អ្នកអាចដាក់បញ្ចូលរូបថត ឬឯកសារផ្សេងៗទៅនឹងកម្រងអនុស្សាវរីយ៍លើ កម្មវិធីស្រាវជ្រាវក្រុមគ្រួសារ ជាឯកសារមួយៗ ឬ ជាឯកសារដុំៗបាន ។
ទ្រង់ទ្រាយ និងដែនកំណត់ទំហំឯកសារមានដូចខាងក្រោម ៖
- សម្រាប់ឯកសារ ទម្រង់ជា pdf មានរហូតដល់ ១៥ មេកាបៃ ។ បំលែងទម្រង់ឯកសារផ្សេងទៀត ដូចជា ឯកសារ .doc និង .docx ទៅជា .pdf មុនពេលអាចផ្ទុកវាបាន ។
- សម្រាប់រូបថត ទម្រង់ឯកសារជា .jpg, .png, .tif និង .bmp មានទំហំរហូតដល់ ១៥ មេកាបៃ ។
កំណត់ចំណាំ ៖ សូមជ្រាបថា .ទម្រង់ pdf គឺជាប្រភេទឯកសារដែលត្រូវបានគាំទ្រតែមួយគត់ដែលអាចដាក់ច្រើនគេហទំព័របាន ។
មុនពេលអ្នកចាប់ផ្ដើម
សូមអានដោយប្រុងប្រយ័ត្ននូវ កិច្ចព្រមព្រៀងដាក់ស្នើ សម្រាប់សំណួរទាំងឡាយដែលទាក់ទងទៅនឹងខ្លឹមសាររបស់អ្នក ។
ជំហានមកពីកម្រងអនុស្សាវរីយ៍ ( គេហទំព័រ )
- សូមចូលទៅកាន់FamilySearch.org ។
- នៅក្នុងរបាម៉ឺនុយនៅផ្នែកខាងលើនៃអេក្រង់សូមចុចលើ កម្រងអនុស្សាវរីយ៍ ។
- នៅកន្លែងម៉ឺនុយទម្លាក់ចុះ សូមចុចលើ វិចិត្រសាល ។
- សូមចុចលើ សញ្ញាលេខបូក (+) នៅក្នុងរង្វង់ពណ៌បៃតង ។
- សូមអូស និងទម្លាក់មាតិកាពីកុំព្យូទ័ររបស់អ្នកទៅអេក្រង់ឬចុចលើ ជ្រើសរើសឯកសារ ។
- អ្នកត្រូវតែដាក់ស្លាកមួយៗលើរូបថតប៉ុន្តែចំនួនមាតិកាដែលអ្នកដាក់បញ្ចូលក្នុងពេលតែមួយគឺអាស្រ័យទៅលើអ្នក ។
ជំហាននានាមកពីទំព័របុគ្គល
- សូមចុចលើផ្ទាំង កម្រងអនុស្សាវរីយ៍ ។
- សូមចុចលើ ដាក់បញ្ចូលរូបថត ឬ ដាក់បញ្ចូលឯកសារ ហើយជ្រើសរើសឯកសារចេញពីកុំព្យូទ័ររបស់អ្នក ។
- សូមចុចលើ ជ្រើសរើសមកពីវិចិត្រសាល និងបន្ថែមនូវអ្វីដែលអ្នកបានដាក់បញ្ចូលរួចហើយ។ លក្ខណៈពិសេសរបស់ការអូស និងទម្លាក់ចុះមិនអាចប្រើបានដើម្បីបញ្ចូលធាតុអនុស្សាវរីយ៍នៅលើទំព័រព័ត៌មានលម្អិតរបស់បុគ្គលនោះបានទេ ។
ជំហាននានាដើម្បីដាក់បញ្ចូលរូបថតច្រើន
- សូមស្វែងរក ហើយចុចលើរូបថតដំបូងគេ ។
- ចុចលើប៊ូតុង ប្តូរ នៅលើក្តារចុចរបស់អ្នក ។
- ជាមួយនឹងការចុចចុះក្រោមលើប៊ូតុងប្តូរសូមចុចលើរូបថតចុងក្រោយនៅក្នុងជួររូបថតដែលអ្នកចង់ដាក់បញ្ចូល ។
- អ្នកឃើញបញ្ជីឯកសារភ្ជាប់ដែលត្រូវបានគូសចំណាំ និងរួចរាល់ដើម្បីដាក់បញ្ចូលរូបថត ។ សូមធ្វើតាមផ្ទាំងរូបភាពនៅលើអេក្រង់ដើម្បីបញ្ចប់ការដាក់បញ្ចូលរូបថត ។
- ដើម្បីជ្រើសរើសរូបថតដែលមិនជាប់គ្នាចេញពីថតឯកសារ សូមស្វែងរក ហើយចុចលើរូបថតដំបូងគេ ។
- សូមចុចលើ និងសង្កត់ចុះលើប៊ូតុង Control ( Ctrl ) ។
- ជាមួយការចុចសង្កត់ចុះក្រោមនៅលើប៊ូតុង Control សូមចុចលើរូបថតទាំងអស់ដែលអ្នកចង់ដាក់បញ្ចូល ។ បន្ទាប់មកធ្វើតាមផ្ទាំងបង្ហាញលើអេក្រង់ដើម្បីដាក់បញ្ចូលរូបថត ។
ជំហាន ( កម្មវិធីចល័តកម្រងអនុស្សាវរីយ៍ )
- សូមចុចលើ សញ្ញាលេខបូក(+) នៅក្នុងរង្វង់ ។
- សូមចុចលើ បន្ថែមឯកសារ ឬ បន្ថែមរូបថត ។
- សូមចុចលើជម្រើសដែលអ្នកចង់ប្រើ ៖
- កម្មវិធី Android ៖ កាមេរ៉ា ឬ ឯកសារ
- កម្មវិធី Apple iOS ៖ ថតរូប ឃ្លាំងរូបថត ឬ ឯកសារខ្ញុំ
សូមជ្រើសរើសឯកសារចេញពីឧបករណ៍របស់អ្នក ហើយចុចលើ ដាក់បញ្ចូល ។ ឬប្រើមុខងារកាមេរ៉ាដើម្បីថតយកមាតិកា ។ សូមកែសម្រួលរូបថតហើយសូមចុចលើ រក្សាទុក ។
ជំហាន ( កម្មវិធីចល័តមែកធាងគ្រួសារ )
- ចុចដើម្បីបើកទំព័រពត៌មានលំអិតរបស់បុគ្គល។
- សូមចុចលើ កម្រងអនុស្សាវរីយ៍ ។
- សូមចុចលើ រូបតំណាងសញ្ញាបូក (+) ។
- សូមចុចលើ បន្ថែមឯកសារ ឬ បន្ថែមរូបថត ។
- ចុចលើជម្រើសមួយ៖
- កម្មវិធី Android: កាមេរ៉ា, ឯកសារ, ឬ វិចិត្រសាលកម្មវិធីសា្រវជ្រាវក្រុមគ្រួសារ ។
- កម្មវិធី Apple iOS ៖ ថតរូប ឃ្លាំងរូបថត ឯកសារខ្ញុំ ឬ វិចិត្រសាល កម្មវិធីសា្រវជ្រាវក្រុមគ្រួសារខ្ញុំ ។
សូមជ្រើសរើសឯកសារចេញពីឧបករណ៍របស់អ្នក ឬពីវិចិត្រសាល ហើយចុចលើ ដាក់បញ្ចូល ។ ឬប្រើមុខងារកាមេរ៉ាដើម្បីថតយកមាតិកា ។ សូមកែសម្រួលរូបថតហើយសូមចុចលើ រក្សាទុក ។
មែកធាងគ្រួសារមិនពេញលេញ
បច្ចុប្បន្ន មែកធាងគ្រួសារមិនពេញលេញ មិនរាប់បញ្ចូលមុខងារកម្រងអនុស្សាវរីយ៍ទេ ។
ក្រោយពេលអ្នកបញ្ចប់
ប្រសិនបើពណ៌បង្ហាញបញ្ច្រាស ( ជាអវិជ្ជមាន ) នៅក្នុង កម្មវិធីស្រាវជ្រាវក្រុមគ្រួសារ សូមលុបរូបថត សូមប្តូរវាទៅជាទម្រង់ឯកសារផ្សេងហើយដាក់បញ្ចូលវាឡើងវិញម្តងទៀត ។ សូមដាក់ស្លាករូបថត និងឯកសារនីមួយៗផ្សេងៗគ្នាដើម្បីឲ្យវាភ្ជាប់ទៅនឹងបុគ្គលម្នាក់ៗនៅក្នុងមែកធាងគ្រួសារ ។ បន្ថែមចំណងជើង កាលបរិច្ឆេទព្រឹត្តិការណ៍ ទីកន្លែងព្រឹត្តិការណ៍ និងការពិពណ៌នាដើម្បីធ្វើឲ្យធាតុអនុស្សាវរីយ៍របស់អ្នកកាន់តែងាយស្រួលរក ។
នៅក្នុងមែកធាងគ្រួសារ កម្រងអនុស្សាវរីយ៍របស់បុគ្គលម្នាក់បង្ហាញឡើងតាមលំដាប់លំដោយដែលវាត្រូវបានបន្ថែម ។ អ្នកមិនអាចផ្លាស់ប្ដូរលំដាប់លំដោយនោះបានទេ ។
អត្ថបទដែលទាក់ទង
តើខ្ញុំបន្ថែម ឬ កែសម្រួលចំណងជើងរូបថត ដំណើររឿងឯកសារឬឯកសារជាសំឡេងយ៉ាងដូចម្តេច ?
ហេតុអ្វីរូបថត ឬឯកសាររបស់ខ្ញុំមិនត្រូវបានដាក់បញ្ចូលនៅឡើយ ?
តើខ្ញុំដាក់ស្លាកកម្រងអនុស្សាវរីយ៍ជីដូនជីតាឬសាច់ញាតិរបស់ខ្ញុំនៅក្នុងមែកធាងគ្រួសារយ៉ាងដូចម្តេច ?
តើមានច្បាប់អ្វីខ្លះដែលអនុវត្តសម្រាប់ការផ្ទុកកម្រងអនុស្សាវរីយ៍ទៅក្នុង FamilySearch.org ?