Naʻe fakataumuʻa ʻa hono faʻu e vakai ki he ʻUluaki Kuí ke tokoniʻi e kakai ʻoku ʻi ai ʻenau ngaahi kui pe hakoʻi Siainá ke fakahū ʻenau ʻū tohi hohokó (jiapu) ki he Fuʻu ʻAkau Fakafāmilí. ʻE lava foki ke ʻaonga ʻa e vakai ko ʻení ki he kakai mei he ngaahi anga fakafonua ʻoku fakafou ʻi he tafaʻaki ʻo e tamaí ke nau fikaʻi e ngaahi vā fetuʻutaki fakaematakalí, fakaehaʻá, mo e feohi fakafāmili kehé ʻi ha founga ʻoku faitatau mo e ngaahi haʻa faka-Siainá.
Kapau ʻoku ʻi ai haʻo ngaahi kui Siaina, ʻe ngāue lelei taha e vakai ki he ʻUluaki Kuí kapau ʻokú ke ʻiloʻi e ʻuluaki kui ho haʻá. Kapau ʻoku ʻikai ke ke ʻiloʻi pe ko hai ia, mahalo ʻe faingofua ange ke ke fakaʻaongaʻi ʻa e vakai ʻi he tuʻunga Landscape pe ko ha tuʻunga ʻe taha ʻi he Fuʻu ʻAkau Fakafāmilí.
ʻOku talitali lelei ʻa kinautolu ʻoku ʻi ai haʻanau ngaahi kui mei he ngaahi anga fakafonua kehé ke nau ʻahiʻahiʻi ʻa e vakai ki he ʻUluaki Kuí. Ke ke ʻiloʻi pē ʻoku ʻikai fakataumuʻa e vakai ki he ʻUluaki Kuí ke hoko ia ko ha saati fakalūkufua ʻo e hakó.
ʻOku fikaʻi ʻa e halanga haʻá ʻo fakaʻaongaʻi ʻa e ngaahi lao ʻoku fakapatonu pē ki he jiapu faka-Siainá. ʻOku ʻuhinga ʻeni ʻoku muimui ia ʻi he laine ʻo e tafaʻaki ʻa hoʻo tamaí ke fikaʻi ha halanga haʻa mo fakaʻaliʻali ʻa e fehokotakí. He ʻikai maʻu ʻe he vakai ki he ʻUluaki Kuí ha halanga haʻa ʻi hoʻo vahaʻá mo ha taha ʻo hoʻo ngaahi kui kehé, ʻo aʻu pē ki he niʻihi ʻokú ke fāmili tonu mo iá.
Ngaahi fakamatala fekauʻakí
ʻOku anga fēfē haʻaku fakaʻaongaʻi ʻa e vakai ki he ʻUluaki Kuí ʻi he Fuʻu ʻAkau Fakafāmilí?