Soo se tasi e 13 tausaga pe matua atu e mafai ona lesitala mo se faitotoa o le FamilySearch e aunoa ma se faatagaga a se matua.
O tamaiti ua ta‘i 8-12 tausaga le matutua e mafai ona lesitala mo se faitotoa o le FamilySearch faatasi ai ma le faatagaga a matua. O lenei faitotoa e mafai ona fatuina i luga o le churchofjesuschrist.org po o le FamilySearch.org.
O tamaiti ua uma ona i ai se faitotoa mo Le Ekalesia a Iesu Keriso o le Au Paia o Aso e Gata Ai e mafai ona saini e alu i totonu o le FamilySearch.org e faaaoga ai le igoafaaaoga ma le uputatala o lena faitotoa e ala i le filifilia o le faamau Saini e Alu ai i totonu I le Faitotoa a le Ekalesia i luga o le uepisaite.
Ia tuuina mai le faatagaga i le churchofjesuschrist.org
O matua ma tagata e vaaia faaletulafono [le tamaitiiti] o ni tagata o Le Ekalesia a Iesu Keriso o le Au Paia o Aso e Gata Ai e mafai ona fatuina ni faitotoa ma tuuina atu le faatagaga i luga o le churchofjesuschrist.org. E mafai foi e matua ona suia uputatala a a latou fanau ma tapeese faitotoa a a latou fanau.
Mo faatonuga, saini e alu i totonu i lau faitotoa i luga o le churchofjesuschrist.org, tatala faatulagaga o lau faitotoa, ma kiliki le Fesoasoani.
Ia tuuina mai le faatagaga e ala mai i le FamilySearch.org
E mafai foi e matua ma fanau ona fatuina ni faitotoa i luga o le FamilySearch.org. E le manaomia ona avea ma tagata o le Ekalesia.
Ao faia lenei faagasologa, e mafai e se matua po o le tagata faaletulafono e vaaia [le tamaitiiti] ona filifili se 1 o auala e 3 e faatagaina ai faaletulafono se tamaitiiti e lesitala mo le FamilySearch.
- Pepa Faamaumau o le Ekalesia (e lelei, mo le Au Paia o Aso e Gata Ai)
- Tuatusi imeli
- Tesi le numera
I le faasologa o le fatuina o le faitotoa o se numera faalilolilo o le maliega a matua o le a auina atu i le tuatusi imeli po o se tesi i le telefoni a se matua po o se tagata faaletulafono o loo vaaia [le tamaitiiti] (pe afai e le o fatuina se faitotoa i se numera o le pepa faamaumau a le Ekalesia). O le a e faamaoti mai ai foi se auala e toe maua mai ai le faitotoa ina nei te’i ua galo i lou alo ana faamatalaga e saini ai i totonu. Mo faitotoa ua fatuina e faaaoga ai le numera o le pepa faamaumau o le Ekalesia, o le numera lava lena e tasi e faaaoga e toe maua mai ai.
O le vaega o totoe o lenei tusiga o loo faamatala atu ai le auala e fatu ai le faitotoa mai le FamilySearch.
Laasaga (FamilySearch.org)
Mo le fatuina o se faitotoa mo se tamaitiiti i le vaitausaga o le 8 ma le 12, mulimuli i laasaga nei.
- Alu i se oloa o le FamilySearch, ma faaaoga le 1 o filifiliga nei:
- Alu i le saite a le FamilySearch.org i se palausa, ma kiliki le Fatu se Faitotoa.
- Tatala le Gafa o le Aiga po o le polokalama feaveai o le Manatuaga, ma oomi le Fatu le Faitotoa Maua Fua.
- Ta i totonu faamatalaga a le tamaitiiti i le fomu Fatu le Faitotoa, ma kiliki le Faaauau.
- O le a faaali mai le pusa o fesootaiga o Matua po o le Faatagaga Manaomia mai le Tagata e Vaaia le [tamaitiiti]. E mafai ona e filifili e tuuina atu le faatagaga e ala i le:
- Pepa Faamaumau a le Ekalesia (tagai i le laasaga 4)
- Tesi feau tusitusia (tagai i le laasaga 5)
- Imeli (tagai i le laasaga 6)
- Ina ia tuuina atu le maliega a matua e ala i le taina i totonu o le numera o le pepa faamaumau a le Ekalesia, mulimuli i laasaga nei.
- Filifili le Faaaoga le Numera o le Pepa Faamaumau o le Ekalesia a le Matua (e lelei atu lea).
- Ta i totonu lau oe lava (matua po o le tagata e vaaia faaletulafono) numera o le pepa faamaumau o le Ekalesia. Ona kiliki lea o le Faaauau.
- Ona sosoo lea ma le taina i totonu o le numera o le pepa faamaumau o le Ekalesia a lau tama, ma kiliki le Faaauau.
- Faatumu avanoa o loo totoe i le fomu, ma kiliki le Fatu le Faitotoa.
- Saini e alu ai i totonu i le faitotoa o le FamilySearch e faamaea ai le lesitalaga. Afai ua galo i lou alo ana faamatalaga e saini ai i totonu, o le a manaomia le numera o le pepa faamaumau a le Ekalesia mo le toe mauaina mai.
- Ina ia tuuina atu le maliega a matua e ala i le feau i se tesi, mulimuli i laasaga nei.
- I le faaaogaina o se feau tusitusia (tesi) mai le lisi autu e faasolo i lalo, filifili le Fesili i matua, ma ta i totonu le numera o le tesi. Kiliki le Faaauau.
- Faatumu avanoa o loo totoe i le fomu, ma kiliki le Fatu le Faitotoa. O se numera faalilolilo o le maliega faamatua ua auina atu i se tesi i le telefoni a se tasi o matua.
- O le lau e sosoo ai o le a fesili atu mo le numera o le faatagaga a matua lea na lafo atu o se tesi i le telefoni a le matua po o le tagata e vaaia faaletulafono le tamaitiiti. Ta i totonu le numera, ma kiliki le Auina Atu.
- Ona sosoo ai lea, ta i totonu se numera telefoni mo le tesi, po o se tuatusi imeli mo le toe maua mai o le faitotoa, nei te’i ua galo i lou alo ana faamatalaga e saini ai i totonu.
- Afai na e filifilia le numera mo le tesi e toe maua mai ai lau faitotoa, ta i totonu le numera lea na lafo atu i le telefoni ma kiliki le Auina Atu.
- Afai na e filifilia le imeli, tatala le imeli, ma kiliki le Faamaea le Lesitalaga.
- Saini e alu ai i totonu i le faitotoa o le FamilySearch e faamaea ai le lesitalaga.
- Ina ia tuuina atu le maliega a matua e ala i le imeli, mulimuli i laasaga nei.
- Faaaoga se imeli mai le lisi autu e faasolo i lalo, filifili le Fesili i matua, ma ta i totonu le tuatusi imeli. Kiliki le Faaauau.
- Faaauau le fatuina o le Faitotoa. Faatumu avanoa o loo totoe i le fomu, ma kiliki le Fatu le Faitotoa. O se savali faatasi ma se sootaga o le maliega a matua e auina atu i le imeli a se matua.
- O le lau e sosoo ai o le a fesili atu mo le numera o le faatagaga a matua lea na auina atu i le imeli a le matua po o le tagata e vaaia faaletulafono le tamaitiiti. Ta i totonu le numera, ma kiliki le Auina Atu.
- Ta i totonu se numera mo le tesi po o se tuatusi imeli mo le toe maua mai o le faitotoa, nei te’i ua galo i lou alo ana faamatalaga e saini ai i totonu.
- Afai na e filifilia le toe maua mai o le faitotoa e ala i se numera mo le tesi, ta i totonu le numera lea na lafo atu i le telefoni ma kiliki le Auina Atu.
- Afai na e filifilia le imeli, tatala le imeli, ma kiliki le Faamaea le Lesitalaga.
- Saini e alu i totonu i le faitotoa o le FamilySearch e faamaea ai le lesitalaga.
E le taunuu mai le imeli faamaonia po o le tesi
Afai e le vave taunuu mai le faatagaga po o le imeli faamaonia po o le feau tusitusia, e teuina le faagasologa o lau faitotoa mo le 48 itula. I lena taimi, e mafai ona e faia se tasi o mea nei e tuuina mai ai le faatagaga:
- Saini e alu i totonu i lau faitotoa i le churchofjesuschrist.org, ma tuu atu le maliega mai lau faatulagaga o lau faitotoa (mo le Au Paia o Aso e Gata Ai).
- Siaki au feau tusitusia po o imeli mo se aso. Afai e leai se fesootaiga e oo mai pe a maea le aso e tasi, toe foi atu i le FamilySearch.org ma kiliki le Saini i Totonu. Ta i totonu lou igoafaaaoga ma le uputatala ma o le a fesoasoani le FamilySearch ia te oe e faamaea le fatuina o lau faitotoa.
Ua uma ona i ai se faitotoa a le tamaitiiti
Afai e te maua se tasi o savali o se mea sese o loo i lalo, atonu la ua uma ona i ai se faitotoa a le tamaitiiti:
- “Matou te talitonu ua uma ona i ai le faitotoa lenei.”
- “O le numera o le telefoni mo tesi lea na e taina i totonu ua uma ona faaaoga i se faitotoa.”
- “O lenei numera o le pepa faamaumau a le ekalesia ua uma ona faaaoga i se faitotoa.”
I le tulaga lenei, kiliki le Saini i totonu. Ona, afai ua galo i le tamaitiiti lona igoafaaaoga po o le uputatala, ia fai se mea se tasi po o mea uma nei e lua:
- Ina ia toe maua mai le igoafaaaoga, kiliki le Galo le Igoafaaaoga.
- Ina ia toe seti le uputatala, kiliki le Galo le Uputatala.
- Afai e i ai se faafitauli, o isi taimi e aoga le fesuiai i se isi polokalama ese o le palausa o le initoneti, e pei o le Chrome, Edge, Firefox, po o le Safari.
Tusiga e faatatau i ai
E faapefea ona ou talosaga i le FamilySearch ina ia toe lafo mai se imeli e faamaonia ai la’u itulau i le Upega Tafailagi o le FamilySearch?
E faapefea ona ou talosaga e toe lafo mai se numera faalilolilo o le faamaoniga e faaola ai la’u itulau o le FamilySearch?
E faapefea ona ou faia se itulau e faaaoga ai le churchofjesuschrist.org?