អស់រយៈពេលជាង ២ ទសវត្សរ៍មកហើយ កាតាឡុករបស់ FamilySearch គឺជាកន្លែងដែលត្រូវទៅដើម្បីស្វែងរកសៀវភៅ កំណត់ត្រា រូបភាព និងធនធានសំខាន់ៗផ្សេងទៀត ។ វាគឺជាឧបករណ៍ដ៏មានតម្លៃសម្រាប់អ្នកស្រាវជ្រាវ បណ្ណារក្ស និងអ្នកដទៃទៀត ដែលគ្រប់គ្រងការស្វែងរកច្រើនជាង ៥ លានដងជារៀងរាល់សប្តាហ៍ ។ ការធ្វើឲ្យបច្ចេកវិទ្យាសំខាន់ៗប្រសើរឡើងក្នុងពេលឥឡូវនេះ អនុញ្ញាតឲ្យយើងរក្សាកាតាឡុករបស់ FamilySearch ឲ្យនៅមាន និងដើម្បីបន្តបន្ថែមធនធានពង្សាវលីថ្មីៗទាំងឡាយ ។
តើកាតាឡុករបស់ FamilySearch គឺជាអ្វី ?
កាតាឡុករបស់ FamilySearch គឺជាធនធានដ៏ទូលំទូលាយមួយដែលរាយបញ្ជីនូវអ្វីៗដែលនៅក្នុងការប្រមូលផ្តុំជារូបវន្ត និងជាឌីជីថលរបស់ FamilySearch ។ អ្វីទាំងឡាយដែលបានពិពណ៌នានៅក្នុងកាតាឡុកអាចស្វែងរកបានតាមអ៊ីនធឺណិត ឬអាចប្រើបានដោយផ្ទាល់នៅឯបណ្ណាល័យ FamilySearch ឬនៅឯមជ្ឈមណ្ឌល FamilySearch ក្នុងមូលដ្ឋាន ។
ជាមួយនឹងកាតាឡុក នោះអ្នកអាច ៖
- មើលថាតើ FamilySearch មានអ្វីដែលអ្នកត្រូវការ ហើយស្វែងយល់ពីរបៀបដើម្បីចូលប្រើវា ។
- ទទួលបានការចូលប្រើមីក្រូហ្វីលម៍នៅក្នុងការប្រមូលផ្តុំតាមអ៊ីនធឺណិតរបស់យើងនៃ កំណត់ត្រាប្រវត្តិសាស្រ្តដែលបានធ្វើលិបិក្រម ។
- បង្កើតបញ្ជីបោះពុម្ពកំណត់ត្រាដែលអ្នកចង់បោះពុម្ព ឬរក្សាទុកសម្រាប់ជាឯកសារយោងនាពេលអនាគត ។ គន្លឹះ ៖ បញ្ជីបោះពុម្ពគឺជាវិធីដ៏ល្អមួយដើម្បីរៀបចំ ផែនការធ្វើដំណើររបស់អ្នក ទៅកាន់បណ្ណាល័យ FamilySearch នៅទីក្រុង សលត៍ លេក រដ្ឋយូថាហ៍ ឬមជ្ឈមណ្ឌលមួយក្នុងចំណោម មជ្ឈមណ្ឌល FamilySearch ជាច្រើនរបស់យើង នៅទូទាំងពិភពលោក ។
ហេតុអ្វីបានវាត្រូវបានធ្វើបច្ចុប្បន្នភាព ?
« អ្នកប្រហែលជាឆ្ងល់ថា ហេតុអ្វីបានជា FamilySearch បានធ្វើការផ្លាស់ប្តូរកាតាឡុក ។ កាតាឡុករបស់ FamilySearch ដំណើរការល្អណាស់ ។ ទោះជាយ៉ាងណាក៏ដោយ វាប្រៀបដូចជាការប្រើប្រាស់រថយន្តមួយ រថយន្តនេះអាចនៅដំណើរការនៅឡើយ ប៉ុន្តែនៅក្រោមគម្របឡាននោះអាចមានផ្នែកណាមួយដែលជិតដល់ពេលដែលវាខូចនៅពេលណាមួយ—ដែលផ្នែកខ្លះគេលែងផលិតទៀតហើយ ។ ការស្វែងរករបស់មកជំនួសអាចចំណាយពេលច្រើនថ្ងៃ ឬសប្តាហ៍ខណៈពេលដែលកាតាឡុកនឹងមិនអាចដំណើរការបាន ។ បើម៉ាស៊ីនខូចធ្ងន់ធ្ងរ នោះវានឹងត្រូវចំណាយពេលជាច្រើនខែដើម្បីផ្លាស់ប្តូរ » សម្តីរបស់ រ៉ូប៊ឺត រ៉េម៉ុន ដែលជាអនុប្រធានផ្នែកពង្សាវលី FamilySearch ។
លោកបានបន្ថែមថា « តើបច្ចេកវិទ្យាមានអាយុកាលប៉ុន្មានចាប់តាំងពី ឆ្នាំ១៩៩៦មក ? ឧបករណ៍ PalmPilot ត្រូវបានចេញលក់ក្នុង ឆ្នាំ១៩៩៦ ។ ក្រុមហ៊ុន Motorola ( ម៉ូតូរ៉ូឡា ) បានចាប់ផ្តើមលក់ទូរសព្ទដៃបត់ដំបូងបំផុតនៅក្នុងឆ្នាំដដែលនោះផងដែរ ។ Nintendo 64 ( ម៉ាស៊ីនលេងហ្គេម ) ដែលនៅតែប្រើប្រអប់ព្រីនហ្គេម ត្រូវបានចេញលក់នៅសហរដ្ឋអាមេរិក ។ គេហទំព័រនេះមានអាយុកាលត្រឹមតែ៥ឆ្នាំប៉ុណ្ណោះ ដោយមានគេហទំព័រត្រឹមតែ ២៥៨,០០០ ប៉ុណ្ណោះ—បើប្រៀបធៀបទៅនឹងសព្វថ្ងៃនេះមានជាង ១ ពាន់លានគេហទំព័រ ។ ចំនួនទូរសព្ទបង់ប្រាក់នៅសហរដ្ឋអាមេរិកបានកើនឡើងដល់ចំណុចកំពូល » ។
ខណៈពេលដែលកាតាឡុកនៅតែដំណើរការ មិនមានការផ្លាស់ប្តូរ ឬទិន្នន័យថ្មីអាចត្រូវបានបន្ថែមទៅក្នុងប្រព័ន្ធកាតាឡុកចាស់បន្ទាប់ពីខែមិថុនា ឆ្នាំ២០២២ បានទេ ។
តើកាតាឡុកបានផ្លាស់ប្តូរដោយរបៀបណា ?
នៅកន្លែងដែលអាចធ្វើទៅបាន កាតាឡុកថ្មីដំណើរការដូចដែលវាធ្លាប់បានដំណើរការពីមុនដែរ ។ ទោះជាយ៉ាងណាក៏ដោយ មានការផ្លាស់ប្តូរគួរឲ្យកត់សម្គាល់មួយចំនួន ។
- ទិន្នន័យថ្មី ៖ ការប្រមូលផ្តុំនៃទិន្នន័យបម្រុងជារូបវន្តថ្មីៗចាប់តាំងពីឆ្នាំ២០២២ ឥឡូវនេះត្រូវបានដាក់រួមបញ្ចូលនៅក្នុងកាតាឡុកថ្មី ហើយទិន្នន័យថ្មីៗនឹងត្រូវបានបន្ថែមនៅពេលទទួលបានទិន្នន័យទាំងនោះ ។ ទិន្នន័យជារូបវន្តក៏នឹងបង្ហាញនៅក្នុងកាតាឡុកបណ្ណាល័យរបស់ FamilySearch ផងដែរ ។
- អេក្រង់ស្វែងរកដំបូង ៖ នៅលើ អេក្រង់ស្វែងរក មើលទៅខុសពីមុន ប៉ុន្តែវាដំណើរការដូចគេហទំព័រចាស់ដែរ ។ ជ្រើសរើសប្រភេទស្រាវជ្រាវជាក់លាក់មួយ ឬវាយបញ្ចូល បំពេញប្រអប់ ហើយចុចលើ ស្រាវជ្រាវ ។ អ្នកអាចស្រាវជ្រាវតាមទីកន្លែង នាមត្រកូល ចំណងជើង អ្នកនិពន្ធ ប្រធានបទ និងពាក្យគន្លឹះ ក៏ដូចជាតាមរយៈលេខទូរសព្ទ ឬលេខហ្វីលម៍ ។ អ្នកក៏អាចដាក់បញ្ចូលការស្រាវជ្រាវទាំងឡាយបញ្ចូលគ្នាផងដែរដូចជា ទីកន្លែង និងពាក្យគន្លឹះ ដើម្បីបង្រួមការស្រាវជ្រាវរករបស់អ្នក ។
- លទ្ធផលស្រាវជ្រាវ និងការត្រង ៖ ដូចជានៅពេលអ្នកស្រាវជ្រាវរកកំណត់ត្រាប្រវត្តិសាស្រ្តនៅលើគេហទំព័រ FamilySearch.org ដែរ អ្នកអាចបង្រួម ឬពង្រីកលក្ខខណ្ឌស្រាវជ្រាវរបស់អ្នកបាន ។ តម្រងសម្រាប់ការស្រាវជ្រាវ រកពាក្យគន្លឹះ នាមត្រកូល និងចំណងជើងបង្ហាញជារាងពងក្រពើពីលើលទ្ធផលស្រាវជ្រាវ ។
- ការកែលម្អទីកន្លែង ៖ នៅខែវិច្ឆិកា ឆ្នាំ២០២៣ កាតាឡុករបស់ FamilySearch បានប្តូរពីការប្រើប្រាស់បញ្ជីទីកន្លែងជាក់លាក់តាមកាតាឡុក ទៅជាការប្រើប្រាស់បញ្ជីបទដ្ឋានទីតាំងដូចគ្នាទៅនឹងគេហទំព័រ FamilySearch ផ្សេងទៀតផងដែរ ។ បញ្ជីកាតាឡុកជាក់លាក់នៃទីកន្លែងមិនអាចរក្សាទុកដូចពីមុនបានទេ ។ បញ្ជីទីតាំងតាមបទដ្ឋានរបស់យើងកំពុងរីកចម្រើនឥតឈប់ឈរ ដើម្បីគ្របដណ្តប់ផ្នែកថ្មីនៃពិភពលោកឲ្យបានលម្អិតបន្ថែមទៀត ។ ការណ៍នេះមានន័យថា ទីកន្លែងអាចមានឈ្មោះបង្ហាញខុសគ្នាពីមុនបន្តិច ។ នៅផ្នែកខាងលើនៃទំព័រលទ្ធផល នៅពីក្រោម « កំណត់ចំណាំ » អ្នកនឹងរកឃើញព័ត៌មានទីកន្លែងដែលជួយបញ្ជាក់ឈ្មោះទីកន្លែងកាតាឡុកចាស់ធៀបទៅនឹងកាតាឡុកថ្មី ។ ទីកន្លែងមួយចំនួននៅក្នុងកាតាឡុកចាស់មិនទាន់បានបន្ថែមនៅឡើយទេ ប៉ុន្តែនឹងមានបន្ថែមច្រើនទៀត ។
ជំនួយជាមួយគោលដៅជាក់លាក់
ព័ត៌មានអំពីរបៀបប្រើកាតាឡុកត្រូវបានប្រមូល និងដាក់បញ្ចូលទៅក្នុងបទពិសោធន៍នេះ ។ ស្វែងរកវាដោយចុចលើ ស្វែងយល់ពីរបៀបប្រើកាតាឡុក ។
ដំណឹងដ៏សំខាន់ជាមួយនឹងការផ្លាស់ប្តូរបច្ចេកវិទ្យានេះគឺថា FamilySearch ប្តេជ្ញាចិត្តយ៉ាងពេញលេញក្នុងការផ្តល់ឲ្យនូវពង្សាវលីជាមួយនឹងកាតាឡុករបស់ FamilySearch ដែលមានស្ថេរភាព ទាន់សម័យ សម្រាប់រយៈពេល ជាច្រើនឆ្នាំខាងមុខ ។
អត្ថបទដែលទាក់ទង
នៅ កម្មវិធីស្រាវជ្រាវក្រុមគ្រួសារ យើងយកចិត្តទុកដាក់លើការភ្ជាប់អ្នកទៅនឹងគ្រួសាររបស់អ្នក ហើយយើងផ្ដល់ជូននូវបទពិសោធន៍រុករកដ៏រីករាយ ព្រមទាំងសេវាកម្មពង្សប្រវត្តិដោយឥតគិតថ្លៃ ។ ហេតុអ្វី ? ព្រោះយើងឲ្យតម្លៃដល់ក្រុមគ្រួសារ ហើយជឿថា ការភ្ជាប់មនុស្សជាច្រើនជំនាន់អាចធ្វើឲ្យជីវិតរបស់យើងបានកាន់តែប្រសើរឡើងនាពេលឥឡូវនេះ និងជារៀងរហូតតទៅ ។ យើងគឺជាអង្គការដែលមិនស្វែងរកប្រាក់កម្រៃ ដោយទទួលបានការឧបត្ថម្ភពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ដើម្បីរៀនបន្ថែមទៀតអំពីជំនឿរបស់យើង សូមចុចត្រង់នេះ ។
