Te u toʻo fēfē ha liliu naʻe fehalaaki ʻi he Fuʻu ʻAkau Fakafāmilí?

ʻOku muimuiʻi ʻe he Fuʻu ʻAkau Fakafāmilí ʻa e ngaahi liliu kotoa pē ki he fakamatala ʻo ha kui, kau ai e fakamatala fekauʻaki mo e ngaahi vā fetuʻutakí. Kapau ʻoku ʻikai ke ke tui tatau mo ha liliu, te ke lava ʻo toe vakaiʻi ia mo fai ha faʻahinga fakatonutonu pē ʻokú ke pehē ʻoku fiemaʻu.

Ngaahi Sitepú (uepisaití)

1. Hū ki he FamilySearch, pea ʻalu ki he peesi ʻa e Tokotaha fakafoʻituitui ʻokú ke fie vakai ki aí.
2. Kapau ʻoku ʻikai ke ke sio ki he Ngaahi Fakamatala Mahuʻingá ʻi he konga ki ʻolunga ʻo e pēsí, lomiʻi ʻi he tab Ngaahi Fakaikiikí.
3. Ke fakafoki e ngaahi liliu ne fai fekauʻaki mo e tokotahá, muimui ki he ngaahi sitepu ko ʻení:
   
   1. Kumi ʻa e puha Liliu Fakamuimuitahá.
   2. Lomiʻi ʻi he Fakahā Kotoa.
4. Ke fakafoki ha liliu ʻi ha vā fetuʻutaki ʻa ha ongomeʻa mali mo e tokotahá, muimui ki he ngaahi sitepu ko ʻení:
   
   1. ʻAlu hifo ki lalo ki he konga ʻo e Kau Mēmipa ʻo e Fāmilí.
   2. Kumi ʻa e ongomeʻa malí, pea lomiʻi ʻi heʻena Fakaʻilonga fakatonutonú.
   3. Lomiʻi ʻi he Vakai ki he Ngaahi Liliu Kotoa Pē.
5. Ke fakafoki ha liliu ki ha vā fetuʻutaki mātuʻa-fānau maʻá e tokotahá, muimui ki he ngaahi sitepu ko ʻení.
   
   1. ʻAlu hifo ki lalo ki he konga ʻo e Kau Mēmipa ʻo e Fāmilí.
   2. Kumi ʻa e fānaú, pea lomiʻi ʻi he Fakaʻilonga fakatonutonu ki he vā fetuʻutaki mātuʻa-fānaú.
   3. Lomiʻi ʻi he Vakai ki he Ngaahi Liliu Kotoa Pē.
6. Kumi ʻa e liliu ʻokú ke loto ke fakafokí. Kapau ʻoku ʻasi ʻa e foʻi lea Fakafokí ʻi he tafaʻaki taupotu ki toʻomataʻú, ʻe lava ke ke fakafoki ha liliu.
   
   1. Lomiʻi ʻi he Fakafokí.
   2. ʻI he kiʻi puha ʻe ʻasi haké, toe vakaiʻi e fakamatalá.
   3. Lomiʻi ʻi he Toe Fakafokí.
7. Kapau ʻoku ʻasi ʻa e ongo lea Maʻuʻanga Fakamatala ʻi he tafaʻaki taupotu ki he toʻomataʻú, ʻe lava ke maʻu ha ngaahi fakaikiiki lahi ange:
   
   1. Lomiʻi ʻi he Maʻuʻanga Fakamtalá.
   2. Ke vakai pe ʻoku lava ke maʻu ʻa e fili ki hono Fakafoki Maí, toe vakaiʻi ʻa e lisi ʻoku ʻataá.
8. Ke fetuʻutaki ki he tokotaha ngāue ʻi he FamilySearch naʻá ne fai e liliú, lomiʻi ʻi hono hingoa fetuʻutakí. Te ke lava leva ʻo fakaʻaongaʻi ʻa e polokalama feʻaveʻaki pōpoaki ʻa e FamilySearch ke fetuʻutaki ʻaki.

Ngaahi Sitepú (polokalama telefoni toʻotoʻó)

1. ʻI he peesi puipuituʻa ʻo e fakafoʻituituí, lomiʻi ʻi he ngaahi foʻi toti ʻe tolu ʻi he tafaʻaki toʻomataʻu ki ʻolungá. ʻI ha meʻangaue Android, hiki fakalaka ki he sitepu 3.
2. ʻI ha meʻangāue Apple iOS, lomiʻi ʻi he Meʻa Lahi Ange.
3. Lomiʻi ʻa e Ngaahi liliu kimui ní.
4. Kapau ʻoku maʻu, te ke lava ʻo lomiʻi ʻi he Toe Fakafokí ke toe foki ki he fakamatala totonú.

Ngaahi Sitepu (Family Tree Lite)

ʻOku ʻikai ʻomi ʻe he Fuʻu ʻAkau Fakafāmili Laití ʻi he taimí ni ha meʻa ke fili mei ai ki hono mamataʻi ʻo e ngaahi liliú.

Ngaahi fakamatala fekauʻakí

ʻE founga fēfē haʻaku toe fakafoki mai ha vā fetuʻutaki naʻe tamateʻi ʻi he Fuʻu ʻAkau Fakafāmilí?
Te u fakafoki fēfē nai ha lekooti ʻo ha taha kuo toʻo ʻi he Fuʻu ʻAkau Fakafāmilí?
Te u fakafoki fēfē ha meʻa ne fakatahaʻi ʻi he Fuʻu ʻAkau Fakafāmilí?
Te u fakafoki fēfē ʻa e ngaahi maʻuʻanga tokoni naʻe toʻo mei he Fuʻu ʻAkau Fakafāmilí?