Гэр бүлийн модон дахь давхардсан байж болох бүртгэлүүдийг хэрхэн нэгтгэх вэ?

Гэр бүлийн модонд тухайн хүний нэгээс олон бүртгэл байвал давхардсан бүртгэл үүсдэг. Хэрэв Гэр бүлийн мод давхардсан байж болох бүртгэлийг олбол тухайн хүний Судалгааны тусламж хэсэг дэх нэр, ID дугаарт нь улаан анхаарлын тэмдэг тавьдаг. 
        
Та давхардсан байж болох бүртгэлүүдийг шалгаж, нэг хүнийх эсэхийг шийдэж болно. 

• Уг бүртгэлүүд нэг хүнийх бол нэгтгэхийн тулд доорх алхмуудыг дагана уу. 
• Уг бүртгэлүүд өөр өөр хүнийх бол тэдгээрийг “нэг хүн биш” гэж тэмдэглэ.
• Баттай мэдэхгүй байвал нэгтгэх хэрэггүй бөгөөд дараах үйлдлээс аль нэгийг нь хийнэ үү. 
  
  • Давхардсан байж болох бүртгэлүүдийг нэгтгэхээ цуцал, ингэснээр бусад хэрэглэгч үүнийг үзээд хянах боломжтой юм. 
  • Давхардсан байж болох уг бүртгэлийг бусад хэрэглэгчид харуулмааргүй байвал тухайн бүртгэлийг “нэг хүн биш” гэж тэмдэглэ. 

Алхмууд (вэбсайт)

1. Гэр бүлийн модон дээр тухайн хүний Хувь хүн хуудсыг гарга.  
2. Хэрэв дэлгэрэнгүй гэсэн хэсэг нээгдээгүй байвал Дэлгэрэнгүй дээр дар. 
3. Судалгааны тусламж хэсэг дэх Давхардсан байж болох тухай зурвас дээр дар. 
4. Нэгтгэснийг харах дээр дар. Нэгтгэх дэлгэц нь хөтөч дээрх шинэ цонхон дотор нээгддэг. 
   
   • Зүүн тал: Энэ нь давхардсан байж болох бүртгэл бөгөөд бүртгэлүүдийг нэгтгэвэл устана. 
   • Баруун тал: Энэ нь таны анх нээсэн бүртгэл бөгөөд бүртгэлүүдийг нэгтгэвэл хадгалагдан үлддэг. 
5. Бүртгэлүүд нэг хүнийх эсэхийг шийд. 
   
   1. Зүүн, баруун талын бүртгэлүүдийг харьцуулж; нэр, огноо, газар, гэр бүлийн гишүүд ижил байгаа эсэхийг шалга. 
   2. Дэлгэцэн дээрх бүх анхааруулах зурвасыг унш.  
   3. Зүүн талд байгаа бүртгэл хамгийн үнэн зөв байвал хадгалж үлдэхийн тулд Солбих дээр дар. 
   4. Бүртгэлүүд өөр хүмүүсийнх бол Нэг хүн биш дээр дар. Бүртгэлүүд нэг хүнийх бол Тийм, үргэлжлүүлэх дээр дар. Баттай мэдэхгүй байвал Цуцлах дээр дарна. 
6. Ямар мэдээллийг авч үлдэхээ шийд. Зүүн талд байгаа бүх мэдээлэл автоматаар баруун талын бүртгэл рүү шилждэг.  
   
   • Мэдээлэл бүрийн оруулсан хүн, оруулсан огноо, шалтгааны тайлбаруудыг харьцуулахын тулд доош заасан сум дээр дарна. 
   • Мэдээллийг буцаагаад баруун тал руу зөөхийн тулд Буцаах дээр дар. Мэдээлэл давхардсан байж болох бүртгэл рүү буцаж орох бөгөөд хадгалагдахгүй. 
   • Баруун талд байгаа мэдээллийг зүүн талд байгаагаар солихын тулд Солих дээр дар. Жишээлбэл, давхардсан байж болох бүртгэлээс амьдралын зураглал эсвэл шалтгааны тайлбарыг хадгалж үлдэх бол үүнийг гүйцэтгэнэ.  
   • Зүүн талын бүртгэлд байгаа ч баруун талын бүртгэлд байхгүй мэдээллийг хадгалах бол Нэмэх дээр дараад, 
7. Үргэлжлүүлэх гэдгийг дар. 
8. Нэгтгэж дуусгахдаа: 
   
   1. Хадгалж үлдэх бүртгэлийг дахин хар. 
   2. Бүх мэдээлэл зөв байвал Нэгтгэж дуусах дээр дар. Ямар нэгэн зүйл буруу байвал Буцах дээр дарж, өмнөх дэлгэцэн дээр засаж залруулна. 
   3. Та эдгээр бүртгэлийг яагаад нэгтгэснээ тайлбарлан оруулаад, 
   4. Хадгалах дээр дар.  

            Нэгтгэсний яг дараахан богинохон хугацаанд “буцаах” үйлдлийг хийх боломжтой байдаг. Уг үйлдлийг хийснээр хоёр бүртгэлийг хялбархан салгаж болно. 

Алхмууд (гар утасны аппликэйшн)

1. Гэр бүлийн мод гар утасны апп дээр Хувь хүн хуудсыг нээнэ. 
2. Баруун дээд өнцөгт байгаа гурван цэг дээр товш. Дараа нь Давхардсан байж болох бүртгэл дээр товшино.  
3. Давхардсан байж болох бүртгэлийн жагсаалт гарч ирэхэд аль нэг дээр нь товш. 
4. Нэгтгэснийг үзэх дээр товш.  
5. Анхааруулгыг уншаад, Үргэлжлүүлэн нэгтгэх дээр товш. Нэгтгэх дэлгэц гарч ирнэ.  
   
   • Зүүн тал: Энэ нь давхардсан байж болох бүртгэл бөгөөд бүртгэлүүдийг нэгтгэвэл устана. 
   • Баруун тал: Энэ нь таны анх нээсэн бүртгэл бөгөөд бүртгэлүүдийг нэгтгэвэл хадгалагдан үлддэг. 
6. Бүртгэлүүд нэг хүнийх эсэхийг шийд. 
   
   • Зүүн, баруун талын бүртгэлүүдийг харьцуулж, нэр, огноо, газар, гэр бүлийн гишүүд ижил байгаа эсэхийг шалга. 
   • Зүүн талд байгаа бүртгэл хамгийн үнэн зөв байвал хадгалж үлдэхийн тулд Солбих дээр дар. 
7. Устгах гэж буй бүртгэлээс тухайн хүний ямар нэгэн мэдээллийг хадгалж үлдэх эсэхээ шийд. 
   
   1. Зүүн талд байгаа мэдээллийг баруун тал руу зөөхийн тулд Солих дээр дар. 
   2. Зүүн талд байгаа мэдээллийг баруун талд нэмэхийн тулд Нэмэх дээр дар. 
   • Зөвлөмж: Зүүн талын бүртгэлд давхардсан эцэг эх, эхнэр/нөхөр, хүүхдүүд байвал тэдгээрийг хадгалж үлдэх бүртгэл рүү нэмээрэй. Та тэдгээрийг дараа нь нэгтгэж болно. 
8. Та дуусах үедээ хуудсыг доош гүйлгэн, Үргэлжлүүлэн нэгтгэх дээр товш.  
9. Та эдгээр бүртгэлийг яагаад нэгтгэснээ тайлбарлан оруулаад, 
10. Нэгтгэх дээр товш.

Тайлбар: Аппын iOS хувилбарт Солих эсвэл Нэмэх үйлдлийн оронд зөвхөн Мэдээллийг солбих гэсэн үйлдэл бий.

Алхмууд (Family Tree Lite)

Одоогоор Family Tree Lite хувилбар нь давхардсан байж болох бүртгэлүүдийг зөвхөн харуулдаг бөгөөд нэгтгэх боломжгүй. 

Санал болгох дараагийн алхмууд

1. Хэрэв та хэд хэдэн цонх нээсэн бол нэгтгэлийн үр дүнг харахын тулд браузерын дэлгэцээ шинэчлэх шаардлагатай байж магадгүй. 
2. Хадгалж үлдээх бүртгэлээс буруу эх сурвалж, дурсамжуудыг хас. 
3. Тухайн хүний гэр бүлийн гишүүдийн мэдээлэл давхардсан эсэхийг нягтал.  

Холбоотой нийтлэлүүд

Гэр бүлийн модон дээрх давхардсан бүртгэлүүдийг нэгтгэх үйлдэл яагаад амжилтгүй болдог вэ?
Гэр бүлийн модонд байгаа хоёр бүртгэл нэг хүнийх эсэхийг хэрхэн шийдэх вэ?
Гэр бүлийн модонд нэгтгэснээ хэрхэн салгах вэ?
Гэр бүлийн модон дээрх давхардсан бүртгэлүүдийг ID дугаараар нь хэрхэн нэгтгэх вэ?