Azon’ny mpampiasa atao ny mamaritra ny fiteny ampidirana ilay anarana ao amin’ny Hazon’ny tetiaram-pianakaviana an’ny FamilySearch (ohatra, Espaniola, Sinoa, sns). Manomboka amin’ny 2023, ny Hazon’ny tetiaram-pianakaviana dia hampiseho fampandrenesana fa misy olana vaovao rehefa misy tsy fitovian’ny anarana eo amin’ilay rafi-panoratana ampiasaina sy ny lasitry ny fiteny nampidirana ilay anarana.
Ity fampandrenesana ity dia hanampy manokana ireo mpampiasa izay mampiditra ny anaran’ny razambe amin’ny alalan’ny rafi-panoratana toy ny Sinoa, Japoney, Koreana, Rosiana, na Thai. Hamantatra ny rafi-panoratana miasa ilay Hazon’ny tetiaram-pianakaviana ary hasehony eo raha misy tsy mifanentana. Ny fanovana ny lasitr’ilay fiteny ho an’ny anaran’ny razambe dia hanampy ny mpampiasa hahita safidy manokana amin’ny fiteny ho an’ilay anarana ary hampiseho sy hikaroka izany araka ny tokony ho izy ao amin’ilay Hazon’ny tetiaram-pianakaviana.
Toy ny ahoana ny fisehon’ilay fampandrenesana momba ilay olana?
Io fampandrenesana momba ilay olana eo amin’ny firaketana io dia hiseho miaraka amin’ny teboka mivohitra mena ary hisy marika hoe “Olana amin’ny fiteny nampidirana ilay anarana.”
Rehefa mampiditra olona vaovao ao amin’ny Hazon’ny tetiaram-pianakaviana ianao dia hiseho avy hatrany ny fampandrenesana momba ilay olana amin’ilay firaketana raha mahita tsy fitovian’ny fiteny ilay izy.
Rehefa ao amin’ny pejin’ny olona iray ao amin’ny Hazon’ny tetiaram-pianakaviana ianao dia afaka mahita raha manana io olana io ianao amin’ny alàlan’ny fandehanana any amin’ny vakizoro misy ny Antsipiriany ary jereo ilay efajoro fanaovana fikarohana eo amin’ny tsanganana havanana.
Azonao atao ihany koa ny mahita azy amin’ny fijerena ilay hazon’ny tetiararana raha toa ka natao hanehoana ireo olana momba ireo firaketana ny sivana napetrakao:
Inona no mahatonga ilay olana amin’ilay angon-drakitra?
Ilay “olana amin’ny fiteny nanoratana ilay anarana,” izay olana mifandray amin’ny angon-drakitra dia misy antony 3 azo eritreretina:
Ny fomba nandrafetana ny endriky ny fiteny dia tsy mifanaraka amin’ilay endri-tsoratra ampiasaina nampidirana ilay anarana.
Nisy endri-tsoratra nampidirina tao amin’ilay faritra tsy izy.
Ny faritra iray dia misy endri-tsoratra maro ao aminy.
Inona no hamahana ilay olana amin’ilay angon-drakitra?
Ny famahana ilay “olana amin’ny fiteny nanoratana ilay anarana” dia mahasoa amin’ny fampiasanao ny Hazon’ny tetiaram-pianakaviana amin’ny tetiaranao amin’ny fomba maro:
- Mamela anao hifehy bebe kokoa ny fomba fanehoana ny anaran’ny razambenao anatin’ilay fijerena rohim-pihavanana. Ao amin’ny fikirakirana (paramètres) dia azonao atao ny misafidy izay endri-tsoratra tianao aseho.
- Manatsara ny Voka-pikarohana ao amin’ny Hazon’ny tetiaram-pianakaviana izany.
- Manampy amin’ny famantarana ny mety ho dika mitovy misy amin’ny fomba mazava kokoa izany.
- Raha betsaka kokoa ny rakitsoratra voarakitra an-tsoratra sy asiana fanondroana amin’ny hoavy, dia afaka mahita toro-hevitra tsara kokoa momba ny firaketana ny Hazon’ny tetiaram-pianakaviana.
Ahoana no fomba hamahana ilay olana amin’ilay angon-drakitra?
Mba hamahana ny “olana amin’ny fiteny nanoratana ilay anarana” dia ovainao fotsiny ilay anarana mba hampiasana ny endri-tsoratra mifanaraka amin’ny lasitr’ilay fiteny na hanova ny fikirakirana (Paramètres) an’ny lasitr’ilay fiteny mba hifanaraka amin’ny anaranao.
Fanontaniana apetraka matetika
Raha ovain’ny olona iray ny lasitr’ilay fiteny dia ho voamarika ao amin’ny lisitry ny fanovana natao rehetra ilay fiovana, ary hahazo fampahafantarana ireo mpampiasa izay mijery an’io razambe io.
