FamilySearch-д хэрэглэгчдийнхээ хувийн мэдээллийг аюулгүй байлгах нь бидний эн тэргүүнд тавих зүйл юм. Улам бүр дижиталчлагдаж буй дэлхийд нууцлалтай мэдээллийг хамгаалах нь маш чухал болоод байна.
2023 оноос эхлэн FamilySearch нь хэрэглэгчдэд Гүүгл, Аппли, Фэйсбүүк, Есүс Христийн Хожмын Үеийн Гэгээнтнүүдийн Сүм зэрэг өндөр хамгаалалт бүхий хувь хүний мэдээлэл хадгалагчтай системүүдийг ашиглан нэвтрэх боломжийг олгосон. Эдгээр хувь хүний мэдээлэл хадгалагчийн аль нэгийг сонгосноор хэрэглэгчдэд бат, найдвартай баталгаажуулах аргуудыг ашиглах боломжийг олгодог.
FamilySearch хэрэглэгчдэд эдгээр хувь хүний мэдээлэл хадгалагчаар нэвтрэх боломж олгохоос гадна олон шатлалт баталгаажуулалтыг (ОШБ) нэвтрүүлснээ зарласан. Энэ функц нь аккаунт үүсгэж, хэрэглэгчийн нэр, нууц үгээр нэвтрэхийг илүүд үздэг хэрэглэгчдэд зориулагдсан юм. Энэ шинэ функц нь хэрэглэгчдийнхээ аюулгүй байдлыг дээд зэргээр хангах бидний байнгын үүргийн нэгээхэн хэсэг юм.
Олон шатлалт баталгаажуулалт нь давхар хамгаалалтыг нэмснээр зөвшөөрөлгүй хүмүүсийг ердийн аккаунт руу нэвтрэх боломжийг хязгаарладаг. Бид хэрэглэгчид өөрийгөө олон аргаар баталгаажуулах боломж олгосноор тэднийг аюулгүй байдлын эрсдлээс илүү сайн хамгаалж чадна.
Олон шатлалт баталгаажулалтыг хэрхэн идэвхжүүлэх вэ?
ОШБ-ыг идэвхжүүлснээр та аккаунтынхаа аюулгүй байдлыг нэмэгдүүлнэ. FamilySearch.org руу нэвтэрсний дараа дэлгэцийн баруун дээд булан дахь профайл зурган дээр дараад дараа нь Settings дээр дарна уу. Account таб руу ороод ОШБ-ыг идэвхжүүлэх сонголт гарч иртэл доош гүйлгэ.
ОШБ нь хэрэглэгчдэд FamilySearch.org-д нэвтрэхдээ баталгаажуулах алхам (э-мэйл хаягт код илгээх) нэмэх боломжийг олгодог. Энэ баталгаажуулалтын алхам нь зөвхөн зөвшөөрөгдсөн хүмүүс л аккаунт руу нэвтрэх боломжийг олгодог.
Аюулгүй байдлаа сайжруулахын тулд Олон шатлалт баталгаажуулалтыг туршиж үзнэ үү.
Хэрэв та FamilySearch.org-д нэвтрэхдээ Хувь хүний мэдээлэл хадгалагч ашигладаггүй бол бид таныг хувийн мэдээллээ хамгаалж, илүү аюулгүй байдлаа хангахын тулд энэхүү шинэ ОШБ-ыг ашиглахыг зөвлөж байна.
Холбоотой нийтлэл
FamilySearch дээр бид таныг гэр бүлтэй чинь холбож, хөгжилтэй танин мэдэхүй болон гэр бүлийн түүхийн үйлчилгээг санал болгодог. Яагаад? Учир нь бид гэр бүлүүдийг нандигнаж, үе удмуудыг хооронд нь холбох нь бидний амьдралыг одоо болон үүрд сайжруулдаг гэдэгт итгэдэг. Бид Есүс Христийн Хожмын Үеийн Гэгээнтнүүдийн Сүмээс санхүүждэг ашгийн бус байгууллага юм. Бидний итгэдэг зүйлсийн талаар дэлгэрэнгүй мэдэхийг хүсвэл энд дарна уу.
