O le a le auala aloa'ia e fai mo le tatalaina, tapunia po o le toe siitiaina o se nofoaga autu o le FamilySearch?

Share

Mataupu e Mafaufau loloto iai

O taʻitaʻi o le au perisitua e mafaufau ma le agaga tatalo i nei mea tāua a o latou filifili pe tapunia se nofoaga autu o le FamilySearch.

  • O nofoaga autu o le FamilySearch e mafai ona avea ma punaoa tāua i le siteki. O Nofoaga tū totonu e mafai ona avea o ni nofoaga o aʻoaʻoga mo tagata o le ekalesia ma nu'u.
  • O nofoga autū o le FamilySearch e maua fua avanoa e faʻaaogā ai uepisaite totogi.
  • E masani ona faaaoga e tagata o le nu'u ia nofoaga autu o le FamilySearch. O tagata o le nu'u e i ai aafiaga lelei i se nofoaga autu e masani ona i ai ni lagona lelei agaʻi i le Ekalesia.
  • Afai e lē o faaaogaina pe lē lelei foi le faagaoioia o se nofoaga autu, e mafai ona e mafaufau loloto i isi laasaga ae e te leʻi tapunia le nofoaga autu. O nisi nei o mea e tatau ona mafaufau loloto i ai:
    • E mafai e se taʻitaʻi faamaopoopo fou o le nofoaga autu o le FamilySearch ona aumaia se naunautaiga fou i se nofoaga autu.
    • E mafai e le fautua maualuga o vaaia galuega o le malumalu ma talafaasolopito o aiga ona galulue faatasi ma le taʻitaʻi faamaopoopo ina ia avea le nofoaga autu ma se nofoaga e sili atu ona matagofie.
    • E mafai e le fautua maualuga ona galulue faatasi ma iunite i le siteki ina ia tofia ia lava le aufaigaluega i le nofoaga autu.
    • E mafai ona e siitia le nofoaga autu i se isi fale e telē atu le faitau aofai o tagata.
    • E mafai e taʻitaʻi perisitua o siteki ma uarota ona mafaufau i auala e faalauiloa ai galuega o le malumalu ma talafaasolopito o aiga ma fesoasoani i tagata o le ekalesia ia lagonaina le agaga o Elia.

Faatuina, Siitia poo le Tapunia o se nofoaga autu

O le faatūina, siitia po'o le tapunia o se nofoaga autu, e faatumu e taʻitaʻi perisitua le vaega talafeagai o lefomu eTalosaga ai le Faatūina, Toe Siitia, pe Tapuni se Nofoaga Autu o le FamilySearch.

  • Faailoa atu i le faatonu o le aufaigaluega o mataupu faaletino ma le Lagolago a le FamilySearch.
  • Galulue ma se pule o le eria a le Matagaluega o Talafaasolopito o Aiga e siitia atu masini, komepiuta, ma masini lomitusi i se isi nofoaga autu o le FamilySearch.
  • Galulue ma le Lagolago a le FamilySearch e auina atu ata lola ma ata mafolafola ua teuina faapitoa ai ata ma faamaumauga i se nofoaga autu lata ane, pe toe faafoi atu i le Faletusi o Auaunaga. Aua lava neʻi lafoaʻia ata lola ua teuina ai ata ma faamaumauga tāua pe tuu atu i tagata taʻitoatasi po o faalapotopotoga.
  • Galulue faatasi ma le pule o fale ma fanua i le lotoifale e tiaʻi masini. Afai e lē mafai ona faaaogaina komepiuta, o le tagata o le siteki ua iai le tomai faapitoa mo tekinolosi e aveesea atoa faamatalaga a o leʻi lafoaʻi ese e le pule o fale ma fanua o le lotoifale lenei komepiuta.
  • Fesili atu i le pule o fale ma fanua e faamuta le auaunaga i le initoneti i le nofoaga autu ma taofia le auaunaga mo telefoni.

Galulue ma le pule o le eria

Afai e te manaʻo e siitia atu ata lola faapitoa mo ata ma faamatalaga tāua i se isi nofoaga autu, faamolemole ia galulue faatasi ma le pule o le eria. E mafai e le pule o le eria ona filifili po o a nofoaga autu i le eria e mafai ona manuia mai masini o le nofoaga autu. E mafai ona ia faamaopoopoina masini e auina atu ai i se isi nofoaga autu i totonu o le eria.

Tala feso‘ota'i

E faapefea ona tatou talosagaina, toe siitia, pe tapunia se nofoaga autu o le FamilySearch?
Taʻiala o le Faagaoioiga o le Nofoaga Autu o le FamilySearch 2023

Pe na aoga lenei mea?