E faapefea ona ou faaopoopoina se ala o faamatalaga mai fafo i le Gafa o le Aiga?

Tusiga Id:: 11526
November 21, 2022
Share

O nisi o taimi e te mauaina ala o faamatalaga e le o maua i luga o le FamilySearch. E te mauaina i luga o isi upega tafailagi, pe e iai lau kopi pepa pe faaeletoroni. E mafai ona e taina le faamatalaga e faaopoopo ai nei ala o faamatalaga i le Gafa o le Aiga. Afai e te taina i totonu le ala o faamatalaga, e mafai ona e faafesootaia i le kopi faaupega tafailagi pe faapipii se kopi faaeletoroni.

O le kopi faaeletoroni e iai isi ona penefiti:

  • O le kopi faaeletoroni e teumaluina le ala o faamatalaga mo augatupulaga i le lumanai.
  • Afai e vaaia e tagata le kopi faaeletoroni, latou te lagonaina le fesootaiga sili atu i o latou tuaa.
  • O le kopi faaeletoroni e mafai ona tuuina mai faailoilo mo isi tagata suesue e tulituliloaina.

I totonu o lau pusa o ala o faamatalaga ma i totonu o le Gafa o le Aiga, e mafai ona e faailoa nei ala o faamatalaga mai fafo e ala i lenei faailoga:

Icon of the planet Earth

Ae e te lei amata

Afai o le ala o faamatalaga e i se upega tafailagi, kopi le URL. Afai e iai ni au kopi pepa, ia sefe i se faataatiaga faaeletoroni i lau komepiuta.

  • Matou te taliaiina faila .jpg, .png, .tif, .bmp, ma .pdf. (Faaaoga .pdf mo faamatalaga aloaia e tele itulau.)
  • O le tele faatapulaa o le faila e 15MB.

E mafai ona e faaopoopoina ni manatuaga e avea ma ala o faamatalaga mo tagata ua maliliu. E le mafai ona e faapipii ni manatuaga o se ala o faamatalaga mo tagata o loo soifua. Ae peitai, e mafai ona e faaaogaina le polokalame telefoni feaveai o le Gafa o le Aiga e faapipii ai se ata mai i lau telefoni e fai ma ala o faamatalaga.

Laasaga (upega tafailagi)

  1. Saini e alu i totonu o le FamilySearch.
  2. Alu i le itulau a le Tagata mo le tagata o loo iai lau ala o faamatalaga mai fafo.  
  3. Kiliki lefaailo o le Ala o Faamatalaga.
  4. Kiliki Faaopoopo le Ala o Faamatalaga.
  5. Kiliki Faaopoopo le Ala o Faamatalaga Fou.
  6. Ta i totonu le faamatalaga e faatatau i le ala o faamatalaga.
    1. Ta i totonu le aso na tupu ai se gaioiga. E faataga e le aso oe ona faavasega ala o faamatalaga i le faasologa o taimi.
    2. Ta i totonu le ulutala mo le ala o faamatalaga.
    3. I totonu o le vaega o le Itulau Upega Tafailagi, kiliki URL o le Itulau Upega Tafailagi e ta i totonu le ala o faamatalaga mai le upega tafailagi. Tai totonu le URL mo le ala o faamatalaga. Kiliki Faaopoopo se Manatuaga ina ia tuu i luga se manatuaga poo le filifilia o se mea mai lau Potu Ata. O faamatalaga auiliili mo le Tuuina i luga o Manatuaga ma le Filifili mai le Potu Ata o loo i lalo.
    4. Faaopoopo se igoa o loo faamatala ai poo fea na maua ai le faamaumauga.
    5. Faamatala le faamaumauga. E mafai ona e taina i totonu le faamatalaga tusitusia o se ala o faamatalaga poo se faamatalaga o mea taitasi o le manatuaga.
    6. Ta i totonu se mafuaaga e faapipii ai le ala o faamatalaga.
    7. Kiliki i totonu o pusa mo mea taitasi na tutupu o loo faamaumau i le ala o faamatalaga.
    8. Afai e te manao i le ala o faamatalaga ina ia i totonu o le pusa Ala o Faamatalaga, tuu le siaki autafa o le filifiliga. A leai, kiliki e aveese le siaki.
    9. Kiliki Sefe.

Tuuina i luga o le Manatuaga

  1. I le laasaga 6c o loo i luga, kiliki Tuu i luga Manatuaga.
  2. Saili le aitema o loo sefe i luga o lau komepiuta, ma kiliki-faalua.
  3. O le aitema ua tuuina i luga ua avea ma ala o faamatalaga o lou tuaa. E faaopoopo foi e le masini i lau Pusa Ata o Manatuaga i luga o le FamilySearch.
  4. Faaauau i le laasaga 6d o loo i luga.

Filifili mai le Pusa Ata

  1. I le laasaga 6c o loo i luga, kiliki Filifili mai le Pusa Ata.
  2. E matala lau Pusa Ata o Manatuaga.
  3. Kiliki le aitema o loo e manao e faaopoopo o se ala o faamatalaga.
  4. Kiliki Faapipii.
  5. Faaauau i le laasaga 6d o loo i luga.

Laasaga (polokalama telefoni feaveai)

  1. I le polokalame telefoni feaveai o le Gafa o le Aiga, alu i le itulau Tagata o le tagata o loo e manao e faapipii iai le ala o faamatalaga.
  2. Ooomi le faailo o le Ala o Faamatalaga.
  3. I le vaega taumatau pito i lalo o le faata komepiuta, oomi le faailoga faaopoopo.
  4. Oomi Faaopoopo le Ala o Faamatalaga ma le Itulau Upega Tafailagi pe Faaopoopo se Ala o Faamatalaga ma le Ata. Faaauau ma laasaga talafeagai.

Faaopoopo le ala o faamatalaga ma le itulau upega tafailagi

  1. Ta i totonu le ulutala o le Ala o Faamatalaga.
  2. Ta i totonu le aso (tuu i le faitalia).
  3. Ta i totonu le URL i le ala o faamatalaga mai fafo.
  4. Tuuina mai le igoa e faamatala ai poo fea na maua ai le faamaumauga.
  5. Faaopoopo Faamatalaga.
  6. Ta i totonu se mafuaaga e faapipii ai le ala o faamatalaga.
  7. Oomi le Sefe.

Faaopoopo se ala o faamatalaga ma le ata.

  1. Oomi Faaopoopo le Ata i luga o se masini IOS. Oomi Faaopoopo le Ata o Ala o Faamatalaga i luga o se masini Android.
  2. Oomi mai le lisi o filifiliga.
    1. Meapueata pe Pue le Ata: Faaaoga lau telefoni feaveai e pueina ai se ata faaeletoroni.
    2. Lola Meapueata,O a'u Faila, poo Faila:Faaaoga se ata mai lau masini e avea ma se ala o faamatalaga.
    3. O la'u Pusa Ata FamilySearch poo Pusa Ata FamilySearch: Filifili aitma taitasi i lau pusa ata e faaaoga o se ala o faamatalaga.
  3. Oomi ina ia filifili se aitema mai le laasaga 2. Fuafua i luga o lau filifiliga, oomi Sefepoo le Tuu i luga.
  4. Ta i totonu se Ulutala o le Ala o Faamatalaga.
  5. Ta i totonu le Aso na Tupu Ai le Gaioiga.
  6. Ta i totonu se igoa o loo faamatala ai poo fea na maua ai le faamaumauga.
  7. Ta i totonu Faamatalaga. Mo faamatalaga aloaia, o faamatalaga e mafai ona sii mai poo se tala tusitusia o se faamaumauga.
  8. Ta i totonu se mafuaaga e faapipii ai le ala o faamatalaga.
  9. Oomi le Sefe.

O Laasaga (Family Tree Lite)

O le Family Tree Lite e leai se filifiliga o le Ala o Faamatalaga. Mo le puleaina o ala o faamatalaga, asiasi i le upega tafailagi atoa.

Faaiuga

Afai e te faaopoopoa le URL, o le a iloilo e le FamilySearch ina ia mautinoa o loo aofia ai faamatalaga o mataupu talafeagai mo le Gafa o le Aiga.Afai e faamaonia le upega tafailagi mo le faaaogaina i totonu o le Gafa o le Aiga, e mafai ona e sefeina le ala o faamatalaga ma faaauau.

Afai o le upega tafailagi e lei faamaoniaina mo le Gafa o le Aiga, e faailoa mai e le masini le tatau ona e tuuina i totonu o le URL mo le iloiloga. Pe a maea le iloiloga, e te mauaina se faaaliga i le imeli. I lena taimi, toe foi i totonu o le Gafa o le Aiga ma toe ta i totonu le URL. E masani ona tupu lea mea pe afai e te faafesootai i se itulau upega tafailagi e le mataituina mataupu.

Afai e te ta i totonu le upega tafailagi e manatu le FamilySearch e le talafeagai, e le mafai ona e sefeina le ala o faamatalaga.  

O tusitusiga e fesootai ai

O a penefiti o le faaopoopoina o ala o faamatalaga i le Gafa o le Aiga?
E faapefea ona ou tuuina i luga manatuaga i le FamilySearch?

Pe na aoga lenei mea?