ʻI he taimi ʻoku ʻilo ai ʻe he ʻAkau Fakafāmilí ha fakamatala ʻoku ʻikai tonu pe ngalingali hala ki ha taha, ʻe ʻasi mai leva ha fakaʻilonga palopalema ki he fakamatala, ʻa ia ko ha foʻi tapa fā kulokula mo ha fakaʻilonga fakatokanga lanu hinehina.
Hangē ko ʻení, ʻe ʻasi mai e fakaʻilonga ko ʻení kapau ʻoku ʻasi ʻi he fakamatala fakaikiikí naʻe fāʻeleʻi ha fānau kimuʻa ha mātuʻa, pe kapau ʻoku ʻasi ʻi he fakaikiikí naʻe moʻui ha tokotaha ʻi he taʻu ʻe 120 kuo hilí.Taimi ʻoku ʻasi ai ʻoku ʻi ai ha ngaahi palopalema ki he fakamatala ʻi he ʻAkau Fakafāmilí
ʻOku ʻasi e ngaahi fakaʻilonga palopalemá ʻi he ʻAkau Fakafāmilí ʻi he uepisaiti FamilySearch.org ʻi he ngaahi feituʻu ko ʻení:
- ʻI he fōtunga lenisikeipi, pootileti, hako. Te ke lava ʻo fili pe ʻe fakaʻasi atu e ngaahi fakaʻilonga ko ʻení pe ʻikai. Lomiʻi ʻi he menu ki he Ngaahi Meʻa ke Fili Aí pea lomiʻi ʻi he Palopalema e Fakamatala Fakakomipiutá ke fakapuliki pe fakaʻasi kinautolu.
- ʻI he saati ií, te ke lava ʻo fakaʻasi e ngaahi lekōtí mo e ngaahi tokoni fekumí. ʻOku fakaʻilongaʻi lanu kulokula e kakai ʻoku ʻi ai ha palopalema ki he fakamatala ʻi heʻenau ngaahi lekōtí.
- ʻI he puha Tokoni ki he Fekumí ʻi he peesi ʻa e Tokotahá.
ʻOku ʻikai ʻasi ha palopalema ʻi he polokalama telefoni ʻo e ʻAkau Fakafāmilí pe ʻAkau Fakafāmili Laití.Ngaahi sitepu ke fakaleleiʻi e ngaahi palopalema ki he fakamatalá
- Fakatotoloʻi e palopalema ki he fakamatalá, pea fakapapauʻi pe ʻoku ʻi ai ha fehālaaki ʻi he lekōtí. (Kiʻi tokoni: ʻE lava ke liliu ʻe he ngaahi vā fetuʻutaki Mātuʻa-fānaú ha niʻihi ʻo e ngaahi palopalema ki he fakamatalá. Hangē ko ʻení, kapau ʻoku pehē ʻe he palopalema ki he fakamatalá naʻe fāʻeleʻi e fānaú hili e mālōlō ʻa e faʻeé, ʻe fakaʻaongaʻi ʻe he polokalamá e ʻaho pekia ʻo e faʻē totonú.)
- Kapau ʻoku ʻi ai ha fehālaaki ʻi he lekōtí, fakatonutonu ia. ʻOku toʻo ʻe he ʻAkau Fakafāmilí ʻa e fakaʻilonga palopalema ki he fakamatalá ʻi he taimi kuo fakaleleiʻi ai e palopalemá. Kapau ʻoku ʻikai ha fehālaaki ʻi he lekōtí, mahalo te ke lava leva ʻo toʻo e fehālaaki ki he fakamatalá.
Ngaahi fakamatala fekauʻakí
Ko e hā ʻa e ngaahi palopalema kotoa ʻe ala hoko ʻi he fakamatala ʻi he ʻAkau Fakafāmilí?
Te u liʻaki fēfē ha palopalema ʻi he fakamatalá ki ha tokotaha ʻi he ʻAkau Fakafāmilí?
Te u liliu fēfē e fakamatala mahuʻinga ʻi he ʻAkau Fakafāmilí?
Te u fakaleleiʻi fēfē ha mape tohihohoko ʻoku fihi ʻi he ʻAkau Fakafāmilí?
Te u fakaleleiʻi fēfē ha palopalema ki he fakamatala ʻo ha “valevale ne fāʻeleʻi kuo pekia” ʻi he ʻAkau Fakafāmilí?