Si të ngarkoj kujtime në FamilySearch?

Mund të ngarkoni fotografi ose dokumente te Kujtimet në FamilySearch, qoftë si një artikull i vetëm ose si një grup me shumë artikuj.

Formatet dhe kufizimet e madhësisë së materialit jepen më poshtë:

• Për dokumente, formate materiali .pdf deri në 15 MB. Kthejini formatet e tjera të dokumenteve, të tilla si materialet .doc dhe .docx në formatin .pdf para se t’i ngarkoni.
• Për Fotografitë, formate materiali .jpg, .png, .tif dhe .bmp deri në 15 MB.

Shënim: Ju lutemi, jini të vetëdijshëm se .pdf është i vetmi lloj materiali i përkrahur që mund të përfshijë faqe të shumta.

Përpara se të filloni

Lexoni me kujdes materialin Marrëveshja për Dorëzim për pyetje lidhur me përmbajtjen tuaj.

Hapat nga Kujtimet (faqe interneti)

1. Nënshkruajeni hyrjen në FamilySearch.org.
2. Te shiriti i menusë në krye të ekranit, klikoni te Kujtimet.
3. Në menunë me shpalosje, klikoni te Galeria.
4. Klikoni te shenja plus (+) brenda rrethit të gjelbër.
5. Tërhiqeni dhe lëshojeni përmbajtjen nga kompjuteri juaj në ekran ose klikoni te Zgjidh Materialet.
6. Duhet t’i etiketoni fotot individualisht, por sasia e përmbajtjes që ngarkoni njëherësh, varet nga ju.

Hapat nga faqja e personit

1. Klikoni te nënndarja Kujtimet.
2. Klikoni ose te Ngarko Fotografi ose Ngarko dokument dhe përzgjidhni materialin nga kompjuteri juaj.
3. Klikoni te Përzgjidh nga Galeria dhe shtoni një artikull që e keni ngarkuar tashmë. Veçoria tërhiq dhe lësho nuk është në dispozicion për të ngarkuar artikuj kujtimesh në faqen e hollësive të personit.

Hapat për të ngarkuar shumë fotografi

1. Gjeni dhe klikoni te fotografia e parë.
2. Mbani të shtypur butonin Shift në tastierën tuaj.
3. Me butonin Shift të mbajtur të shtypur, klikoni te fotografia e fundit në diapazonin e fotografive që dëshironi të ngarkoni.
4. Do të shihni një listë bashkëlidhjesh të theksuara dhe gati për t’u ngarkuar. Ndiqni komandat në ekran dhe ngarkojini fotografitë.
5. Për të përzgjedhur fotografi jo në një radhë të njëpasnjëshme nga një dosje, gjejeni dhe klikoni te fotografia e parë.
6. Shtypeni dhe mbajeni të shtypur butonin Control (Ctrl).
7. Me butonin Control të mbajtur të shtypur, klikoni tek të gjitha fotografitë që dëshironi të ngarkoni. Më pas, ndiqni komandat në ekran dhe ngarkojini fotografitë.

Hapat (programi për telefonat celularë Kujtimet)

1. Prekni me gisht te shenja plus (+) brenda rrethit.
2. Prekni me gisht te Shto Dokumentin ose Shto Fotografinë.
3. Prekni me gisht mundësinë që parapëlqeni të përdorni:
   
   1. Android: Aparati Fotografik ose Materiali
   2. Apple iOS: Bëj Fotografi, Shiriti Fotografik, ose Materialet e Mia

Përzgjidhni një material nga pajisja juaj dhe prekni me gisht te Ngarko. Ose përdorni veçorinë e aparatit fotografik për të regjistruar përmbajtjen. Redaktojeni fotografinë dhe prekni me gisht te Ruaj.

Hapat (programi për telefonat celularë Pema Familjare)

1. Prekni me gisht për të hapur faqen e hollësive të personit.
2. Prekni me gisht te Kujtimet.
3. Prekni me gisht tek ikona e shenjës plus (+).
4. Prekni me gisht te Shto Dokumentin ose Shto Fotografinë.
5. Prekni një mundësi:
   
   1. Android: Aparati Fotografik, Materiali, ose Galeria në FamilySearch.
   2. Apple iOS: Bëj Fotografi, Shiriti Fotografik, Materialet e Mia, ose Galeria Ime në FamilySearch.

Përzgjidhni një material nga pajisja juaj ose nga Galeria dhe prekni me gisht te Ngarko. Ose përdorni veçorinë e aparatit fotografik për të regjistruar përmbajtjen. Redaktojeni fotografinë dhe prekni me gisht te Ruaj.

Pema Familjare Varianti i Thjeshtuar

Aktualisht, Pema Familjare Varianti i Thjeshtuar nuk e përfshin veçorinë Kujtimet. 

Pasi të mbaroni

Nëse ngjyrat paraqiten të kundërta (si negativet e filmave) në FamilySearch, ju lutemi, hiqeni fotografinë, kthejeni në një format të ndryshëm materiali dhe ngarkojeni sërish. Etiketoni çdo fotografi dhe dokument individualisht me qëllim që të lidhet me një individ në Pemën Familjare. Shtoni titullin, datën e ngjarjes, vendin e ngjarjes dhe përshkrimin që ta keni më të lehtë gjetjen e artikullit të kujtimeve. 

Te Pema Familjare, kujtimet e një personi shfaqen sipas rendit që u shtuan. Nuk mund ta ndryshoni atë rend.

Artikuj të ngjashëm

Si ta shtoj ose redaktoj titullin e një fotografie, historie, dokumenti ose materiali zanor?
Përse nuk është ngarkuar ende fotografia ose dokumenti im?
Si t’i etiketoj kujtimet e paraardhësve ose të të afërmve të mi në Pemën Familjare?
Cilat rregulla gjejnë zbatim për ngarkimin e kujtimeve në FamilySearch.org?