ʻI he Fuʻu ʻAkau Fakafāmilí, fakaʻaongaʻi ʻa e vakai ki he ʻUluaki Kuí ke fakahū mo fakaʻaliʻali ʻa e ngaahi tohi hohoko faka-Siainá mei he ʻū lekooti jiapu. ʻOku toe ʻaonga foki ʻa e vakai ko ʻení ki he ngaahi anga fakafonua ʻoku nau fikaʻi ʻa e ngaahi vā fetuʻutaki fakaematakalí, fakaehaʻá, mo e feohi fakafāmili kehé ʻo fakaʻaongaʻi ha vā fetuʻutaki tatau ʻi he tafaʻaki e tamaí.
ʻOku ʻi ai ha konga lalahi ʻe tolu, ʻa ia ʻoku kehekehe mei he ngaahi vakai kehe kotoa pē ʻi he Fuʻu ʻAkau Fakafāmilí:
- ʻUluaki Kuí. Ko e ʻuluaki kuí ko e fuofua mēmipa ia ʻoku tukuʻau mai mei ai ʻa e haʻá. ʻOku tānaki atu ʻa e ʻuluaki kuí ki he taupotu taha ki ʻolunga ʻo e vakaí. Te ke lava leva ʻo fakaʻaliʻali pe tānaki atu hono hakó ʻo fakahokohoko hifo ki lalo ʻi he sātí.
- Tokotaha ʻoku fakatefito mei aí. Ko e tokotaha ʻoku fakatefito mei aí ko e tokotaha ia ʻoku haʻana ʻa e ngaahi kui ʻoku fakaʻaliʻali ʻi he sātí. ʻOku meimei ko koe pē ia. Te ke lava ʻo fakaʻaliʻali pe tānaki atu hoʻo ngaahi kuí ʻo fakahokohoko ki ʻolunga ʻi he sātí.
- Halanga haʻá. ʻOku muimui ʻa e halanga haʻá ʻi he laine ʻo e tafaʻaki ʻa e tamaí mei he tokotaha ʻoku fakatefito mei aí ki he ʻuluaki kuí. ʻOku ʻasi ia ʻi he hili hono fakahū ʻa e ngaahi toʻu tangata kotoa ʻi he vahaʻa ʻo e ʻuluaki kuí mo e tokotaha ʻoku fakatefito mei aí. Te ke sio ki aí ko ha fakaʻilonga lanu engeenga ia ʻi he taila ʻo e tokotaha kotoa pē ʻi he halangá.
Ngaahi Sitepú (uepisaití)
- ʻI he menu ʻi ʻolungá, lomiʻi ʻi he Fuʻu ʻAkau Fakafāmilí, pea lomiʻi leva ʻi he Fuʻu ʻAkaú.
- ʻI he tafaʻaki toʻomataʻu ki ʻolunga ʻo e tohi hohokó, lomiʻi e hingoa ʻo e meʻa ʻokú ke lolotonga vakai ki aí (hangē ko e Saati Ī), pea hoko atu leva ki he ʻUluaki Kuí.
- Ko ha ngaahi meʻa ʻeni te ke lava ʻo fakaʻaongaʻi:
- Lomiʻi he hingoa ʻo ha tokotaha ʻi he fuʻu ʻakaú. ʻOku ʻasi e fakaikiiki ʻo e tokotaha ko iá ʻi ha pēnolo ʻi he tafaʻaki toʻomataʻú.
- ʻOku ʻotomētiki pē hono ʻai koe ʻe he fuʻu ʻakaú ke ke hoko ko e tokotaha ke fakatefito mei aí. Ke fili ha tokotaha foʻou ke fakatefito mei ai, lomiʻi ʻi he hingoa ʻo ha tokotaha kehe, pea ʻi heʻenau pēnolo fakaikiikí, lomiʻi ʻi he Vakai ki he Fuʻu ʻAkaú.
- Ke tānaki atu ʻa e ʻuluaki kuí, lomiʻi ʻi he fakaʻilonga “+” ʻi ʻolunga ʻi he laʻitā ʻo e tokotaha ke fakatefito mei aí. Lomiʻi leva ʻi he Tānaki e ʻUluaki Kuí. Te ke lava ʻo tānaki atu e ngaahi ʻuluaki kuí ʻaki honau hingoá pe fika ID.
- Ke sio ki he fānau ʻa ha ongomeʻa mali, lomiʻi ʻi he
. - Ke sio ki he mātuʻa ʻo ha taha, lomiʻi ʻi he
- Ke fakaʻaliʻali ha hoa mali kehe ki ha taha ʻi he fuʻu ʻakaú, lomiʻi ʻi he [fakaʻilonga ʻo e hoa malí] ʻi he tafaʻaki toʻohema pe toʻomataʻu ki ʻolunga ʻo ʻenau tailá.
- Kapau ʻoku tokolahi ha mātuʻa ʻi he polokalamá, te ke sio ki ha foʻi tao ki he tafaʻaki toʻohema ʻo e puha ʻo e me'amali maʻá e mātuʻá. Lomiʻi e foʻi taó ke sio ki he mātuʻa kotoa pē ʻa e tokotahá.
- Ke ʻunuakiʻi takai e fuʻu ʻakaú he screen, lomiʻi e ʻēlia takai e fuʻu ʻakaú, pea tohoʻi.
- Ke fakalahi pe fakasiʻisiʻi e lahi ʻo e fuʻu ʻakaú, lomiʻi e Tānaki ( + ) pe Kole ( - ) ʻi he toʻohema ki ʻolungá.
- Ke fakafoki mai e tohi hohokó kiate koe, te ke lava ʻo fakaʻaongaʻi ha taha ʻo e ngaahi meʻa ko ʻeni ke fili mei ai:
- Ke tāpuni kotoa hoʻo ngaahi laine kuo fakalahí kae foki kiate koé, lomiʻi he
. - Ke tuku pē ke fakaava kotoa e ngaahi laine kuo fakalahí kae foki ki he tokotaha kamatá, lomiʻi ʻi he
- Ke tāpuni kotoa hoʻo ngaahi laine kuo fakalahí kae foki kiate koé, lomiʻi he
Ngaahi fakamatala fekauʻakí
Ko hai ʻoku totonu ke ne fakaʻaongaʻi ʻa e vakai ki he ʻUluaki Kuí?
Te u fetongi fēfē ʻa e ngaahi hoa malí mo e ongomātuʻá ʻi he vakai ki he Fuʻu ʻAkau Fakafāmili ʻa e ʻUluaki Kuí?
Te u fakaʻaliʻali fēfē ha ʻuluaki kui kehe ʻi he Fuʻu ʻAkau Fakafāmilí?
Te u tānaki fēfē ʻeku ʻuluaki kuí ki he Fuʻu ʻAkau Fakafāmilí?
ʻI he Fuʻu ʻAkau Fakafāmilí, ko e hā ʻa e halanga haʻa?
Te u fakatonutonu fēfē ʻa e halanga haʻa ʻi he Fuʻu ʻAkau Fakafāmilí?