ʻI he taimi ʻokú ke hiki tatau ai ha tokotaha mei hoʻo lisi fakataautahá, ʻe malava ke ke faʻu ai ha lekooti ʻe ʻasi tuʻo ua, pea ʻoku sai pē ia.
Ko e kakai ʻokú ke tānakí, mahalo pē kuo nau ʻosi ʻasi kinautolu ʻi he ʻakau fakafāmili fakataautaha ʻa ha tokotaha kehe. Koeʻuhi ʻoku ʻikai ke ke lava ʻo sio ki he fuʻu ʻakau fakataautahako iá, pea koeʻuhi ʻoku ʻikai fakakau ʻe he fekumi ʻa e ʻAkau Fakafāmilí ʻa e kakai moʻuí ʻi he ngaahi ola ʻo e fekumí, he ʻikai ai ke ke lava ʻo tala.
Ko e founga ʻoku lava ai ke fakasiʻisiʻi ʻe he ʻakau fakafāmili fakakulupú ʻa hono ʻai ke ʻasi tuʻo ua ha lekooti ʻi he lele lōloá
Hili ha ngaahi taimi, ʻoku mau ʻamanaki ʻe tokosiʻi ange e kakai moʻui ʻe tānaki ʻe he niʻihi ʻoku nau ngāue ʻaki ʻa e FamilySearch ki heʻenau ʻakau fakataautahá, kae lahi ange ki he ngaahi ʻakau fakafāmili fakakulupú. ʻI he taimi ʻe tukuange ai e polokalama e ʻakau fakafāmili fakakulupú, ʻoku mau fokotuʻu ke ke tānaki feʻunga pē hoʻo ngaahi kui kei moʻuí ki hoʻo fuʻu ʻakau fakafāmili fakataautahá ʻa ia te ke lava ʻo fakafehokotaki ai ki ho ngaahi kui kuo pekiá.
Kapau ʻoku maʻu ʻe hoʻo fuʻu ʻakau fakataautahá ha tokolahi hoʻo ngaahi mēmipa kehe kei moʻui ho fāmilí, ʻoku mau fokotuʻu ke ʻave ʻa e fakamatalá ki ha fuʻu ʻakau fakafāmili fakakulupu. Hili ha taimi, ʻe hanga ʻe he meʻá ni ʻo fakasiʻisiʻi e lahi ʻo e ngaahi lekooti ʻoku ʻasi tuʻo uá, ʻi he ʻakau fakafāmilí. Te ne lava foki ʻo fakangofua ha kulupu lahi ange ʻo e kau fakaʻaongaʻí ke liliu ha puipuituʻa ʻo e ʻakau fakafāmili ʻo ha taha.
ʻOku ou lava nai ke fakatahaʻi ʻa e ngaahi tatau ʻoku ʻasi tuʻo ua ʻi heʻeku fuʻu ʻakau fakafāmili fakakulupú?
ʻIo. ʻOkú ke lava ke fakatahaʻi ha ngaahi lekooti ʻasi tuʻo ua kapau ʻoku nau ʻi he Fuʻu ʻAkau Fakafāmili Fakakulupu tatau. Ngāue ʻaki Fakatahaʻi ʻAki ʻa e ID.
ʻOku lava nai ke u fakatahaʻi e ngaahi lekooti ʻasi tuʻo ua mei he ngaahi fuʻu ʻakau kehekehe?
ʻIkai. Ko e ngaahi lekooti ʻasi tuʻo uá kuo pau ke nau ʻi he fuʻu ʻakau fakafāmili pe fuʻu ʻakau fakataautaha tatau.