Te ke lava ʻo fakahū ʻa e ngaahi feituʻu faka-Siainá ki he Fuʻu ʻAkau Fakafāmilí. ʻE tokoni ʻa e fanga kiʻi tokoni ko ʻení ke fakapapauʻi ʻoku lekooti mo fokotuʻu totonu ʻa e feituʻú.
Kātaki ʻo fakapapauʻi tonu mai kapau ʻe lava.
Fakakau ai e ngaahi hingoa fakalotofonuá, fakavahé, fakavahefonuá mo e ngaahi hingoa fakalūkufuá kapau ʻokú ke ʻiloʻi pe lava ʻo maʻu ia. Kapau ʻoku ʻikai ke ke ʻiloʻi ʻa e hingoa kakato ʻo e feituʻú, fakahū ʻa e lahi taha te ke ala lavá. Hangē ko ʻení:
| Faka-Loma | Faka-Siaina |
| Taizicheng, Sitaizui, Chongli, Zhangjiakou, Hebei, China | 中國河北省張家口市崇禮區四臺嘴鄉太子城村 |
| Kuisou | 贵州省 |
| Xinjie, Midu, Dali Bai, Yunnan | 雲南省大理白族自治州彌渡縣新街鎮 |
| Nanping, New Taipei City, Taiwan | 臺灣新北市南平 |
Fakahū ʻa e hingoá ʻi he hokohoko angamaheni ʻo e lea fakafonua ʻokú ke ngāue ʻakí.
ʻI he lea faka-Siainá mo e ngaahi lea fakafonua ʻoku ʻuluaki hiki ai ʻa e hingoa ʻo e fonuá, ʻuluaki taipeʻi ʻa e fonuá. Fakahū leva e ngaahi hingoa fakalotofonuá, fakavahé, fakavahefonuá mo e ngaahi hingoa fakalūkufuá.
中國山西省忻州市定襄縣晉昌鎮
ʻI he lea faka-Pilitāniá mo e ngaahi lea fakafonua kehe ʻoku hiki fakamuimui ai ʻa e hingoa ʻo e fonuá, ʻuluaki fakahū e hingoa fakalūkufuá, fakavahefonuá, fakavahé, mo e fakalotofonuá. Fakahū fakamuimui e hingoa ʻo e fonuá.
Jinchang, Dingxiang, Xinzhou, Shanxi, China
Fili ha feituʻu pau
Ke tokoni ke fakafaikehekeheʻi ʻa e ngaahi feituʻu ʻoku hingoa tataú mo e hingoa kuo liliu ʻi he hili ha ngaahi taimí, ʻoku tauhi ʻe he FamilySearch ha tauhiʻanga fakamatala ʻo ha ngaahi feituʻu pau.
ʻI hoʻo fakahū ha feituʻu ki he Fuʻu ʻAkau Fakafāmilí, ʻe ʻasi mai e ngaahi feituʻu pau ʻoku hoa tatau mo iá ʻi ha lisi ʻi lalo ʻi he konga ko iá.
ʻOku fakatou tauhi ʻe he Fuʻu ʻAkau Fakafāmilí ʻa e feituʻú ʻi hoʻo fakahū iá pea mo ha tatau pau ʻo e hingoa ko iá. ʻOku tokoni ʻa e feituʻu pau kuo ʻosi fokotuʻutuʻú ke fakapapauʻi ʻoku tonu hono fakaʻaliʻali ʻo e feituʻú pea ʻoku tonu e fekumi ki ai ʻi he Fuʻu ʻAkau Fakafāmilí.
ʻOku hokohoko atu e tupulaki ʻa e tauhiʻanga fakamatala ʻo e ngaahi feituʻú, ka ʻoku teʻeki kakato ia ki Siaina. Kapau ʻoku ʻikai maʻu e feituʻu pau ʻokú ke fie maʻú, ʻahiʻahiʻi ha taha ʻo e fanga kiʻi tokoni ko ʻení:
- Tānaki atu ha fakamatala lahi ange ki he feituʻu naʻá ke taipeʻí, hangē ko ha hingoa fakavahe pe hingoa ʻo e fonuá. Fili leva ʻa e tuʻunga pule māʻolunga angé ke hoko ko e feituʻu angamahení ia. Fili ʻa e hingoa ʻo e fonuá ko e feituʻu angamahení ia kapau ko e meʻa pē ia ʻokú ke ʻiló.
- Kapau he ʻikai ke ke lava ʻo maʻu e hingoa fakahisitōlia ʻo e feituʻú, liliu ia ki he hingoa fakaonopōní. Hangē ko ʻení, liliu e 北平 ki he 北京. ʻI he tauhiʻanga fakamatala ʻa e FamilySearch, ʻoku lahi ange ʻa e ngaahi hingoa faka-Siaina fakaonopooni ki he ngaahi feituʻú ʻi he ngaahi hingoa faka-Siaina fakahisitōliá.
- Kapau ʻoku ʻikai pē maʻu ha feituʻu totonu, ʻalu ki he taupotu taha ki lalo ʻo e lisí, pea fili ʻa e ʻIkai ha taha ʻo e ngaahi meʻá ni. Hili iá pea ʻalu ki he Ngaahi Feituʻu ʻo e FamilySearch ke fokotuʻu mai ke mau tānaki atu ia.
Ngaahi fakamatala fekauʻakí
Te u fakahū fēfē nai ʻa e ngaahi ʻahó mo e ngaahi feituʻú ki he Fuʻu ʻAkau Fakafāmilí?
Te u fakatonutonu pe liliu fēfē ha feituʻu ʻi he Ngaahi Feituʻu ʻo e FamilySearch?
Te u fokotuʻu fēfē ha feituʻu foʻou ki he Ngaahi Feituʻu ʻo e FamilySearch?
ʻE founga fēfē haʻaku fakahū ha ngaahi ʻaho mei he ngaahi tohi faka-Siaina tuʻuloá ki he Fuʻu ʻAkau Fakafāmilí?
Te u fakahū fēfe ha ngaahi hingoa faka-Siaina ki he Fuʻu ʻAkau Fakafāmilí?