E faapefea ona ou utaina i luga manatuaga i le FamilySeach?

uniqueIdLabel: 8545
November 02, 2022

E mafai ona e utaina i luga ia ata po o pepa o faamatalaga i le Manatuaga o le FamilySearch, pe o se aitema e tasi pe o se vaega o aitema fefiloi.

O mamanu/ituaiga ma le tetele o faila o loo i lalo:

  • Mo pepa o faamatalaga, .pdf e oo atu i le 15MB. Liliu isi ituaiga o pepa o faamatalaga e pei o le .doc ma le .docx i le .pdf ae e te lei utaina i luga.
  • Mo Ata, .jpg, .png, .tif, ma .bmp ituaiga o faila e oo atu i le 15MB.

Manatua: Faʻamolemole ia e nofouta o .pdf e naʻo le pau lea o le faila o lo’o lagolagoina itu’aiga faila e mafai ona aofia ai le tele anoa’i o itulau.

Ae e te lei amata

Faitau lelei le Maliega [mo Anomea] e Auina Mai mo fesili e faatatau i au anotusi.

Laasaga mai le Manatuaga (uepisaite)

  1. Saini e alu i totonu i le FamilySearch.org.
  2. I le pa o le faasologa autu i le pito i luga o le lau, kiliki le Manatuaga.
  3. I le lisi autu e faasolo i lalo, kiliki le Potu o Ata.
  4. Kiliki le faailoga faaopoopo (+) i totonu o le li’o lanumeamata.
  5. Toso i lalo ma faapalasi le anotusi mai lau komepiuta i le lau, pe kiliki le Filifili Faila.
  6. E tatau lava ona e faailoa taitasi ia ata, ae o le aofaiga o anotusi e te utaina i luga i le taimi e tasi, e pule lava oe.

Laasaga mai le itulau a le tagata

  1. Kiliki le pitolau Manatuaga .
  2. Kiliki a le o le Uta i Luga ia Atapue po o le Uta i Luga pepa o faamatalaga
  3. Kiliki Filifili mai le Potu o Ata e faʻaopoopo ai se aitema ua uma ona e utaina i luga. E le avanoa le vaega o le toso-ma-faapalasi e uta ai i luga ia aitema o manatuaga i luga o le itulau o faamatalaga auiliili a le tagata.

Laasaga e uta ai i luga ni ata se tele

  1. Saili ma kiliki le ata muamua.
  2. O’omi i lalo le ki o le Shift i le faasologa o ki a lau komepiuta.
  3. Faatasi ma le oomi i lalo o le ki shift, oomi le ata mulimuli i le laina o ata e te manaʻo e uta i luga.
  4. E te vaai i se lisi o mea e faapipii ua faasusulu ma ua saunia e uta i luga. Mulimuli i faatonuga i luga o le lau ma uta i luga ia ata.
  5. Ina ia filifilia ni ata e vava solo mai i se faila, sa’ili ma kiliki le ata muamua.
  6. O’omi ma taofi i lalo le ki (Ctrl).
  7. A’o taofia i lalo le ki Ctrl, kiliki taitasi uma ata o loʻo e manaʻo e uta i luga. Ona mulimuli lea i faatonuga i luga o le lau ma uta i luga ia ata.

Laasaga (polokalama telefoni feaveai o Manatuaga)

  1. Oomi le faailoga faaopoopo (+) i totonu o le li’o.
  2. Oomi le Faaopoopo le Pepa o Faamatalaga po o le Faaopoopo Ata.
  3. O’omi le ata e te manao e fa’aaoga:
    1. Android: Meapueata po o le Faila
    2. Apple iOS: Pu’e Le Ata, Lola Meapueata, po o A’u Faila

Filifili se faila mai lau masini, ma oomi le Uta i Luga. Pe faaaoga le faatonu o le mea pueata e pue ai anomea. Fai suiga i le atapue, ma oomi le Sefe

Laasaga (polokalama telefoni feaveai o le Gafa o le Aiga)

  1. Oomi e tatala ai le itulau o faamatalaga auiliili a se tagata.
  2. Oomi le Manatuaga
  3. O’omi le aikona o le faailoga fa’aopoopo (+).
  4. Oomi le Faaopoopo le Pepa o Faamatalaga po o le Faaopoopo Ata.
  5. Oomi se filifiliga:
    1. Android: Meapueata, Faila, po o le Potu o Ata o le FamilySearch.
    2. Apple iOS: Pu’e le Ata, Lola Meapueata, A’u Faila, po o le Potu o Ata o le FamilySearch.

Filifili se faila mai lau masini, pe mai le Potu o ata, ma oomi le Uta i Luga. Pe faaaoga le faatonu o le mea pueata e pue ai anomea. Faasa’osa’o le atapue, ma oomi le Sefe

Family Tree Lite

O le taimi nei, e le o i ai le matapule o Manatuaga i le Family Tree Lite. 

Pe a ua uma

Afai e faaali mai lanu ua fuli i tua (o ni negatives) i le Family/Search, faamolemole aveese le ata, faaliliu le faila i se isi faatulagaga, ma toe uta i luga. Faapipii ata pue taitasi ma pepa o faamatalaga taitasitasi ina ia mafai ai ona sosoo i se tagata o i le Gafa o le Aiga. Faaopoopo le ulutala, aso o le gaoioiga, nofoaga o le gaoioiga, ma le faamatalaga ina ia faigofie atu ona maua lau manatuaga. 

I le Gafa o le Aiga, e faaali mai manatuaga o se tagata i le faasologa sa faaopoopo ai i luga. E le mafai ona e suia lena faasologa.

Tusiga e faatatau i ai

E faapefea ona ou faaopoopoa pe faasa’o le ulutala o se atapue, tala, pepa o faamatalaga, po o le faila o leopu’e?
Aisea ua le utaina ai i luga la’u atapue po o le pepa o faamatalaga?
E faapefea ona ou faapipiiina manatuaga o o’u augatama po o tagata o ou aiga i le Gafa o le Aiga?
O a tulafono e faaaoga i le utaina i luga o manatuaga i le FamilySearch.org?

moduleTitle