Ургийн модонд нэгтгэснээ хэрхэн салгах вэ?

FamilySearch нь бусдын оролцоо ихтэй учраас зарим хэрэглэгч хоёр өөр хүний профайлыг нэг болгон андуурч нэгтгэдэг. Буруу нэгтгэл нь гэр бүлийн холбоосонд олон асуудал үүсгэх талтай. Эдгээрийг засах хамгийн сайн арга бол нэгтгэлийг салгах юм.

Хэрэв та FamilySearch вэбсайтаар нэгтгэлийг салгасан бол нэгтгэх дүн шинжилгээний хэрэгслийг ашиглан профайлуудыг нэгтгэхийн өмнөх болон дараах үеийг харьцуулж болно. Нэгтгэх дүн шинжилгээ нь ургийн модны утасны аппликэйшн дээр байхгүй.

Нэгтгэлийг салгахаас өмнө хоёр профайл нь өөр хүмүүсийнх эсэхийг нягтлаарай.

• Зөвхөн нэрэнд бүү найдаарай. Нэг гэр бүлд адилхан нэртэй хүмүүс байдаг.
• Төрөлт, нас баралт, амьдралын бусад үйл явдлаас ялгаатай зүйлсийг хайж ол.
• Эх сурвалжаас ойлгомжгүй, ялгаатай зүйлсийг судал.
• Хамаатнуудынх нь нэр, үйл явдлын тухай мэдээллийг харьцуул. Насны ялгаа эсвэл бусад ойлгомжгүй зүйлсийг олж хар.

Алхмууд (вэбсайт)

1. Та дээр байрлах цэсээс Ургийн мод дээр, дараа нь Мод дээр дар.
2. Нэгтгэлийг нь салгамаар байгаа хүнээ ол.
3. Уг хүний нэр дээр дар.
4. Хажуугийн хуудасны Хувь хүн дээр дар.
5. Дэлгэрэнгүй таб дээр дар.
6. Сүүлийн үеийн өөрчлөлтүүд гэсэн нүдийг ол.
7. Бүгдийг харуулах дээр дар.
8. Хамгийн зүүн талын баганыг гүйлгэн хараад "Нэгтгэх" гэсэн нэртэй өөрчлөлтийг ол. Хэрвээ жагсаалт урт байвал Шүүлтүүр дээр дараад Нэгтгэх-ийг сонго.
9. Нэгтгэх дүн шинжилгээ дээр дарна уу.
10. Эхний хоёр багана дахь мэдээллийг харьцуулж, профайлууд нь нэг хүний тухай байна уу, өөр өөр хүмүүсийн тухай байна уу гэдгийг тодорхойл.
11. Зүүн дээд булан руу хар. Нэгтгэлийг салгах товч идэвхтэй байгаа бол нэгтгэсэн профайл нь нэгтгэл хийгдсэнээс хойш өөрчлөгдөөгүй гэсэн үг. Эдгээр алхмыг дагаарай:
    
    1. Нэгтгэл салгах дээр дар.
    2. Нээгдэх хэсэгт яагаад нэгтгэснийг салгаж байгаа гэдгийг тайлбарласан шалтгааны мэдэгдэл оруулаарай.
    3. Шаардлагатай бол энэ хүмүүсийг тохироогүй гэж тэмдэглэ. Ихэнх тохиолдолд энэ нэгтгэлийг дахин андуурагдахаас сэргийлж энэ сонголтыг нээлттэй үлдээх хэрэгтэй.
    4. Оруулах дээр дарна.
12. Нэгтгэлийг салгах товчлуур идэвхгүй бол энэ нь нэгтгэсний дараа профайл өөрчлөгдсөн гэсэн үг. Профайл бүр зөв мэдээлэлтэй байгаа эсэхийг баталгаажуулахын тулд дараах алхмуудыг хийнэ үү:
    
    1. Эхний багана дахь "Нэгтгэхээс өмнө устгасан хүн”-ий нэрийг дарна уу.
    2. Хувь хүн дээр дар.
    3. Хувь хүнийг сэргээх дээр дар.
    4. Учир шалтгааны тайлбарыг оруул.
    5. Сэргээх дээр дар.
    6. Хоёр бүртгэлийн аль алийг нь нягтал. Бүртгэл бүр дээрх мэдээлэл зөв эсэхийг нягтал. Зарим тохиолдолд та мэдээллийг нэг бүртгэлээс устгаж, нөгөө дээр нь нэмэх шаардлага гарна.

Алхмууд (мобайл аппликэйшн)

1. Нэгтгэгдсэн хүн дээр оч.
2. Баруун дээд талын 3 цэг дээр дар. 
3. Андройд: Сүүлийн өөрчлөлтүүд дээр товш. Apple iOS: Бусад гэдгийг сонгоод, Сүүлийн өөрчлөлтүүд дээр товш.
4. Ногоон (iOS) эсвэл цэнхэр (Android) өнгөөр зурсан өөрчлөлтийг хай. Өөрчлөлтийн дээд хэсэг дэх "Нэгтгэх" гэдэг үгийг анхаар.
5. Нэгтгэснийг салгах дээр товш. Хэрвээ та нэгтгэснийг салгаж чадахгүй бол Нэгтгэснийг салгах товч харагдахгүй.
6. Яагаад гэдгээ тайлбарлаад, Нэгтгэснийг салгах дээр товш.
7. Товч бор өнгөтэй болж “Нэгтгэснийг салгах” гэсэн бичигтэй болно. Сэргээгдсэн бүртгэлийн мэдээллийг үзэхийн тулд Сэргээгдсэн хүний доорх нэр дээр дарна.

Алхмууд (Хялбарчилсан Ургийн мод)

Хялбарчилсан Ургийн мод хувилбар нь буруу нэгтгэснийг шийдэх боломжийг хараахан олгоогүй байгаа.

Холбоотой нийтлэлүүд

Давхардсан бүртгэлүүд нь Ургийн модонд байхгүй байгааг би хэрхэн харуулах вэ?
Би Ургийн модон дахь хэд хэдэн хүний мэдээллээс нэгтгэсэн бүртгэлийг хэрхэн засах вэ?