កម្មវិធីស្រាវជ្រាវក្រុមគ្រួសារផ្ដល់វិធីសាស្ត្រងាយស្រួលមួយសម្រាប់អ្នកដើម្បីចែកចាយរូបថតរបស់បុព្វការីជន ដើម្បីជួយគ្រួសារឲ្យស្គាល់គ្នា និងស្រឡាញ់គ្នាទៅវិញទៅមក ។ យើងពិនិត្យមើលរាល់រូបភាពដែលអ្នកបានផ្ទុកឡើង ។ សូមមើល សេចក្ដីណែនាំ និងគោលនយោបាយរបស់យើងស្ដីពីការផ្ទុកឡើង សម្រាប់ព័ត៌មានបន្ថែម ។
នៅពេលអ្នកសម្រេចចិត្តថាត្រូវផ្ទុកឡើងអ្វីដូចជា រូបថត ឬឯកសារ សូមគិតពីឯកសារទាំងនោះ ៖
- សមរម្យ ៖ រូបថតគួរតែគាំទ្រដល់បទដ្ឋានសមរម្យនៃសេចក្ដីថ្លៃថ្នូរ និងគុណធម៌ ។ រូបថតមិនអាចបង្ហាញពីការថើប ឬការថើបមាត់នោះឡើយ ។
- ទាក់ទង ៖ វាគួរតែគាំទ្រដល់គោលបំណងនៃកិច្ចការពង្សប្រវត្តិ ។
- ការបង្វែរដួងចិត្ត ៖ វាគួរជួយមនុស្សទូទៅឲ្យស្គាល់ ហើយស្រឡាញ់បុព្វការីជនរបស់ពួកគេ ។
- មិនមែនពាណិជ្ជកម្ម ៖ វាពុំគួរផ្សព្វផ្សាយពីផលិតផល ឬរំលោភបំពានលើកម្មសិទ្ធិបញ្ញាទេ ។
- ឯកជនភាព ៖ សូមប្រុងប្រយ័ត្នពេលដាក់បញ្ចូលរូបភាព ឬឯកសារអំពីមនុស្សដែលនៅរស់ ។
ពេលអ្នកបង្កើត ឬផ្ទុកឡើងអំពីដំណើររឿងមួយ សូមពិនិត្យមើលរកពាក្យដែលមិនសមរម្យនានា ។ ទាំងនេះជាពាក្យមួយចំនួនដែលត្រូវចៀសវាង ៖
- អសីលធម៌ និងពាក្យប្រមាថ ។
- ឈ្មោះមិនត្រឹមត្រូវខាងនយោបាយ ។
- ការបង្ហាញការស្អប់ ឬការរើសអើង ។
- ពាក្យប្រមាថ ឬបង្ខូចជំនឿសាសនា ។
- ពាក្យ ឬការបង្ហាញផ្សេងទៀតដែលចាត់ទុកថាមិនសមរម្យ ។
ពេលរូបថត ឬឯកសារមួយមិនសមរម្យ កម្មវិធីស្រាវជ្រាវក្រុមគ្រួសារកត់ចំណាំវាជា« បានដាក់កំហិត » ហើយផ្ញើអ៊ីម៉ែលមួយឲ្យអ្នក ។ ប្រសិនបើអ្នកទទួលបានការដាក់កំហិតនេះជាកំហុសមួយ សូមឆ្លើយតបនឹងអ៊ីម៉ែលដែលអ្នកបានទទួល ហើយផ្ដល់ការពន្យល់ ។ ការឆ្លើយតបរបស់អ្នកគឺទៅក្រុមដែលពិនិត្យមើលឯកសារអនុស្សាវរីយ៍របស់អ្នកដោយផ្ទាល់ ។
អត្ថបទដែលទាក់ទង
តើហេតុអ្វីបានជារូបថតរបស់ខ្ញុំត្រូវបានដាក់កំហិត ?
តើខ្ញុំអាចបន្ថែមអនុស្សាវរីយអំពីសាច់ញាតិនៅរស់របស់ខ្ញុំទៅក្នុងមែកធាងគ្រួសារបានដែរឬទេ ?