi hoʻo telefoní, fakahū ʻa e kouti fakapapauʻi foʻoú ʻi he puha ʻi lalo ʻi he Fakahū e Fika Fakapapauʻí. Fakatokangaʻi ange: Kapau ʻokú ke fiemaʻu ke toe ʻave ʻa e koutí, lomiʻi ʻi he Toe ʻAve ʻa e Koutí.
- Lomiʻi ʻi he Fakapapauʻi.
Kapau ʻoku ʻikai ke ke lava ʻo hū ki hoʻo ʻakauní ʻi he FamilySearch.org:
- Fetuʻutaki ki he Vaʻa Tokoni ʻa e FamilySearch.
- Kuo pau ke mau fakapapauʻi e fakamatala naʻá ke fakaʻaongaʻi ke faʻu ʻaki hoʻo ʻakauni FamilySearch.
- ʻOku mau toe ʻoatu ha kouti fakapapauʻi mataʻifika ʻe 6 ke fakamoʻui ʻaki hoʻo ʻakauni FamilySearch.
- ʻAlu ki he verify.fs.org.
- Fakahū ʻa e kouti fakapapauʻi mataʻifika ʻe 6 ki he konga ki he kouti fakapapauʻí ʻi he screen.
- Lomiʻi ʻi he Seiví.
Ngaahi fakamatala fekauʻakí
Te u faʻu fēfē haʻaku ʻakauni FamilySearch taʻetotongi?
Te u kole fēfē ke toe ʻomi ha ʻīmeili fakapapauʻi ke fakamoʻui ʻaki ʻeku ʻakauni FamilySearch?