Ke fakaleleiʻi ʻa e palopalema ʻi he fakamatalá ʻoku ui ko e “Palopalema ʻi he Lea Fakafonua ʻo e Hingoá,” ʻe fiemaʻu ke ke fakatonutonu ʻa e hingoa ʻo e tokotahá. Fakapapauʻi leva ʻoku tatau ʻa e sīpinga ʻo e lea fakafonuá mo e fakalea ʻoku fakaʻaongaʻí, ʻoku ʻi he feituʻu totonú ʻa e fakamatala takitaha, pea ʻoku ʻi ha feituʻu mavahe ʻa e fakamatala takitaha.
He ʻikai lava ke tukunoaʻi ʻa e palopalema ʻi he fakamatala ko ʻení.
Ngaahi Sitepú (uepisaiti)
- Hū ki he FamilySearch, lomiʻi ʻa e Fuʻu ʻAkau Fakafāmilí, pea lomi leva ʻa e Fuʻu ʻAkaú.
- Kumi ʻa e tokotaha ʻokú ke loto ke fakatonutonú. Fakaava ʻa e peesi ʻo e tokotahá.
- Lomiʻi ʻi he fakaʻilonga penivahevahé ki he meʻa ʻoku ʻasi ai ʻa e hingoa ʻo e tokotahá.
- Fili ʻa e sīpinga totonu ʻo e lea fakafonua ki he hingoá. ʻOku ʻi ʻolunga ʻa e konga ki he Sīpinga ʻo e Lea Fakafonuá ʻi he konga ki he Hingoá.
- Fakaʻaongaʻi ʻa e founga kosi mo fakapipiki ʻi hoʻo komipiutá ke ʻunuakiʻi ʻa e konga takitaha ʻo e hingoá ki he feituʻu totonu ki he ngaahi mataʻitohi ko iá. ʻOku pulia ʻa e pōpoaki fakatokangá ʻi he taimi ʻoku tuʻu ai ʻa e ngaahi mataʻitohi totonu ʻi he ngaahi konga totonu.
- ʻAlu hifo ki lalo ki he konga ʻo e ʻUhinga ʻOku Tonu ai ʻa e Fakamatala Ko ʻEní. Fakahū ha fakamatala ki hoʻo ngaahi liliú.
- Lomiʻi ʻi he Seivi
Kiʻi tokoni: ʻOku tuʻu maʻu pē hono fakaʻasi ʻe he FamilySearch ha ngaahi hingoa mei he ngaahi lea fakafonua ʻoku ʻikai ke faka-Lomá hangē ko e lea faka-Siainá, faka-Siapaní, mo e faka-Kōleá ʻi honau fakalea tuʻufonuá. ʻI he settings hoʻo ʻakauní, te ke lava ʻo fili ke fakaʻasi ʻa e ngaahi hingoá kotoa ʻi ha fakamatala faka-Loma (faka-Latina).
Ngaahi Sitepu (polokalama telefoni toʻotoʻó)
ʻOku ʻikai ʻasi ʻi he polokalama telefoni toʻotoʻo ʻo e Fuʻu ʻAkau Fakafāmilí ha ngaahi fakaʻilonga palopalema ʻi he fakamatalá ʻo hangē ko e uepisaití. Ka neongo ia, ʻi he palopalema ʻo e fakamatala pau ko ʻení, te ke kei lava pē ʻo sio mo fakaleleiʻi ia ʻaki hono fakatonutonu ʻa e hingoa ʻo e tokotahá. Kapau ʻoku tokolahi hoʻo ngaahi kuí ʻoku ʻi ai haʻanau palopalema ʻi he fakamatala ko ʻení, ʻe lava ke faingofua ange hoʻo kumi mo fakatonutonu kinautolu ʻi he uepisaiti ʻo e FamilySearch.
- Hū ki he polokalama telefoni toʻotoʻo ʻo e Fuʻu ʻAkau Fakafāmilí.
- Kumi e tokotaha ʻokú ke loto ke fakatonutonú. Fakaava ʻa e peesi ʻo e tokotahá.
- Lomiʻi ʻi he hingoa ʻo e tokotahá.
- Lomiʻi ʻa e Fakatonutonú Kapau ʻoku ʻi ai ha palopalema ʻi he fakamatala ko ʻení, te ke sio ki he ngaahi fakatokanga ʻi he monitoá.
- Fili ʻa e sīpinga totonu ʻo e lea fakafonua ki he hingoá. ʻOku ʻasi ʻa e hingoa ʻo e lea fakafonuá ʻi ʻolunga ʻi he konga ki he Hingoá. ʻOku hala pē ko e hingoa ʻo ha lea fakafonua pe ko e foʻi ongo foʻi lea “Meʻa Kehe.”
- Fakaʻaongaʻi ʻa e founga kosi mo fakapipiki ʻi hoʻo meʻangāué ke ʻunuakiʻi ʻa e konga takitaha ʻo e hingoá ki he konga totonu ki he ngaahi mataʻitohi ko iá. ʻOku pulia ʻa e pōpoaki fakatokangá ʻi he taimi ʻoku tuʻu ai ʻa e ngaahi mataʻitohi totonu ʻi he ngaahi konga totonu.
- Lomiʻi ʻi he Hoko Atú
- Fakahū ha fakamatala ki hoʻo ngaahi liliú.
- Lomiʻi ʻi he Seiví
Ngaahi fakamatala fekauʻakí
ʻI he Fuʻu ʻAkau Fakafāmilí, ko e hā ʻa e palopalema ʻi he fakamatalá [ʻoku ui ko e], “Palopalema ʻi he Lea Fakafonua ʻo e Hingoá”?
Te u fakahū fēfē nai ha hingoa mei ha lea fakafonua kehe ki he Fuʻu ʻAkau Fakafāmilí?
Ngaahi sīpinga ʻo e lea fakafonua ki he ngaahi hingoa ʻi he Fuʻu ʻAkau Fakafāmilí
Te u fakahū fēfe ha ngaahi hingoa faka-Siaina ki he Fuʻu ʻAkau Fakafāmilí?
Te u fakaleleiʻi fēfē ʻa e ngaahi palopalema ʻi he fakamatala ʻi he Fuʻu ʻAkau Fakafāmilí?
Ko e hā ʻa e ngaahi palopalema kotoa ʻe ala hoko ʻi he fakamatala ʻi he Fuʻu ʻAkau Fakafāmilí?