តើ​ខ្ញុំ​ត្រឡប់​ឲ្យ​ដូច​ដើម​វិញ​នូវ​ការផ្លាស់ប្តូរ​មិន​ត្រឹមត្រូវ​នៅក្នុង​មែកធាង​គ្រួសារ​ដោយ​របៀប​ណា ?

Share

មែកធាង​គ្រួសារ​កត់ត្រា​រាល់​ការផ្លាស់ប្ដូរ​ព័ត៌មាន​របស់​បុព្វការីជន​ទាំងអស់ រួមទាំង​ព័ត៌មាន​អំពី​ទំនាក់ទំនង​ផងដែរ ។ ប្រសិនបើ​អ្នក​មិន​យល់ស្រប​នឹង​ការផ្លាស់ប្តូរ​ទេ អ្នក​អាច​ពិនិត្យ​មើល​ព័ត៌មាន​ឡើងវិញ និង​ធ្វើ​ការកែតម្រូវ​ណាមួយ​ដែល​អ្នក​គិតថា​ចាំបាច់ ។

ជំហាន ( គេហទំព័រ )

  1. ខណៈពេល​ចូល​ទៅ កម្មវិធី​ស្រាវជ្រាវ​ក្រុមគ្រួសារសូម​រុករក​ទំព័រ​បុគ្គល​របស់​បុគ្គល​ដែល​អ្នក​ចង់​មើល​នោះ ។
  2. ប្រសិនបើ​អ្នក​មិន​ឃើញ​ព័ត៌មាន​សំខាន់ នៅក្បែរ​ខាង​លើ​ទំព័រ​ទេ សូម​ចុចលើ​ផ្ទាំង ព័ត៌មាន​លម្អិត ។
  3. ដើម្បី​ត្រឡប់​ឲ្យ​ដូច​ដើម​វិញ​នូវ​ការផ្លាស់ប្ដូរ​ដែល​បានធ្វើ​រួច​អំពី​បុគ្គលម្នាក់ សូម​ធ្វើតាម​ជំហាន​ទាំងនេះ ៖
    1. សូម​ស្វែងរក​ប្រអប់ ការផ្លាស់ប្ដូរ​ចុងក្រោយ​បំផុត ។
    2. សូម​ចុចលើ បង្ហាញ​ទាំងអស់ ។
  4. ដើម្បី​ត្រឡប់​ឲ្យ​ដូច​ដើម​វិញ​នូវ​ការផ្លាស់ប្ដូរ​ទំនាក់ទំនង​ស្វាមី ឬ​ភរិយា​សម្រាប់​បុគ្គលម្នាក់ សូម​ធ្វើតាម​ជំហាន​ទាំងនេះ ៖
    1. សូម​ទាញ​ចុះ​ទៅ​ផ្នែក​សមាជិក​គ្រួសារ ។
    2. សូម​ស្វែងរក​ស្វាមី ឬ​ភរិយា ហើយ​ចុចលើ​រូប​តំណាង រូប​តំណាង កែសម្រួលរបស់​ពួកគេ ។
    3. សូម​ចុចលើ មើល​ការផ្លាស់ប្ដូរ​ទាំងអស់ ។
  5. ដើម្បី​ត្រឡប់​ឲ្យ​ដូច​ដើម​វិញ​នូវ​ការផ្លាស់ប្ដូរ​ទំនាក់ទំនង​ឪពុក ឬ​ម្ដាយ​ជាមួយ​នឹង​កូន​សម្រាប់​បុគ្គលម្នាក់ សូម​ធ្វើតាម​ជំហាន​ទាំងនេះ ៖
    1. សូម​ទាញ​ចុះ​ទៅ​ផ្នែក​សមាជិក​គ្រួសារ ។
    2. ស្វែងរក​កូន ហើយ​ចុច​លើ រូបតំណាង កែសម្រួល សម្រាប់​ទំនាក់ទំនង​រវាង​ឪពុក ឬ​ម្តាយ និង​កូន ។
    3. សូម​ចុចលើ មើល​ការផ្លាស់ប្ដូរ​ទាំងអស់ ។
  6. សូម​ស្វែងរក​ការផ្លាស់ប្ដូរ​ដែល​អ្នក​ចង់​ត្រឡប់​ឲ្យ​ដូច​ដើម​វិញ ។ ប្រសិន​បើ​ពាក្យ ស្តារ​ឡើងវិញ បង្ហាញ​ឡើង​នៅខាង​ស្តាំដៃ​បំផុត នោះ​អ្នក​អាច​ត្រឡប់​វា​ឲ្យ​ដូច​ដើម​វិញ​បាន ។
    1. សូម​ចុចលើ ស្ដារឡើងវិញ ។
    2. នៅលើ​ផ្ទាំង​ដែល​លេចឡើង សូម​ពិនិត្យ​មើល​ព័ត៌មាន​ឡើងវិញ ។
    3. សូម​ចុចលើ ស្ដារឡើងវិញ ។
  7. ប្រសិនបើ​ពាក្យ សេចក្ដីយោង បង្ហាញ​ឡើង​នៅ​ខាងស្តាំដៃ​ផុត នោះ​អ្នក​អាច​ទទួល​បាន​ព័ត៌មាន​លម្អិត​ជាច្រើនទៀត ៖
    1. សូម​ចុចលើ សេចក្ដីយោង ។
    2. ដើម្បី​មើល​ថាតើ ជម្រើស​ស្ដារឡើងវិញ មាន​ឬ​អត់ សូម​ពិនិត្យឡើងវិញ​នូវ​បញ្ជី​ដែល​មាន ។
  8. ដើម្បី​ទាក់ទង​អ្នកប្រើប្រាស់​កម្មវិធី​ស្រាវជ្រាវ​ក្រុមគ្រួសារ ដែល​បាន​ធ្វើការ​ផ្លាស់ប្ដូរ សូម​ចុច​លើ​ឈ្មោះ​ទំនាក់ទំនង​របស់​គាត់ ឬ​នាង ។ បន្ទាប់មក អ្នកអាច​ប្រើ​ប្រព័ន្ធ​ផ្ញើសារ​នៃ​កម្មវិធី​ស្រាវជ្រាវ​ក្រុមគ្រួសារ​ដើម្បី​ធ្វើ​ការទំនាក់ទំនង​បាន​ហើយ ។

ជំហាន ( កម្មវិធីឧបករណ៍ចល័ត )

  1. នៅលើ​ទំព័រ​ប្រវត្តិរូប​របស់បុគ្គល សូម​ចុច​លើ សញ្ញា​ចុច​បី នៅខាងលើ​ផ្នែកខាងស្ដាំ ។ នៅលើ​ឧបករណ៍ Android សូម​រំលងទៅ​ជំហានទី ៣ ។
  2. នៅលើ​ឧបករណ៍ Apple iOS សូមចុច បន្ថែម ។
  3. សូម​ចុចលើ ការផ្លាស់ប្ដូរ​ថ្មីៗ ។
  4. ប្រសិនបើ​វា​មាន អ្នក​អាច​ចុច ស្ដារឡើង​វិញ ដើម្បី​ត្រឡប់ទៅ​ព័ត៌មាន​ដើមវិញ ។

ជំហាន ( មែកធាងគ្រួសារមិនពេញលេញ )

បច្ចុប្បន្ន​នេះ​កម្មវិធី​មែកធាង​គ្រួសារ​មិនពេញលេញ​ពុំមាន​ផ្ដល់​ជម្រើស​សម្រាប់​ការមើល​ការផ្លាស់ប្ដូរ​នោះទេ ។

អត្ថបទដែលទាក់ទង

តើ​ខ្ញុំ​ស្ដារ​ឡើងវិញ​នូវ​ទំនាក់ទំនង ដែល​ត្រូវបាន​លុបចោល​នៅក្នុង​មែកធាង​គ្រួសារ​ដោយ​របៀប​ណា ?
តើ​ខ្ញុំ​អាច​ស្តារ​ឡើងវិញ​នូវ​កំណត់ត្រា​ដែល​ត្រូវបាន​លុប​ចោល​សម្រាប់​បុគ្គល​ម្នាក់​នៅក្នុង​មែកធាង​គ្រួសារ​ដោយ​របៀប​ណា ?
តើ​ខ្ញុំ​ដោះចេញ​នូវ​ការដាក់​បញ្ចូលគ្នា​នៅក្នុង​មែកធាង​គ្រួសារ​ដោយ​របៀប​ណា ?
តើ​ខ្ញុំ​ស្តារឡើងវិញ​នូវ​ប្រភព​ដែល​ត្រូវបាន​ដកចេញ​ពី​មែកធាង​គ្រួសារ​ដោយ​របៀបណា ?

តើ​វា​មាន​ប្រយោជន៍​ដែរ​ឬ​ទេ ?