ʻI he ʻAkau Fakafāmili he uepisaiti FamilySearch, ʻoku fakaʻaliʻali ʻe he Leenisikeipí hoʻo tohihohokó ʻi he fōtunga fakaholisonitalé. ʻOkú ke ʻi lotomālie. ʻOku ʻi he toʻohemá ho hakó. ʻOku ʻi he toʻomataʻú hoʻo ngaahi kuí.
ʻOku lahi e ngaahi lelei ʻoku maʻu ʻi he vakai Leenisikeipí:
- Te ke lava ʻo mamata ki ha ngaahi toʻu tangata lahi ʻo ha fāmili ʻi ha taimi pē ʻe taha.
- Te ke lava ʻo muimui ʻi ha laine fakafāmili ʻe taha pe kimuʻa pe ki mui ʻi ha taimi.
- Te ke lava ʻo sio ki he ngaahi fakaataata ki he lekooti, ngaahi fokotuʻu ki he fekumi, mo e ngaahi palopalema ki he fakamatala.
- Te ke lava ʻo sio ki he ngaahi kui ho malí kapau naʻá ke tānaki atu kinautolu.
- Te ke lava ʻo sio ki he ngaahi mali hoʻo fānaú.
- ʻE lava ke sio ki he taimi ʻoku tokolahi ai ʻae ngaahi mali pe mātuʻa ha tokotaha ʻi he sisitemi.
Fakatokangaʻi ange: Ko hono fakaʻaongaʻi ʻo e Ngaahi Meʻa ke Fili Mei Aí, ʻi he tuliki toʻomataʻu ki ʻolunga ʻo e window, te ke lava ʻo fili ʻa e fanga kiʻi fakaʻilonga ʻoku ʻasi ʻi hoʻo fuʻu ʻakaú.
Ngaahi Sitepú (uepisaití)
- ʻI he meʻa ke fili mei ai ʻi ʻolungá, lomiʻi ʻa e Fuʻu ʻAkau Fakafāmilí, pea lomiʻi leva ʻa e Fuʻu ʻAkaú.
- ʻI he konga ki ʻolunga ʻo e tohihohoko, lomiʻi e hingoa lolotonga vakai ki ai (hangē ko e, Saati Ī), pea hoko atu ki he Leenisikeipí. Kapau ʻokú ke ʻi he vakai ki he ʻUluaki Kuí, ʻoku ʻi he tafaʻaki toʻomataʻu ʻi ʻolungá ʻa e fili ko ʻení.
- Ke hiki ha tokotaha kehe ki he tefitoʻi tuʻuʻangá, lomiʻi hono hingoá, pea Fuʻu ʻAkaú.
- Ke mamata ki ha fakamatala fakaikiiki fekauʻaki mo ha tokotaha he fuʻu ʻakaú, lomiʻi ʻa hono hingoá, pea toki Fakaikiiki.
- Ke sio ki he fānau ʻa ha ongomātuʻa, lomiʻi e Fānau ʻi lalo he puha ʻo e ongomeʻa malí.
- Ke fakaʻasi ha mali kehe ki ha tokotaha ʻi he Fuʻu ʻAkaú, fai ʻeni:
- Sio ki he puha mali. Kapau ʻoku lahi he toko tahá ʻa e hoá ʻoku ʻi he sisitemí, te ke sio ki ha kiʻi foʻi ngahau he tafaʻaki toʻohema ʻo e malí ʻoku lolotonga ʻasi atú.
- Lomiʻi e foʻi ngahau ʻoku hanga ki laló.
- Mei he lisi ʻo e ngaahi hoá, lomiʻi ʻi he mali ʻokú ke fiemaʻu ke ʻasi ʻi he mape tohihohokó.
- Ke ʻunuakiʻi takai e fuʻu ʻakaú he screen, lomiʻi e ʻēlia takai e fuʻu ʻakaú, pea tohoʻi.
- Ke fakalahi pe fakasiʻisiʻi e lahi ʻo e fuʻu ʻakaú, lomiʻi e Tānaki ( + ) pe Kole ( - ) ʻi he toʻohema ki ʻolungá.
- Ke fakalahi ha laine fakafāmili ʻe taha ʻi ha toʻu tangata kehe ʻe 2, lomiʻi efoʻi taohe ngataʻanga ʻo e laine ko iá. Toe lomiʻi ia ke tāpuniʻi.
- Ke fakafoki mai e tohi hohokó kiate koe, te ke lava ʻo fakaʻaongaʻi ha taha ʻo e ngaahi meʻa ko ʻeni ke fili mei ai:
- Ke tapuni kotoa hoʻo ngaahi laine kuo fakalahi pea ke foki kiate koe, lomiʻi e ʻaikoni Home.
- Ke tauhi kotoa e ngaahi laine kuo fakalahi ke ava pea foki ki he tokotaha naʻá ne kamataʻí, lomiʻi e fakaʻilonga recenter, ʻa ia ʻoku hangē ha tāketi pea ʻoku ʻi lalo he fakaʻilonga ʻapí.
- Kapau ʻoku tokolahi ha mātuʻa ʻi he polokalamá, te ke sio ki ha foʻi tao ki he tafaʻaki toʻohema ʻo e puha ʻo e ongomeʻa mali maʻá e mātuʻá. Lomiʻi e foʻi taó ke sio ki he mātuʻa kotoa pē ʻa e tokotahá.
- Kapau ʻoku toko ua pe lahi ange ha mali ʻo ha taha ʻi he polokalamá, te ke sio ki ha foʻi tao ʻi he hingoa tafaʻaki ʻo e malí ʻi he puha ki he ongomeʻa malí. Lomiʻi ʻi e foʻi tao ke sio ki he kotoa e ngaahi hoa mali maʻá e tokotahá.
- Ke paaki ha mape tohihohoko toʻu tangata ʻe 4, lomiʻi e Ngaahi meʻa ke fili mei ai, pea toki Paaki. ʻI he taimi ʻoku fakaava ai e tatau ʻo e paaki ʻi ha peesi foʻou, lomiʻi ʻi he paaki hoʻo browser ke paaki ai.
Ngaahi Sitepú (telefoni toʻotoʻó)
ʻOku ʻikai ke ʻi ai ha vakai leenisikeipi maʻá e polokalama telefoni toʻotoʻo ʻa e Fuʻu ʻAkau Fakafāmilí.
Ngaahi Sitepu (Fuʻu ʻAkau Fakafāmili Laití)
ʻOku ʻikai ke ʻi ai ha vakai leenisikeipi ʻa e Fuʻu ʻAkau Fakafāmili Laití.
Ngaahi fakamatala fekauʻakí
Te u fokotuʻu fēfē nai ʻa e hoa-malí pe mātuʻa ʻoku fiemaʻú ʻi he Fuʻu ʻAkau Fakafāmilí?
Ko e hā ʻoku fai ʻe he decendancy view ʻi he Fuʻu ʻAkau Fakafāmilí?
ʻOku anga fēfē ʻeku fakaʻaongaʻi ʻa e saati ií ʻi he Fuʻu ʻAkau Fakafāmilí?
Te u fetongi fēfē ʻa e ngaahi tuʻunga mātuʻá pe hoa malí ke liliu ʻene tuʻu ʻi he ngaahi laine fakafāmili ʻi he Fuʻu ʻAkau Fakafāmilí?