Та эмээгээ хэр сайн мэддэг вэ? Таны эмээ танаас хол эсвэл танай гэр бүлтэй хамт амьдардаг байж болох ч таны амьдралд онцгой үүрэг гүйцэтгэдэг. Эмээгийн тань амьдралын түүхүүд эмээгээ, гэр бүлээ мөн өөрийгөө илүү сайн ойлгоход танд туслах болно.
Одоо ялангуяа таны эмээ нар амьд бол үүнийг эхлүүлэх хамгийн тохиромжтой цаг. Тэдний талаар мэдэх хамгийн сайн арга бол тэднээс асуулт асуух явдал юм. Тэдний тухай дурсамжийг хадгалж, нас барсны дараа ч тэдэнтэй холбоо тогтоохын тулд Хариултыг нь бичлэг хийж эсвэл бичиж тэмдэглэж ав. Хэрэв таны эмээ нас барсан бол тэдний тухай дурсамжийг хуваалцахыг гэр бүлийнхнээсээ хүс.
Эмээдээ тавих асуултууд
Та эмээгээсээ өнгөрсөн үеийнх нь талаар ямар ямар асуулт асууж болох вэ? Эмээтэйгээ яриа өрнүүлж, түүний тухай илүү ихийг мэдэж авахын тулд эдгээр асуултыг ашигла.
- Таны хамгийн жаргалтай дурсамж юу вэ?
- Таны хуваалцахыг хүсэж буй харамсдаг зүйл юу байна вэ?
- Та хэзээ, хаана төрсөн бэ?
- Таны нэрийг эцэг эх тань хэрхэн сонгосон бэ? Танд өхөөрдөж өгсөн хоч нэр бий юү?
- Таны хүүхэд нас ямар байсан бэ?
- Таныг бага байхад танай гэр бүлийнхэн хамтдаа юу хийдэг байсан бэ?
- Та ямар сургуульд сурч байсан бэ?
- Та ямар ямар хичээлд дуртай байсан бэ? Таны дуртай багш хэн хэн байсан бэ?
- Бага байхдаа ямар гэр оронд амьдарч байсан бэ? Та их нүүж явсан уу?
- Та хүүхэд байхдаа хөгжилдөхийн тулд юу хийдэг байсан бэ?
- Та ямар нэг хэрэг төвөгт орж байсан уу?
- Та ээжээсээ эсвэл гэрийнхээ бусад эмэгтэйгээс юу сурсан бэ?
- Та эцэг эх, эмээ өвөө, ах, эгч, дүү нарынхаа талаар юу санадаг вэ? Тэднийг хэн хэн гэдэг байсан бэ?
- Дэлхий дахины түүхэнд болсон ямар үйл явдлыг та илүү сайн санаж байгаа вэ? Тэрхүү үйл явдал таны амьдралыг хэрхэн өөрчилсөн бэ? (Томоохон дайн, КОВИД-ийн цар тахал, бусад үйл явдлыг дурдаж болно.)
- Та өвөөтэй хэрхэн танилцсан бэ? Өвөө танд гэрлэх саналыг хэрхэн тавьсан бэ?
- Өвөө та хоёрын хоорондын харилцаа ямар байсан бэ? Та яагаад түүнийг сонгосон бэ?
- Та хуримынхаа талаар ярьж өгнө үү? Та хэзээ, хаана гэрлэсэн бэ?
- Таны амьдралд юу өөрчлөгдсөн бэ? Амьдралын тань туршид ямар нээлт танд том өөрчлөлт авчирсан бэ?
- Амьдралын тань туршид эмэгтэйчүүдийн үүрэг хэрхэн өөрчлөгдсөн бэ?
- Та хаана амьдардаг байсан бэ? Таны анхны гэр ямар байсан бэ?
- Хүүхдүүдтэй болсны дараа таны амьдрал хэрхэн өөрчлөгдсөн бэ?
- Жирэмсэн байх ямар байсан бэ?
- Хүүхдүүдтэйгээ хамт өнгөрүүлсэн дурсамжаасаа ярьж өгнө үү?
- Та хаана ажиллаж байсан бэ? Ямар ямар ажил хийдэг байсан бэ?
- Шашин шүтлэг, итгэл үнэмшил тань таны амьдралд ямар нөлөөтэй байсан бэ?
- Таны амьдралд тохиолдсон хамгийн хүнд зүйл юу байсан бэ? Та ийм хэцүү үеэ хэрхэн даван туулсан бэ?
- Таны дуртай баярын дурсамж, уламжлал юу вэ?
- Та ямар аялал, амралтаа санадаг вэ? Аль нь танд илүү таалагддаг байсан бэ?
- Таны амьдралын юу нь гайхшируулам бэ?
- Та хүүхдүүд, ач зээ нараасаа юуг хүсэн хүлээж байна вэ? Тэдэнд юу гэж зөвлөж хэлэх вэ?
- Та спорт, үйлчлэл, хөгжим, урлаг гэх мэт ямар төрлийн үйл ажиллагаа, байгууллагад оролцдог байсан бэ?
- Та ямар хувцас өмсдөг байсан бэ? Та загварын хувцас сонирхдог байсан уу?
- Үйлчилж буй, үйлчлэл хүлээн авч буй хүний хувиар үйлчлэл амьдралд тань хэрхэн нөлөөлсөн бэ?
Эмээдээ тавих хүүхдүүдийн асуулт
Асуулт тавих нь хүүхдийг өвөө, эмээгээ мэддэг болж, утга учиртай дурсамж бүтээхэд тусална. Нийтлэг сэдвийг олох нь ялангуяа бага насны хүүхэд, арай том өсвөр үеийнхэнд сонирхолтой байж болох юм.
- Хэн хэн таны найз байсан бэ? Та тэр найз нартайгаа юу хийх дуртай байсан бэ?
- Та өсөж том болоод ямар хүн болно гэж хүсдэг байсан бэ? Та энэ хүсэл мөрөөдөлдөө хүрсэн үү?
- Аав, ээж маань хүүхэд байхдаа ямар байсан бэ?
- Хүүхэд байхад танд дуртай тоглоом байсан уу?
- Таны дуртай зүйл юу вэ (өнгө, ном, амьтан гэх мэт)?
- Та цагийг хөгжилтэй өнгөрөөхийн тулд юу хийдэг вэ?
- Та надад ямар ур чадвар зааж чадах вэ?
Та эмээтэйгээ хэрхэн ярилцдаг вэ?
Эмээгийнхээ түүхийг бичлэг хийж хадгалж авах нь түүнийг нас барсны дараа ч гэсэн өөртөө, гэр бүлдээ түүний дурсамжийг тодоор авч үлдэх боломж олгодог. Асуухыг хүсэж байгаа асуултуудынхаа жагсаалтыг бэлдэж эхэл (дээрхтэй адил). Эмээтэйгээ ярилцаж байхдаа түүний хэлсэн үгийг санаж байх арга замыг ол. Энд хэд хэдэн санааг дурдав.
- Түүх, чухал гэсэн дурсамжаа бичиж авахын тулд утсан дээрээ видео эсвэл аудио тэмдэглэл хий.
- Эмээгийнхээ түүхийг сонсож байхдаа бичиж тэмдэглэж ав.
- Гар утсан дээрээ аудио бичлэг хийж, хадгалахын тулд үнэгүй FamilySearch Memories аппликэйшнийг ашигла. Та нэмж оруулсан дурсамжаа гэр бүлийнхэнтэйгээ хуваалцаж болно. Гэхдээ мөн FamilySearch.org дээр Дурсамжийг нууц болгох боломжтой.
Эмээгийнхээ түүхийг бичиж аваад, аюулгүй хадгал. Дижитал хуулбарыг хийн, хадгалж авах нь эдгээр нандин мөчийг санамсаргүй байдлаар, байгалийн гамшиг, технологийн өөрчлөлтөөс болж алдахаас хамгаалах болно.
Та тэмдэглэл, бичлэгээ Үүлэнд хадгалахаас гадна FamilySearch Дурсамжид хадгалж болно. Дурсамж аппликэйшн нь танд болон танай гэр бүлд хамгийн чухал гэсэн дурсамжаа хадгалж, бусадтай хуваалцахад хялбар болгодог.
Холбоотой нийтлэл
FamilySearch дээр бид таныг гэр бүлтэй чинь холбож, хөгжилтэй танин мэдэхүй болон гэр бүлийн түүхийн үйлчилгээг санал болгодог. Яагаад? Учир нь бид гэр бүлүүдийг нандигнаж, үе удмуудыг хооронд нь холбох нь бидний амьдралыг одоо болон үүрд сайжруулдаг гэдэгт итгэдэг. Бид Есүс Христийн Хожмын Үеийн Гэгээнтнүүдийн Сүмээс санхүүждэг ашгийн бус байгууллага юм. Бидний итгэдэг зүйлсийн талаар дэлгэрэнгүй мэдэхийг хүсвэл энд дарна уу.
