ʻOku ʻasi ʻi he Fuʻu ʻAkau Fakafāmilí ha palopalema ʻi he fakamatalá ʻoku ui ko e “Palopalema ʻi he Lea Fakafonua ʻo e Hingoá” ʻi he taimi ʻoku ʻikai tatau ai ʻa e fakamatala ʻoku fakaʻaongaʻi ke fakahū ʻaki ha hingoa ʻo ha tokotaha mo e sīpinga ʻo e lea fakafonua kuo filí, kapau ʻoku ʻi ai ha fakamatala hala ʻi he feituʻu ʻoku fakaʻaongaʻi ki ai e hingoá, pe kapau ʻoku ʻi ai ha ngaahi fakalea kehekehe ʻi he feituʻu ʻoku fakaʻaongaʻi ki ai e hingoá.
Ke fakaleleiʻi ʻa e palopalema ʻi he fakamatala ko ʻení, fakatonutonu ʻa e hingoa ʻo e tokotahá. ʻI hoʻo fakatonutonu ʻa e hingoá, fai ʻa e ngaahi liliu ko ʻení:
- Fili ʻa e sīpinga lea fakafonua ʻoku tatau mo e fakalea ʻoku fakaʻaongaʻi ke fakahū ʻaki ʻa e hingoá. ʻE ʻasi atu ʻa e ngaahi konga ki he fakamatala takitaha ʻoku fakaʻaongaʻi ʻi he lea fakafonuá.
- ʻUnuakiʻi ʻa e fakamatala takitaha ki hono konga totonú. Fakaʻaongaʻi ʻa e founga kosi mo fakapipiki hoʻo meʻangāué ke fai ʻaki ʻeni
- Fakapapauʻi ʻoku ʻi he konga takitaha ha fakamatala pē ʻe taha.
ʻI he taimi ʻoku fakahū totonu ai ʻa e hingoá, ʻoku pulia leva ʻa e ngaahi pōpoaki fakatokangá. ʻI he taimi te ke seivi ai hoʻo ngaahi liliú, ʻe fakaleleiʻi leva ʻa e palopalema ki he fakamatalá.
He ʻikai lava ke tukunoaʻi ʻa e palopalema ʻo e fakamatala ko ʻení.
Ngaahi fakamatala fekauʻakí
ʻI he Fuʻu ʻAkau Fakafāmilí, te u fakaleleiʻi fēfē ʻa e palopalema ki he fakamatalá [ʻoku ui ko e] “Palopalema ʻi he Lea Fakafonua ʻo e Hingoá”?
Te u fakahū fēfē nai ha hingoa mei ha lea fakafonua kehe ki he Fuʻu ʻAkau Fakafāmilí?
Ngaahi sīpinga ʻo e Lea Fakafonua ki he ngaahi hingoa ʻi he Fuʻu ʻAkau Fakafāmilí
Te u fakahū fēfe ha ngaahi hingoa faka-Siaina ki he Fuʻu ʻAkau Fakafāmilí?