Хэрэглэгчийг FamilySearch.org вэбсайтад нэвтрэх үед 2 долоо хоногийн турш нэвтэрсэн хэвээр байх сонголтыг олгодог чагтлах нүд байдаг байсан. Бид энэхүү чагтлах нүд нь хэрэглэгчдийг үргэлжлүүлэн нэвтэрсэн хэвээр байх боломжийг олгохгүй байна гэх олон саналыг хүлээн авсан. Сүүлийн үеийн шинэчлэлүүд нь хэрэглэгчдэд FamilySearch.org-д илүү хялбар нэвтрэх боломжийг олгож байгаа бөгөөд Нэвтэрсэн хэвээр байх сонголт нь аюулгүй байдлын хувьд өндөр эрсдэлтэй гэж үзэн уг чагтлах нүдийг арилгасан.
Хэрэглэгчид FamilySearch.org-д нэвтрэн тухайн сайтыг идэвхтэй ашиглаж байгаа тохиолдолд хэсэг хугацаанд нэвтэрсэн хэвээр байх болно. FamilySearch-д нэвтрэх бүртээ итгэмжлэлээ дахин оруулахгүй байх сонголтыг олгодог хэрэглэгчдийн хувьд хурдан бөгөөд хялбар нэвтрэх хэд хэдэн хувилбар байдаг.
Гуравдагч эх сурвалжаар нэвтрэх боломжууд
Энэ оны эхээр FamilySearch.org-д нэмэгдсэн нэг функц болох Facebook, Google, Apple-аар дамжуулан нэвтрэх боломжтой. Эдгээр сонголт нь нэвтрэх хуудасны дээд талд харагдана.
Есүс Христийн Хожмын Үеийн Гэгээнтнүүдийн Сүмийн гишүүд Сүмийн бүртгэлээр нэвтрэх сонголтыг даран Сүмийн бүртгэл дэх хэрэглэгчийн нэр болон нууц үгээ ашиглан FamilySearch-д нэвтрэх боломжтой.
Нууц үг зохицуулах хэсгийг ашиглах
Өөр нэг сонголт бол та FamilySearch.org-д зочлох бүртээ өөрийн хөтөч дэх нууц үг зохицуулах хэсэгт автоматаар тус вэбсайт руу нэвтрэх тохируулга хийх явдал юм.
Хэрэв та FamilySearch-д нууц үг зохицуулах хэсгийг хэрхэн идэвхжүүлэхээ мэдэхгүй байгаа бол хүссэн хайлтын системд нэвтрээд “[Хөтчийн нэрийг бичнэ]-д хэрэглэгчийн нэр, нууц үг сануулах” гэх мэт хайлтыг хийнэ.
Чагтлах нүд байхгүй ч асуудал үгүй
Та ажил болоод хувийн амьдрал дээрээ 1, 5 эсвэл 100 хэрэглэгчийн нэртэй байсан ч эдгээрийг санахад хялбар байдаггүй. FamilySearch энэ асуудлыг ойлгодог. (Иймд бид анхлан нэвтэрсэн хэвээр байх чагтлах нүдний сонголтыг санал болгож байсан.)
Хэдий одоо энэхүү сонголтыг ашиглах боломжгүй болсон ч бид та бүхнийг дээр дурдсан сонголтуудын аль нэгийг ашиглахад урамшуулж байна. Эдгээр нь ижилхэн зарим асуудлыг шийдэхэд тусалж чадах бөгөөд одоо эдгээрийг хэрхэн шийдэхэд суралцах нь төстэй сонголтууд бүхий бусад вэбсайтыг ашиглахад тусалж болох юм.
Санал хүсэлтээ өгөх нь
Бид үргэлж FamilySearch вэбсайтыг сайжруулах арга замуудын талаарх санал хүсэлт хүлээн авахдаа таатай байдаг бөгөөд та бүхнийг эдгээр хүсэлтээ хуваалцана хэмээн найдаж байна. Бидэнтэй олон арга замаар холбогдож болно:
- Дэлгэцийн аль нэг хэсэгт харагдах Саналаа хэлэх товч (FamilySearch.org-ийн зарим хуудсанд харагдана) нь тухайн цаг үед ашиглаж байгаа тодорхой хэрэгслийнхээ талаарх саналаа хялбархан өгөх боломж олгодог.
- Санал хүсэлтээ хэлж эсвэл гэмтсэн ямар нэг зүйлийн талаар мэдээлэхийн тулд FamilySearch Community-д зочилно уу.
- Family Tree гар утасны апп дээр гурван зураастай шигтгээ зурган дээр товшино. Дараа нь Тусламж, Бидэнтэй холбоо барих, Апп-ийн тухай саналаа хэлэх гэсэн хэсгүүд рүү орно.
Таны санал хүсэлтийг сонсохыг бид тэсэн ядан хүлээж байна.
FamilySearch дээр бид таныг гэр бүлтэй чинь холбож, хөгжилтэй танин мэдэхүй болон гэр бүлийн түүхийн үйлчилгээг санал болгодог. Яагаад? Учир нь бид гэр бүлүүдийг нандигнаж, үе удмуудыг хооронд нь холбох нь бидний амьдралыг одоо болон үүрд сайжруулдаг гэдэгт итгэдэг. Бид Есүс Христийн Хожмын Үеийн Гэгээнтнүүдийн Сүмээс санхүүждэг ашгийн бус байгууллага юм. Бидний итгэдэг зүйлсийн талаар дэлгэрэнгүй мэдэхийг хүсвэл энд дарна уу.
Холбоотой нийтлэлүүд
