Fatu le faitotoa • FamilySearch

O se faitotoa fai fua i le FamilySearch e tuuina atu ai se avanoa lautele i ala’oa i luga o le uepisaite o le FamilySearch.

Ae e te le’i amata

Soo se tasi e silia ma le 13 tausaga e mafai ona faia se faitotoa.
Faatasi ai ma le faatagaga a matua, e mafai e tamaiti ua ta‘i 8—12 tausaga ona faia ni faitotoa.
Matou te fautuaina ia eseese tuatusi imeli poo numera o telefoni feaveai e faaaoga e tagata taitoatasi [i le fatuina o nei faitotoa]. O le faia o lena mea e faigofie ai ona toe maua mai ai se igoa faaaoga pe toe suia ai se uputatala.
A o e fatuina se faitotoa, o le igoa faaaoga e te filifilia e ono mafai ona uma ona faaaogaina e se isi tagata. Afai o lea, e tuuina mai e le polokalama ni nai fetuunaiga fefiloi e mafai ona e filifili mai ai. Pe e mafai foi ona e taina i totonu se isi igoa faaaoga.
Matou te fautuaina le faaaogaina o se upu e ese mai i lau tuatusi imeli e fai ma ou igoa faaaoga.
Afai e te faaaogaina lau tuatusi imeli e fai ma ou igoa faaaoga, faamolemole ia aofia ai foi ma se numera o le telefoni feaveai mo le faigofie ai ona toe maua mai o lau faitotoa.

Alu i le FamilySearch.org, ma kiliki le Fatu le Faitotoa.
Ta i totonu le faamatalaga manaomia, ma kiliki le Faaauau.
Ta i totonu se igoa faaaoga ma se uputatala.
Kiliki le aū i lalo, ma filifili se filifiliga e toe maua mai ai. Afai e le o i ai lou atunuu i le lisi o nofoaga, e tatau ona e faaaogaina se tuatusi imeli mo le toe mauaina mai [o lau faitotoa pe a i ai se faaletonu i le polokalama].
Ina ia ioe i tuutuuga, maka faasa’o le pusa. Kiliki le Fai se Faitotoa
Faaola lau faitotoa. Vaavaai mo se savali i lau imeli po o se feau tusitusia i luga o lau telefoni feaveai.

Tatala le Gafa o le Aiga i le polokalama feaveai o le FamilySearch po o Manatuaga i luga o lau masini feaveai.
Oomi le Fatu se Faitotoa Maua Fua.
Faaaoga faatonuga o le upega tafailagi o loo i luga e fatu ai lau faitotoa.

Toe iloilo le faamatalaga e faafesootai ai oe ma tulaga faailoilo e te manao e i ai i totonu o au faatulagaga o le FamilySearch.

Afai e te fetaiai ma faafitauli, faafesootai le FamilySearch Support.

O nisi nei o tusitusiga e faailoa atu ai o loo ua ono uma ona iai sau faitotoa :

“Matou te talitonu ua uma ona i ai le faitotoa lenei.”
“O le numera o le telefoni feaveai na e taina i totonu o loo ua faaaogaina e se isi faitotoa.”
“O lenei numera o le pepa faamaumau a le Ekalesia ua uma ona faaaoga i se faitotoa.”

Atonu ua i ai sau faitotoa a le Ekalesia mo le upega tafailagi a le Ekalesia po o polokalama a le Ekalesia e pei o Meafaigaluega. E te le toe manaomia se isi faitotoa mo le FamilySearch.org. I luga o le itulau e saini ai i totonu, kiliki le Saini i Totonu ma lau Faitotoa o le Ekalesia
Ina ia faaaoga polokalama o le telefoni feaveai o le Gafa o le Aiga po o le Talaaga Manatua, e tatau ona e faia se faitotoa i le FamilySearch.
Afai e te filifili e fatu se faitotoa o le FamilySearch, faaaoga laasaga o le uepisaite.
- I luga o le lau muamua, kiliki le pusa e faailoa ai o oe o se tagata o le Ekalesia.
- Ta i totonu le numera o lau pepa faamaumau o le Ekalesia. Afai e le mafai ona e mauaina, kiliki i le pusa, ona kiliki lea o le Faaauau.
Ina ia faaopoopo lau numera o le pepa faamaumau a le Ekalesia i se faitotoa o i ai nei, alu i lau Faatulagaga o Faitotoa. I le pito i lalo o le itulau, kiliki le Faaopoopo le Numera o le Pepa Faamaumau a le Ekalesia.