ʻOku lahi e ngaahi lelei ʻo e Saati Ī:
- Te ke lava ʻo sio fakaʻangataha ki ha toʻu tangata ʻe 7 ʻo hoʻo ngaahi kuí.
- Te ke lava ʻo ʻiloʻi e feituʻu ʻoku ngata ai e ngaahi laine fakafāmilí—ʻi hono fakalea ʻe tahá, ʻa e feituʻu ʻoku ʻikai ha fakamatala aí.
- Te ke lava ʻo sio ki he ngaahi fonua naʻe fāʻeleʻi ai e ngaahi kui kehekehe, pea ko e ngaahi kui fē ʻoku ʻi ai hanau ʻū tā, ʻū talanoa, mo e ngaahi maʻuʻanga fakamatala ʻoku fakapipiki ki he peesi ʻa e tokotahá.
- Te ke lava ʻo fakatou sio ki he saati ií ʻi he monitoá pea liliu ia ki ha faile PDF ke paaki.
Ngaahi Sitepú (uepisaití)
- ʻI he meʻa ke fili mei ai ʻi ʻolungá, lomiʻi ʻa e ʻAkau Fakafāmilí, pea lomiʻi leva ʻa e Fuʻu ʻAkaú.
- ʻI he konga ki ʻolunga ʻo e tohihohokó, lomiʻi ʻi he hingoa ʻo e vakai lolotonga (hangē ko e, Leenisikeipi), pea toki lomiʻi ʻi he Saati Ī.
- Lomiʻi ʻi he
ke fai e ngaahi meʻá ni:- Fili e lahi ʻo e ngaahi toʻu tangata ke fakaʻaliʻalí.
- Fili pe ʻokú ke fiemaʻu ʻa e sātí ke fakaʻaliʻali ʻa e Ngaahi Laine Fakafāmilí, Fonua Ne Fāʻeleʻi Aí, Ngaahi Maʻuʻanga Tokoní, Ngaahi Talanoá, ʻŪ taá, pe Ngaahi Tokoni ki he Fekumí. ʻOku fakakau ʻa e fakamatalá ʻi ha tatau ʻo e sātí kuo paaki (vakai ki he sitepu #8).
- Fulihi e ngaahi lanú.
- Paaki ʻa e saati ī ʻo aʻu ki he toʻu tangata 7 (ko e siʻisiʻi tahá ko e 4). ʻOku kau ʻi he saati kuo pākí ʻa e fakamatala ko ʻení: Ngaahi Laine Fakafāmilí, Feituʻu Ne Fāʻeleʻi Aí, Ngaahi Maʻuʻanga Tokoní, Ngaahi Talanoá, ʻŪ taá, mo e Ngaahi Tokoni ki he Fekumí.
- Kapau naʻe maʻu ʻe he tokotaha tefitó ha fānau ʻoku tokolahi ange he toko 5, lomiʻi e > ke mamataʻi e toengá.
- Ke ʻunuakiʻi ha tokotaha kehe ki he tuʻunga ʻi lotomālie ʻo e sātí, lomiʻi ʻi he hingoa ʻo e tokotahá, pea lomiʻi leva ʻi he Fuʻu ʻAkaú.
Ngaahi sitepu ki he polokalama telefoni toʻotoʻo ʻa e Apple iOS ki he Fuʻu ʻAkau Fakafāmilí
- ʻI he tafaʻaki toʻomataʻu ʻi lalo ʻo hoʻo tohihohokó, lomiʻi ʻi he
- ʻI he puha Pedigree View, lomiʻi ʻi he
. - Lomiʻi ke fili e founga ke fakaʻaliʻali ai e sātí: Angamaheni, Fonua naʻe Fāʻeleʻi aí, Ngaahi Maʻuʻanga Tokoní, ʻŪ Talanoá, ʻŪ Taá, Ngaahi Tokoni ki he Fekumí.
- ʻI ʻolungá, ʻi lalo ʻi he Pedigree, lomiʻi ʻi he Toʻu Tangata [fika]. Lomiʻi ke fili ʻa e lahi ʻo e ngaahi toʻu tangata ke fakaʻaliʻalí.
- (Fili pē) Kapau naʻe maʻu ʻe he tokotaha tefitó ha fānau ʻoku tokolahi ange he toko 5, lomiʻi e > ke sio ki he toengá.
- (Fili pē) Te ke lava ʻo ʻunuakiʻi ha tokotaha kehe ki he tuʻunga tefitó. Lomiʻi ʻi he hingoá, pea lomiʻi leva ʻi he ngaahi foʻi toti ʻe tolú (…) ʻi he tafaʻaki toʻomataʻu ʻi ʻolungá. Lomiʻi e Vakaiʻi e Fuʻu ʻAkau Ko ʻEní.
Ngaahi sitepu ki he polokalama telefoni toʻotoʻo ʻa e Android ki he Fuʻu ʻAkau Fakafāmilí
- ʻI he tafaʻaki toʻohema ʻi ʻolungá, lomiʻi ʻi he fakaʻilonga ki he laine ʻe 3
- Lomiʻi ʻi he Settings.
- Lomiʻi ʻi he App.
- Lomiʻi ʻi he Enable Fan Chart View.
- Ke foki ki he fuʻu ʻakaú, lomiʻi tuʻo ua ʻi he ngahau ki he toʻohemá
- ʻI he tafaʻaki toʻomataʻu ki lalo ʻo e sātí, lomiʻi ʻi he
- ʻI ʻolunga ʻi he puha foʻoú, Toʻu Tangata [fika]. Lomiʻi ke fili ʻa e lahi ʻo e ngaahi toʻu tangata ke fakaʻaliʻalí.
- Lomiʻi ke fili pe ʻokú ke fie maʻu ʻa e sātí ke fakaʻaliʻali ʻa e Ngaahi Laine Fakafāmilí, Feituʻu Ne Fāʻeleʻi Aí, Ngaahi Maʻuʻanga Tokoní, ʻŪ Talanoá, ʻŪ taá, pe Ngaahi Tokoni ki he Fekumí.
- ʻAi ho foʻi tuhú ki ʻolunga ʻi he puha ke fili mei aí pea tohoʻi ki lalo.
- (Fili pē) Kapau naʻe maʻu ʻe he tokotaha tefitó ha fānau ʻoku tokolahi ange he toko 5, lomiʻi e > ke sio ki he toengá.
- (Fili pē) Te ke lava ʻo ʻunuakiʻi ha tokotaha kehe ki he tuʻunga tefitó. Lomiʻi ʻi he hingoá, pea lomiʻi leva ʻi he ngaahi foʻi toti ʻe tolú (…) ʻi he tafaʻaki toʻomataʻu ʻi ʻolungá. Lomiʻi e Vakaiʻi e Fuʻu ʻAkau Ko ʻEní.
Ngaahi Sitepu (Fuʻu ʻAkau Fakafāmili Laití)
He ʻikai lava ke ke fakaʻaliʻali ʻa e saati ií ʻi he Fuʻu ʻAkau Fakafāmili Laití.
Ngaahi fakamatala fekauʻakí
Ko e hā e ngaahi ʻata tohi hohoko kehekehe ʻi he Fuʻu ʻAkau Fakafāmilí?
Te u fetongi fēfē ʻa e ngaahi tuʻunga mātuʻá pe hoa malí ke liliu ʻene tuʻu ʻi he ngaahi laine fakafāmili ʻi he ʻAkau Fakafāmilí?