Ny tanjona ankapoben’ny hazon-tetiaram-pianakaviana dia ny hanampy anao hahafantatra ny fianakavianao, ary koa hamantatra bebe kokoa ny momba ny tenanao.
- Ny Hazon’ny tetiaram-pianakaviana dia tsy mitovy amin’ireo tranonkala hafa momba ny tetiarana tahaka azy amin’ny maha hazon-tetiarana tokana sy ho an’ny daholobe mifamatotra amin’ny fianakaviana azy, fa tsy tranonkala izay mamela ny mpampiasa hamorona sy hikirakira ny tetiarany manokana fotsiny. Io zavatra mampiavaka azy io dia midika fa miasa amin’ny angon-drakitra iray ihany ny tsirairay, izay mety hamela fianakaviamben’ny olombelona hifandray.
- Ny Hazon’ny tetiaram-pianakaviana dia mampitaha ireo firaketana sy loharano mba hanampiana anao hamaha ireo fahadisoana na ireo miverin-droa ao amin’ny firaketana. Manolotra fitaovana fandefasan-kafatra sy fampiarahana miasa ihany koa izany, ary koa fanampiana maimaim-poana ataona matihanina amin’ny antso an-tarobia, mba hanampy anao hamaha ireo tsy fetezana.
- Ny Hazon’ny tetiaram-pianakaviana dia maka avy ao amin’ny angon-toron’ny FamilySearch izay midadasika mba hanolorana torohevitra momba ny firaketana. Izany dia manamora ny fampifandraisana anao sy ireo razambenao amin’ireo taranaka teo aloha.
- Ny fizarana hoe Fahatsiarovana dia afaka manampy hampiorim-paka kokoa ireo fifandraisana amin’ny razambe. Izany dia manome toerana ahafahanao mitahiry sy mizara sary sy tantara.
- Tianay mba ho azon’ny olona betsaka indrindra hidirana ny Hazon’ny tetiaram-pianakaviana. Azonao jerena amin’ny fomba maro isan-karazany izany, anisan’izany ny finday, amin’ny application hazon-tetiaram-pianakaviana na Fahatsiarovana, na any amin’ireo toerana manana bande passante ambany amin’ny alalan’ny tranonkala Family Tree Lite.
Ny fanantenanay dia hoe amin’ny alalan’ny Hazon’ny tetiaram-pianakaviana isika dia afaka hiara-hiasa mba hamorona hazon-tetiaram-pianakaviana ao amin’ny tetiarana izay loharano tsara indrindra sy ho an’ny daholobe eto an-tany, ary hamela ireo olona ao amin’ny fianakaviana hifandray amin’ny lasa sy ny ankehitriny.
Raha hianatra misimisy kokoa momba ny FamilySearch, dia tsidiho ny FamilySearch.org/about.
Lahatsoratra mifandray
Ahoana no fomba handefasako hafatra ho an’olona iray izay nandray anjara tamin’ny Hazon’ny tetiaram-pianakaviana na Fahatsiarovana?
Ahoana no fomba hampiasako ireo fahatsiarovana ao amin’ny FamilySearch mba hitahirizana ireo tantaran’ny razambeko?