ʻI hono fakaʻaongaʻi ʻa e ngaahi fokotuʻutuʻu angamaheni ʻo e ngaahi ʻahó mo e feituʻú ʻi he ʻAkau Fakafāmilí, ʻoku tonu mo faingofua ange ai hono kumi ʻo e fakamatala ʻokú ke fakahuú.
Kimuʻa peá ke kamatá
- ʻOku lahi ha ngaahi feituʻu ʻoku nau maʻu pe kuo nau maʻu ha ngaahi hingoa tatau pe faitatau. ʻOku tohi ʻe he kakaí e ngaahi ʻahó ʻi ha ngaahi founga kehekehe. ʻOku tokoni atu ʻa e ʻAkau Fakafāmilí ke ke fokotuʻutuʻu hoʻo ngaahi ʻahó mo e ngaahi feituʻú ʻi ha founga fokotuʻutuʻu angamaheni ʻi hoʻo fakahū kinautolú.
- ʻI hono fakaʻaongaʻi e founga angamahení, ʻoku tonu mo mahino ange ai ki he niʻihi kehe ʻoku nau vakai ki he fakamatala ʻokú ke fakahuú. ʻOku fakaleleiʻi foki ʻe he tuʻunga angamahení ʻa e fekumí, ngaahi tokoni ki he lekōtí, mo e ngaahi meʻa ʻi he ʻAkau Fakafāmilí ʻoku tuʻo lahi ʻene ʻasí.
- Ko e taimi ʻoku ʻikai fakahū ai e ʻahó pe feituʻú ʻaki ha founga fokotuʻutuʻu angamahení, ʻoku ʻiloʻi ia ʻe he ʻAkau Fakafāmilí ko ha palopalema ʻi he fakamatalá pea fakaʻaliʻali mo ha fakaʻilonga fakatokanga kulokula ʻi he tafaʻakí. Ke fakatonutonu e palopalema ko ʻení, liliu ʻa e ʻahó pe feituʻú, pea fili ha founga ke tatau ai hono fokotuʻutuʻú.
Ngaahi Sitepu (uepisaití)
- ʻI he konga ke fakahū ai e ʻahó pe feituʻú ʻi he ʻAkau Fakafāmilí, kamata taipe ai e ʻahó pe feituʻú.
- Ngaahi tokoni ki he ngaahi ʻahó:
- Ko e ʻaho 29 ʻo Fēpuelí, ʻoku fokotuʻutuʻu angamaheni pē ia kapau ko ha taʻu fakalaka.
- Fakaʻaongaʻi ʻa e K.K. pe K.H.K. ki he “Kimuʻa ʻia Kalaisí” pe “Kimuʻa Hotau Kuongá.” Ko e founga angamahení ko e K.K.
- ʻOku fakaʻaongaʻi ʻe he ʻAkau Fakafāmilí ʻa e tohi māhina Kelekōlió ki he fokotuʻutuʻu angamahení. Ke fakahū ha ʻaho mei ha tohi māhina kehe, fakahū ʻa e ʻahó, taipeʻi ha fakavahaʻa lea (space), pea fakahū leva e tatau faka-Kelekōlio ʻo e ʻaho ko iá.
- ʻI hono fakahū ʻo e ngaahi ʻahó, ʻe malava pē ke ʻasi atu ha founga ʻe 2 (hangē ko ʻení, 5 Nōv 1911 pe 5 Nōvema 1911). Fili ʻa e ʻaho ʻoku ʻasi ʻi he tafaʻakí ʻa e fakaʻilonga ʻo e tohi māhiná (ko e angamahení ko e meʻa ʻoku ʻasi kimuí, 5 Nōvema 1911). ʻE tokoni ʻa e ʻaho totonú ke taʻofi heni e ngaahi fehalaaki ‘a e fakamatala ʻoku fekauʻaki mo e founga tohi ʻo e ʻahó.
- Ngaahi tokoni ki he ngaahi feituʻú:
- ʻOku teʻeki kakato e faile fakakomipiuta ʻo e ngaahi feituʻu kuo fakahū ke ʻasi tuʻupaú. ʻE toe lelei ange e ngaahi founga fokotuʻutuʻu angamahení ʻi he fakalau ʻa e taimí.
- Kapau ʻe lava, fakahū e hingoa ʻo e feituʻú ʻi heʻene tuʻu ko ia ʻi he taimi ʻo e meʻa ne hokó.
- Te ke lava pē ʻo fakahū e ngaahi feituʻú ʻi hoʻo lea fakafonuá pe ko e lea fakafonua ʻo e feituʻu ko iá.
- Kapau ʻoku ʻikai maʻu e founga fokotuʻutuʻu angamaheni totonú, taipeʻi e feituʻú fakatatau mo e founga ʻokú ke loto ke lekooti ʻakí, taipeʻi ha fakavahaʻa lea (space), pea taipe leva ha tatau ʻo e hingoa ʻo e feituʻu ʻa ia ʻe lava ʻo fakahū ke ʻasi tuʻupaú. ʻE lava pē ke hoko ʻeni ko e feituʻu-hingoa ʻoku fakaʻaongaʻi he lolotonga ní pe ko e hingoa ʻo e vahefonuá, siteití, vāhenga kolo ki ʻutá, pe fonua ʻoku lolotonga tuʻu aí.
- Ngaahi tokoni ki he ngaahi ʻahó:
- ʻI hoʻo taipé, ʻe fakaʻasi atu ʻe he komipiutá e ngaahi founga fokotuʻutuʻu angamaheni ʻoku lava ke maʻú. Fili ʻa e founga totonú.
- Ke fili e founga ʻoku ʻikai fokotuʻutuʻu angamahení, lomiʻi ʻi ha feituʻu kehe ʻi he screen.
- Ke tauhi e meʻa naʻá ke taipé, lomiʻi ʻa e ʻuluaki meʻa ʻoku hā he lisi ʻo e ngaahi founga angamahení. ʻE fili ʻe he ʻAkau Fakafāmilí ha founga fokotuʻutuʻu angamaheni kapau te ne lava.
- Ke liliu e founga fokotuʻutuʻu angamahení, lomiʻi ʻi he feituʻu ke ke fili mei aí, peá ke fili leva e founga ʻokú ke fie maʻú. Kapau ʻoku ʻikai lava ʻo maʻu e founga fokotuʻutuʻu angamaheni totonú, toe taipeʻi e ʻahó pe feituʻú.
- ʻOku faʻa fekau atu leva ʻe he komipiutá ke ke toe fakahū ange ʻa e ʻuhinga ʻoku tonu ai ʻa e fakamatalá. Fai ʻeni, pea lomiʻi leva ʻi he Seiví.
Ngaahi Sitepu (polokalama telefoni toʻotoʻó)
- ʻI he ʻēlia ki he ʻahó pe feituʻú ʻi he polokalama telefoni toʻotoʻo ʻo e ʻAkau Fakafāmilí, kamata fakahū ʻa e ʻahó pe feituʻú.
- Ngaahi tokoni ki he ʻahó:
- Ko e ʻaho 29 ʻo Fēpuelí, ʻoku fokotuʻutuʻu angamaheni pē ia kapau ko ha taʻu fakalaka.
- Fakaʻaongaʻi ʻa e K.K. pe K.H.K. ki he “Kimuʻa ʻia Kalaisí” pe “Kimuʻa Hotau Kuongá.” Ko e founga angamahení ko e K.K.
- ʻOku fakaʻaongaʻi ʻe he ʻAkau Fakafāmilí ʻa e tohi māhina Kelekōlió ki he fokotuʻutuʻu angamahení. Ke fakahū ha ʻaho mei ha tohi māhina kehe, fakahū ʻa e ʻahó, taipeʻi ha fakavahaʻa lea (space), pea fakahū leva e tatau faka-Kelekōlio ʻo e ʻaho ko iá.
- ʻI hono fakahū ʻo e ngaahi ʻahó, ʻe malava pē ke ʻasi atu ha founga ʻe 2 (hangē ko ʻení, 5 Nōv 1911 pe 5 Nōvema 1911). Fili ʻa e ʻaho ʻoku ʻasi ʻi he tafaʻakí ʻa e fakaʻilonga ʻo e tohi māhiná (ko e angamahení ko e meʻa ʻoku ʻasi kimuí, 5 Nōvema 1911). ʻE fakasiʻisiʻi heni e ngaahi fehālaaki ‘i he fakamatala ʻoku fekauʻaki mo e founga fokotuʻutuʻu ʻo e ʻahó.
- Ngaahi tokoni ki he ngaahi feituʻú:
- ʻOku teʻeki kakato e faile fakakomipiuta ʻo e ngaahi feituʻu kuo fakahū ke ʻasi tuʻupaú. ʻE toe lelei ange e ngaahi founga fokotuʻutuʻu angamahení ʻi he fakalau ʻa e taimí.
- Kapau ʻe lava, fakahū e hingoa ʻo e feituʻú ʻo hangē ko ia ne ʻilo ʻaki ʻi he taimi ʻo e meʻa ne hokó.
- ʻOkú ke fili pē pe ʻe fakahū e ngaahi feituʻú ʻi hoʻo lea fakafonuá pe ko e lea fakafonua ʻo e feituʻú.
- Kapau ʻoku ʻikai maʻu e founga fokotuʻutuʻu angamaheni totonú, fakahū e feituʻú fakatatau mo e founga ʻokú ke loto ke lekooti ʻaki iá, tānaki atu ha fakavahaʻa lea (space), pea fakahū leva ha tatau ʻo e hingoa ʻo e feituʻu ʻa ia ʻe lava ʻo fakahū ke ʻasi tuʻupaú. ʻE lava pē ke hoko ʻeni ko e hingoa ʻo e feituʻu ʻoku fakaʻaongaʻi he lolotonga ní pe ko e hingoa ʻo e vahefonuá, siteití, koló, pe fonua ʻoku lolotonga tuʻu aí.
- Ngaahi tokoni ki he ʻahó:
- ʻI hoʻo fakahū e hingoá pe ʻahó, ʻe fakaʻasi atu leva ʻe he polokalamá ʻa e ngaahi founga fokotuʻutuʻu angamaheni ʻoku lava ke maʻú.
- Lomi ʻa e founga fokotuʻutuʻu angamaheni totonú. Mahalo naʻa fie maʻu ke ke vakaiʻi ha lisi ʻo e ngaahi feituʻu kuo fakahū ke ʻasi tuʻupaú ke maʻu ai ʻa e feituʻu totonú.
- Kapau ʻoku ʻikai maʻu e founga fokotuʻutuʻu angamaheni totonú, ʻalu ki he taupotu taha ki lalo ʻo e lisi angamahení, pea lomiʻi ʻi he ʻIkai ha taha ʻo e ngaahi meʻá ni.
- Ke tauhi e meʻa naʻá ke fakahuú mo tuku ke fili ʻe he polokalamá ha founga fokotuʻutuʻu angamaheni totonu, lomiʻi ʻi ha feituʻu kehe mei he lisi ʻo e ngaahi founga fokotuʻutuʻu angamahení.
- Ke liliu e founga fokotuʻutuʻu angamahení, ʻe fie maʻu ke ke toe fakahū ʻa e ʻahó pe feituʻú. He ʻikai lava ʻi he polokalama telefoni toʻotoʻó, ʻo ʻikai hangē ko e uepisaití, ʻo fakaʻatā koe ke ke liliu ha founga fokotuʻutuʻu angamaheni ʻo ʻikai te ke toe fakahū foʻou e fakamatalá.
Ngaahi Sitepu (ʻAkau Fakafāmili Laití)
ʻE fokotuʻutuʻu angamaheni ʻe he ʻAkau Fakafāmili Laití ʻiate ia pē ʻa e ngaahi ʻahó mo e ngaahi feituʻú ʻi hoʻo tānaki atu pe fakatonutonu kinautolú. ʻOku ʻikai lava ke ke fili ha founga fokotuʻutuʻu angamaheni.
Ngaahi fakamatala fekauʻakí
ʻOku ʻikai ke u ʻiloʻi ʻa e ʻaho totonu ke fakahū ai ki he ʻAkau Fakafāmilí.
Te u fakaleleiʻi fēfē ha palopalema fakaefakamatala ʻi he ʻAkau Fakafāmilí?
Founga Nounou ki hono fakahū ʻo e ngaahi ʻahó ki he ʻAkau Fakafāmilí