Indreto misy torolalana hanampiana anao hampiditra anarana araka ny tokony ho izy ao amin’ny hazon’ny tetiaram-pianakaviana.
Safidio ny fiteny marina
Rehefa mampiditra na manova anarana iray ao amin’ny hazon’ny tetiaram-pianakaviana ianao, dia azonao ovaina ny fiteny ao amin’ny fikirakirana. Ny fikirakirana ny anarana dia manome fahafahana anao hampiditra ny anarana araka ny filaharany sy ny fomba fanoratana marina azy.
Ampidiro ny tena endrik’ilay anarana ao amin’ny fizarana hoe Manan-danja
Eo amin’ny fizarana hoe Manan-danja dia ampidiro ny anarana nomena tamin’ny fahaterahana na ny anarana feno ara-dalàna.
- Sorabaventy—Sorabaventy mahazatra ampiasaina.
- Anarana tamin’ny faha tovovavy sy anarana rehefa manambady—Raha nanova ny anarany ny vehivavy iray rehefa nanambady dia ampiasao ny anarany tamin’ny naha tovovavy azy.
- Fiovana ara-dalàna amin’ny anarana—Raha nanova ara-dalàna ny anarany ny olona iray, tsy tamin’ny alalan’ny fanambadiany, dia ampidiro ilay anarana ara-dalàna vaovao.
- Anarana be mpampiasa—Raha tsy nampiasa ny anarany ara-dalàna ilay olona tamin’ny fahavelony dia ampidiro ao amin’ilay fizarana hoe Manan-danja ny anarana be mpampiasa. Ampidiro ao amin’ny fizarana hoe Fampahalalana hafa ny anarany ara-dalàna.
Ataovy ao amin’ny faritra tokony hisy azy ny ampahan’anarana tsirairay.
- Anarana fiantso—Ampiasao ny anarana fiantso ho an’ny teny toy ny hoe “Comte” na “Ramose.” Azonao avela ho banga ny faritra fasiana ny anarana fiantso.
- Fanampin’anarana—Ampidiro ireo fanampin’anarana. Ataovy ao amin’ny fizarana “Fampahalalana hafa” ny anaram-bositra.
- Anarana—Ampidiro ny anaran’ny fianakaviana. Raha nanova ny anarany ny vehivavy iray aorian’ny fanambadiany dia ampidiro ny anarany tamin’ny naha tovovavy azy. Raha tsy manana anaran’ny fianakaviana ilay olona dia avelao ho banga ny faritra hoe Anarana.
- Tovana—Ampidiro ireo teny toy ny hoe “Zandriny” na “Zokiny” na ny isa romana. Ohatra: Aina Rakoto III. Azonao avela ho banga io faritra io.
Ataovy ao amin’ny fizarana Fampahalalana hafa ireo anaram-bositra sy ireo endrika hafa.
Ampidiro ao amin’ny fizarana Fampahalalana hafa ireo anarana hafa nampiasain’ilay olona. Misy ohatra vitsivitsy ireto:
- Anaram-bositra
- Anarana nampiasaina taloha na taorian’ny nifindrana tamina firenana vaovao iray
- Anarana ampiasaina hisorohana ny hahafantarana olona
- Fiovan’ny anarana avy tamin’ny fananganana zaza, na fisaraham-panambadiana, na zavatra hafa ataon’ny lalàna
- Endrika anarana mifototra amin’ny fombafomba fanomezana anarana, toy ny anarana frantsay hoe “dit”
- Anaram-panambadiana entin’ny vehivavy
- Fiovana amin’ny fomba famaky
Fadio ireo teny sy tarehin-tsoratra tsy mety
Tsy afaka mitahiry anarana ianao raha misy tarehin-tsoratra tsy mety amin’ny iray amin’ireo faritra fasiana anarana. Hisy hafatra fampitandremana manazava ny olana. Raha mena ny fipoitran’ilay hafatra dia tsy maintsy esorinao ireo tarehin-tsoratra tsy mety.
- Ireto tarehin-tsoratra ireto dia tsy azo ampiasaina: \ @ # $ % ^ & * _ + = | ~ ? < > [ ] { } ( ) ; : 0 1 2 3 4 5 6 7 8 9.
- Aza mampiasa faritra malalaka fanampiny.
- Afaka mampiasa tsipi-panohizana sy faingo mihantona ianao ao anatin’ny anarana.
- Aza mampiasa anarana nafohezina amin’ny litera voalohany fotsiny.
- Ialao ireo teny izay tsy anarana. Ohatra amin’izany ireto: tsy nomena anarana, tsy misy anarana, Ramose, Vady, kambana, zanakalahy.
- Ampidiro ny laharan’ny taranaka, toy ny hoe III eo amin’ny fasiana ny tovana.
Lahatsoratra mifandray
Ahoana no hanovako fampahalalana fototra ao amin’ny hazon’ny tetiaram-pianakaviana?
Ahoana no fomba hampidirako anaram-bositra ao amin’ny hazon’ny tetiaram-pianakaviana?
Ahoana no fomba hampidirako anarana avy amina fiteny hafa ao amin’ny hazon’ny tetiaram-pianakaviana?
Nahoana no misy baraingo eo amin’ny anaran’ny olona iray ao amin’ny hazon’ny tetiaram-pianakaviana?
Ahoana no fomba hampidirako anarana skandinaviana ao amin’ny hazon’ny tetiaram-pianakaviana?