Өвөө, эмээтэйгээ хамт байх цаг мөч үнэ цэнтэй мөн агшин зуурт өнгөрдөг. Өвөө, эмээтэйгээ ярилцах нь тэдэнтэй хамт дурсамж бүтээн, сайн таньж мэдэн, хамт байх цагаа илүү үр дүнтэй өнгөрүүлэх гайхалтай арга зам юм. Өвөө, эмээгээсээ асууж болох ямар оновчтой асуултууд байж болох вэ? Мөн тэдэнтэй ярилцлагыг хэрхэн өрнүүлэх вэ?
Өвөө, эмээтэйгээ хэрхэн ярилцлага өрнүүлэх вэ?
Өвөө, эмээтэйгээ ярилцлага өрнүүлэхийн тулд асуултуудыг урьдчилан бэлд. Тэднээс амьдрал, хүүхэд ахуй, гэр бүл, дурсамжийнх нь талаар асуух нь тэднийг илүү сайн таньж мэдэн, тэдэнтэй гүн гүнзгий ярилцах гайхалтай арга зам болдог. Тийм эсвэл үгүй гэсэн асуултуудаас зайлсхий. Үүний оронд өвөө, эмээгээсээ амьдралынхаа дурсамжийг хуваалцахад нь урамшуулах асуултуудад анхаарлаа хандуулаарай.
Тэднийг өнгөрсний дараа түүхийг нь хадгалж үлдэхийн тулд харилцан яриагаа аудио/видео хэлбэрээр бичиж аваарай. Та видео бичлэг хийх, утсан дээрээ дуу хураагуур ашиглах, өвөө эмээ нарынхаа хариултуудыг бичиж авах, эсвэл гэр бүлийнхээ гишүүдтэй ярилцсан яриагаа хадгалж мөн хуваалцахыг илүү хялбар болгодог FamilySearch Memories гэх мэт аппликэйшныг ашиглаж болно.
Анхаарах зарим зөвлөмж:
- Өвөө, эмээтэйгээ ярилцлага өрнүүлэх нам гүм, тайван орчныг бүрдүүл. Ингэснээр бичлэг илүү чанартай болж, анхаарал сарниулах зүйлгүй хялбар ярилцаж чадна.
- Уулзахаасаа өмнө бичлэг хийж, дурсамжуудыг хадгалах дадлага хий.
- Хэрэв та бичлэг хийхийн оронд тэмдэглэл хийхээр сонговол энэхүү үнэлж баршгүй харилцан яриагаа алдахгүйн тулд дижитал хэлбэрээр хадгалах арга замыг ол.
- Хэрэв өвөө, эмээ тань зөнөх өвчтэй бол хүндэтгэлтэй байж мөн тэвчээртэй хандахад онцгой анхаараарай.
Өвөө, эмээгээ таньж мэдэх асуултууд
Хэрэв та өвөө, эмээгээ илүү сайн таньж мэдэхийг хүсвэл яриа өрнүүлж, тэдний амьдралынх нь өөр өөр талыг санахад нь туслах нээлттэй асуултуудыг асуу. Уулзахаасаа өмнө жагсаалт бэлтгэж, зарим асуултыг хуваалцах нь тэдэнтэй хамт байх цагаа үр ашигтай өнгөрүүлэхэд тань тусална.
Жич: Гэр бүл бүхэн адилгүй ба эдгээр асуулт гэр бүлийн бүх нөхцөл байдалд тохирохгүй.
Ямар нэг асуулт танд тохиромжгүй бол өөрийнхөө нөхцөл байдалд тохируулан асуултыг өөрчлөх талаар бодож үзээрэй. Жишээ нь, уг асуулт таныг эцэг эхийн хувьд туршлагаас тань асуусан бол та хүүхэдгүй байсан ч хамаатныхаа, эсвэл амьдарч байгаа газрын хүүхдүүдтэй хэрхэн харилцдаг талаараа бодоорой. Ямархуу үйл явдал болж өнгөрсөн бэ? Та өөрөөсөө залуу хүмүүст хэрхэн зөвлөдөг байсан бэ?
Эдгээр асуулт нь зөвхөн та ямар түүх бичиж болох талаар санал болгоход зориулсан ба асуултуудыг өөрийн хэрэгцээнд тохируулан хэлэхийг хүсэж буй түүхдээ анхаарлаа төвлөрүүл!
- Юу танд баяр баясгалан авчирдаг вэ?
- Амьдралд тань ямар ямар шийдвэрлэх мөчүүд байсан бэ?
- Та ямархуу хүүхэд байсан бэ? Та ямар нэгэн асуудалд орж байсан уу?
- Хүүхэд насны тань найзууд хэн хэн байсан бэ?
- Хүүхэд үеийн тань дуртай тоглоом эсвэл бэлэг юу байсан бэ?
- Өсвөр насны тань амьдрал ямархуу байсан бэ?
- Амьдралд тань тохиолдсон томоохон үйл явдлуудын талаар юу гэж хэлэх вэ? (Эдгээр нь дайн, томоохон зохион бүтээлүүд, саран дээр буух зэрэг үйл явдал орж болно.)
- Та ямар хоббитой байсан бэ? Хэн танд заасан бэ?
- Амьдралынхаа аль үед хамгийн дуртай вэ? Яагаад?
- Амьдралынхаа хөгжилтэй түүхээс ярьж өгнө үү?
- Танд хамгийн бэрхшээлтэй ч хийх ёстой байсан зүйл чинь юу байсан вэ?
- Та хаана амьдрах дуртай байсан бэ?
- Хүүхдүүдийнхээ бага байх үеийн жирийн нэг өдрийг дүрсэлнэ үү?
- Гэр бүлийн тань оройн хооллолтын цаг ямархуу байдаг байсан бэ? Та ямар хоол иддэг байв? Хэн хоол хийдэг байсан бэ?
- Таны хүүхдүүдийн тухай хөгжилтэй түүх байдаг уу?
- Танд ямар хүнд хэцүү үеүд тулгарч байв? Тэдгээрийг хэрхэн даван туулсан бэ?
- Өөрийнхөө дуртай дурсамжуудаас ярьж өгч болох уу?
- Та ямар амжилтаараа хамгийн их бахархдаг вэ?
- Таны амьдралд хамгийн нөлөө үзүүлсэн хүмүүс хэн хэн бэ?
- Таны амьдралд итгэл эсвэл шашин шүтлэг хэр нөлөөлсөн бэ?
- Амьдралаа эргэн харахад юу илүү онцгойрч байна вэ?
Гэр бүлийн түүхийн талаар өвөө эмээгээсээ асуух асуултууд
Төрөл төрөгсдийнхөө талаар илүү ихийг олж мэдэхийн тулд өвөө эмээгээсээ тэдний амьдралын үйл явдлуудын чухал нарийн дэлгэрэнгүй зүйлийг асуу. Таны өвөө эмээ бол амьд дурсамжаар өнгөрсөн үеийг олж мэдэх үнэлж баршгүй эх сурвалж юм. Эс бөгөөс та түүхэн бичвэрүүдийг ухах шаардлагатай болно. Та тэднээс юу сурч болохыг, мөн тэдний дурсамжаар дамжуулан гэр бүлийнхээ баялаг түүхийг илүү сайн олж мэдэх боломжтойг тунгаа.
- Таны бүтэн нэр хэн бэ?
- Таны эцэг эх нэрийг тань хэрхэн сонгосон бэ?
- Та хэзээ, хаана төрсөн бэ?
- Таны хүүхэд ахуй үеийн гэр орон, амьдарч байсан газар ямар байсан бэ? Та хаягийг нь санаж байна уу?
- Таны гэр бүл нүүж байсан уу?
- Эцэг эхийн тань заасан хамгийн чухал зүйл юу вэ?
- Эцэг эхийн тань нэрийг хэн гэдэг байсан бэ? Та надад тэднийхээ талаар юу хэлэх вэ?
- Өвөө, эмээ эсвэл элэнц өвөө эмээ нарынхаа талаар та юу санадаг вэ?
- Та хэдэн ах, эгч, дүүтэй байсан бэ? Тэдний нэрсийг хэн гэдэг байсан вэ?
- Та гэр бүлийнхээ хэнтэй нь илүү ойр байсан бэ?
- Та манай гэр бүлийн түүхийн талаар эсвэл манай гэр бүлийнхэн хаанаас ирсэн тухай ямар түүхүүдийг мэддэг вэ?
- Танд гэр бүлээсээ өвлөж авсан зүйл байдаг уу? Тэдгээрийн ард ямар түүх байдаг вэ?
- Та ургийн модоо аль хүртэл мэдэх вэ?
- Та хэзээ хаана гэрлэсэн бэ? Таны хурим ямар байсан бэ?
- Та цэргийн алба хааж байсан уу? Та зарим туршлагаасаа дурдвал?
- Та хаана ажилладаг байв мөн ямар ямар ажил хийж байсан бэ?
Хэрэв та санхүүгийн хувьд боломжтой бол өвөө, эмээгийнхээ дурдсан газруудаар аялах талаар бодож үзэх нь зүйтэй. Өв уламжлалт газруудыг (хүүхэд ахуй үеийн гэр орон, булш, бүр төрсөн нутаг гэх мэт) харах нь гэр бүлийн түүхийг амьдралд тань авчирч, өөрийнхөө болон гэр бүлийнхээ талаар илүү гүнзгий ойлголттой болгодог.
Өвөө, эмээгийнхээ харилцааны талаар мэдэж авах асуултууд
Бидний эргэн тойрон дахь хүмүүс бидний амьдралд хамгийн том нөлөө үзүүлдэг. Өвөө, эмээ нарт тань ч мөн адил нөлөөлдөг. Тэдний харилцааны талаар олж мэдэх нь гүн гүнзгий, утга учиртай яриа өрнүүлэх үүд хаалгыг нээж чадна. Эдгээр асуулт бол өвөө, эмээ хоёртой нь эсвэл аль нэгтэй нь ярилцлага өрнүүлж чадах эсэхээс үл хамааран тэдний харилцааны талаар асуух оновчтой асуултууд юм.
- Та хоёр хэзээ, хаана танилцсан бэ?
- Бие биеийнхээ юунд татагдсан бэ?
- Таны анхны болзоо ямар байсан бэ?
- Та хэр удаан болзож бас хэрхэн гэрлэх санал тавьсан бэ?
- Хуримын өдрөөсөө юуг хамгийн их санадаг вэ?
- Та гэрлэхээр шийдэж байсан уу? Яагаад эсвэл үгүй гэж?
- Та хэдэн хүүхэдтэй байсан бэ?
- Та хүүхдийнхээ нэрсийг хэрхэн сонгосон бэ?
- Он жилүүд өнгөрөх тусам та хоёрын харилцаа хэрхэн өөрчлөгдсөн бэ?
- Та хаана хамт амьдарч байсан бэ?
- Та гэр бүлийн ямар уламжлалыг хадгалж ирсэн бэ? Та хамтдаа ямар уламжлалыг бий болгосон бэ?
- Та баяруудыг хамтдаа хэрхэн тэмдэглэдэг байсан бэ?
- Таны дуртай хамтын дурсамж юу вэ?
- Танд өөр ямар нөхөрлөлүүд байсан бэ?
- Харилцааны талаар та ямар зөвлөгөө өгөх вэ?
Та хийсэн ярилцлагаа яах ёстой вэ?
Өвөө эмээтэйгээ ярилцлага өрнүүлсний дараа ярилцсан тэмдэглэлээ эсвэл хурааж авсан бичлэгээ хадгалахад анхаар. Хамтын сервер дээрх дижитал хуулбарууд нь осол эсвэл байгалийн гамшгаас болж тэмдэглэл эсвэл утас тань алдагдах, гэмтэх зэргээс үүдэн нандин мөчүүдээ алдахаас сэргийлдэг.
Ярилцлагаа хадгалах нь өнгөрсөн үеэ эргэн харж өвөө, эмээтэйгээ дахин холбогдож, тэднийг санах хүчирхэг арга зам байх болно. Ярилцлагаа гэрийнхэнтэйгээ ч мөн хуваалцах талаар бодож үз. FamilySearch Дурсамж бол ярилцлага, гэр бүлийн зургуудыг хадгалж мөн хуваалцах хялбар арга зам юм.
Холбоотой нийтлэл
FamilySearch дээр бид таныг гэр бүлтэй чинь холбож, хөгжилтэй танин мэдэхүй болон гэр бүлийн түүхийн үйлчилгээг санал болгодог. Яагаад? Учир нь бид гэр бүлүүдийг нандигнаж, үе удмуудыг хооронд нь холбох нь бидний амьдралыг одоо болон үүрд сайжруулдаг гэдэгт итгэдэг. Бид Есүс Христийн Хожмын Үеийн Гэгээнтнүүдийн Сүмээс санхүүждэг ашгийн бус байгууллага юм. Бидний итгэдэг зүйлсийн талаар дэлгэрэнгүй мэдэхийг хүсвэл энд дарна уу.
