Ургийн модон дээрх давхардсан бүртгэлийг хэрхэн ID дугаараар нь нэгтгэх вэ?

Ургийн модон дахь давхардсан байж болох бүртгэх үйлдэл нь хувь хүний бүх давхардсан бүртгэлийн жагсаалтыг харуулахгүй байж болно. Хэрэв та жагсаалтад байхгүй давхардсан бүртгэлийн ID дугаарыг мэдэж байвал уг дугаарыг ашиглан бүртгэлүүдийг нэгтгэх боломжтой. 

Та эхлэхээсээ өмнө

Нэгтгэх гэж буй бүртгэлийнхээ ID дугаарыг олж ав. Хэрэв та бүртгэлүүдийг шилжүүлэх гэж байгаа бол тэдгээр нь хоёулаа нэг ижил модонд байх ёстой. Тодруулбал, хоёулаа нэг олон нийтийн модонд, эсвэл хоёулаа нэг хаалттай модонд, эсвэл хоёулаа нэг бүлгийн ургийн модонд байх ёстой.

Алхмууд (вэбсайт)

1. Та дээр байрлах цэсээс Ургийн мод дээр, дараа нь Мод дээр дар.
2. Шаардлагатай бол давхардсан бүртгэлүүд буй мод руу шилж.
3. Нэгтгэхийг хүсэж буй хүнээ хайж ол.
4. Уг хүний нэр дээр дар. Шинээр гарч ирсэн цонхны дэлгэрэнгүй дээрх хүний нэр дээр дахин дар. Та тэр хүний хуудас руу очно.
5. Дэлгэрэнгүй таб дээр дар.
6. ID дугаараар нэгтгэх дээр дар. Энэ нь хуудасны баруун талд байрлах Хэрэгсэл гэсэн хэсэгт бий. 
7. ID дугаарыг том үсгээр, зураастай нь бичиж оруул. 
8. Үргэлжлүүлэх гэдгийг дар. Нэгтгэх дэлгэц нь хөтөч дээрх шинэ цонхонд нээгддэг.
   
   • Зүүн тал: Энэ нь давхардсан байж болох бүртгэл юм. Бүртгэлүүдийг нэгтгэвэл энэ нь устана.
   • Баруун тал: Энэ нь таны анх нээсэн бүртгэл юм. Бүртгэлүүдийг нэгтгэвэл энэ нь хадгалагдан үлдэнэ.
9. Бүртгэлүүд нэг хүнийх эсэхийг шийд. 
   
   1. Зүүн, баруун талын бүртгэлүүдийг харьцуулж; нэр, огноо, газар, гэр бүлийн гишүүд ижил байгаа эсэхийг шалга. 
   2. Дэлгэцэн дээрх бүх анхааруулах зурвасыг унш.  
   3. Зүүн талын бүртгэл алдаагүй үнэн зөв байвал тухайн хүний хуудаснаас нэгтгэх явцыг дахин эхлүүл. Улмаар уг бүртгэл хадгалагдах болно. 
   4. Бүртгэлүүд өөр хүмүүсийнх бол Нэг хүн биш дээр дар. Бүртгэлүүд нэг хүнийх бол Тийм, үргэлжлүүлэх дээр дар. Баттай мэдэхгүй байвал Цуцлах дээр дарна. 
10. Хадгалж үлдэх бүртгэл дэх ногоон дэвсгэртэй бүх мэдээллийг хяна. Нэгтгэж дуусах үед тэдгээр тодруулсан мэдээлэл хадгалж үлдэх бүртгэл рүү хуулагдах болно. Хэрэв уг мэдээлэл хадгалж үлдэх бүртгэлд шаардлагагүй бол Буцаах дээр дар.
11. Үргэлжлүүлэх дээр дар. 
12. Нэгтгэж дуусахдаа: 
    
    1. Хадгалж үлдэх бүртгэлийг дахин хар. 
    2. Бүх мэдээлэл зөв байвал Нэгтгэж дуусах дээр дар. 
    3. Эдгээр бүртгэлийг яагаад нэгтгэсэн тухайгаа тайлбарлахдаа санал болгосон шалтгаануудаас нэгийг сонго, эсвэл өөрөө бичиж оруул.
13. Хадгалах дээр дар.  

Нэгтгэсний яг дараахан богино хугацаанд “буцаах” үйлдлийг хийх боломжтой байдаг. Уг үйлдлийг хийснээр хоёр бүртгэлийг хялбархан салгаж болно.                   

Алхмууд (мобайл аппликэйшн)

1. Family Tree мобайл аппликэйшн дээр давхардсан бүртгэлийн аль нэгийнх нь хувь хүний хуудсыг гарга.
2. Шаардлагатай бол давхардсан бүртгэлүүд буй мод руу шилж.
3. Баруун дээд буланд байгаа гурван цэг дээр товш. 
4. Давхардсан байх магадлалтай дээр товш.
   
5. ID-аар нь нэгтгэх дээр товш. 
6. ID дугаарыг том үсгээр, зураастай нь оруулаад, Цааш дээр товшино. 
7. Нэгтгэснийг үзэх дээр товш. 
8. Анхааруулгыг уншаад, Үргэлжлүүлэн нэгтгэх дээр товш. Нэгтгэх дэлгэц гарч ирнэ.  
   
   • Зүүн тал: Энэ нь давхардсан байж болох бүртгэл юм. Бүртгэлүүдийг нэгтгэвэл энэ нь устана. 
   • Баруун тал: Энэ нь таны анх нээсэн бүртгэл юм. Бүртгэлүүдийг нэгтгэвэл энэ нь хадгалагдан үлдэнэ. 
9. Бүртгэлүүд нэг хүнийх эсэхийг шийд. 
   
   • Зүүн, баруун талын бүртгэлүүдийг харьцуулж; нэр, огноо, газар, гэр бүлийн гишүүд ижил байгаа эсэхийг шалга. 
   • Зүүн талын бүртгэл алдаагүй үнэн зөв байвал хадгалж үлдэхийн тулд Солбих дээр дар. 
10. Устгах гэж буй бүртгэлээс тухайн хүний ямар нэгэн мэдээллийг хадгалж үлдэх эсэхээ шийд. 
    
    • Зүүн талд байгаа мэдээллийг баруун тал руу зөөхийн тулд Солих дээр дар. 
    • Зүүн талд байгаа мэдээллийг баруун талд нэмэхийн тулд Нэмэх дээр дар. 
    • Зөвлөмж: Зүүн талын бүртгэлд давхардсан эцэг эх, эхнэр/нөхөр, хүүхдүүд байвал тэдгээрийг хадгалж үлдэх бүртгэл рүү нэмээрэй. Та эдгээр давхардсан бүртгэлийг дараа нь нэгтгэж болно. 
11. Та дуусах үедээ хуудсыг доош гүйлгэн, Үргэлжлүүлэн нэгтгэх дээр товш. 
12. Та эдгээр бүртгэлийг яагаад нэгтгэснээ тайлбарлан оруулна уу. 
13. Нэгтгэх дээр товш.

Тайлбар: Аппын iOS хувилбарт Солбих эсвэл Нэмэх үйлдлийн оронд зөвхөн Мэдээллийг солих гэсэн үйлдэл бий.

Алхмууд (Family Tree Lite)

Одоогоор Family Tree Lite-д нэгтгэх үйлдэл байхгүй. FamilySearch вэбсайт эсвэл Family Tree мобайл аппликэйшнд нэвтэрч нэгтгэх явцыг үргэлжлүүлнэ.   

Санал болгох дараагийн алхмууд

1. Хадгалж үлдэх бүртгэлээс ташаа эх сурвалж, дурсамжуудыг хас. 
2. Тухайн хүний гэр бүлийн гишүүдийн мэдээлэл давхардсан эсэхийг нягтал.

Холбоотой нийтлэл

Ургийн модон дээрх давхардсан бүртгэлүүдийг хэрхэн нэгтгэх вэ?
Нас барсан хүнийг Ургийн модноос хэрхэн олох вэ?
Ургийн модонд байгаа хоёр бүртгэл нэг хүнийх эсэхийг хэрхэн шийдэх вэ?
Ургийн модонд нэгтгэснээ хэрхэн салгах вэ?