នៅលើ FamilySearch សុវត្ថិភាពនៃព័ត៌មានផ្ទាល់ខ្លួនរបស់អ្នកប្រើប្រាស់ គឺជាអាទិភាពខ្ពស់បំផុតរបស់យើង ។ នៅក្នុងពិភពលោកដែលឌីជីថលកំពុងរីកចម្រើនកាន់តែខ្លាំងឡើង ការការពារទិន្នន័យរសើបគឺមានសារៈសំខាន់ណាស់ ។
ចាប់ផ្តើមនៅក្នុងឆ្នាំ២០២៣ FamilySearch បានអនុញ្ញាតឲ្យអ្នកប្រើប្រាស់ចូលជាមួយការផ្តល់អត្តសញ្ញាណដែលមានសុវត្ថិភាពខ្ពស់ ( IdPs ) ដូចជា Google, Apple, Facebook និង The Church of Jesus Christ of Latter-day Saints ។ ការប្រើប្រាស់ IdPs មួយក្នុងចំណោម IdPs ទាំងនេះធានាថា អ្នកប្រើប្រាស់មានសិទ្ធិចូលប្រើវិធីសាស្រ្តផ្ទៀងផ្ទាត់ដែលមានភាពរឹងមាំ និងអាចទុកចិត្តបាន ។
បន្ថែមពីលើការអនុញ្ញាតឲ្យអ្នកប្រើប្រាស់ចូលជាមួយនឹង IdP មួយ FamilySearch បានប្រកាសពីការចេញឲ្យប្រើប្រាស់នៃការផ្ទៀងផ្ទាត់ពហុកត្តា ( MFA ) ។ មុខងារនេះគឺសម្រាប់អ្នកប្រើប្រាស់ដែលនៅតែចូលចិត្តបង្កើតគណនី និងចូលដោយប្រើឈ្មោះអ្នកប្រើប្រាស់ និងពាក្យសម្ងាត់ ។ មុខងារថ្មីគឺជាផ្នែកមួយនៃការប្តេជ្ញាចិត្តជាបន្តបន្ទាប់របស់យើងក្នុងការធានាឲ្យបាននូវកម្រិតសុវត្ថិភាពខ្ពស់បំផុតសម្រាប់អ្នកប្រើប្រាស់របស់យើង ។
MFA បន្ថែមស្រទាប់ការពារដែលធ្វើឲ្យវាពិបាកខ្លាំងសម្រាប់បុគ្គលដែលគ្មានការអនុញ្ញាតក្នុងការចូលប្រើគណនីបែបធម្មតា ។ ដោយអនុញ្ញាតឲ្យអ្នកប្រើប្រាស់ផ្ទៀងផ្ទាត់អត្តសញ្ញាណរបស់ពួកគេតាមរយៈវិធីសាស្រ្តជាច្រើន យើងអាចការពារអ្នកប្រើប្រាស់បានកាន់តែប្រសើរពីការគំរាមកំហែងដល់សុវត្ថិភាពដែលអាចកើតមាន ។
របៀបបើកការផ្ទៀងផ្ទាត់ពហុកត្តា
ដោយបើក MFA អ្នកនឹងបង្កើនសុវត្ថិភាពដល់គណនីរបស់អ្នក ។ នៅពេលដែលអ្នកបានចូលទៅកាន់គេហទំព័រ FamilySearch.org សូមចុចលើ រូបភាពប្រវត្តិរូប របស់អ្នកនៅជ្រុងខាងស្តាំផ្នែកខាងលើនៃអេក្រង់ ហើយបន្ទាប់មកសូមចុចលើ ការកំណត់ ។ សូមចូលទៅកាន់ផ្ទាំង គណនី ហើយអូសចុះក្រោមរហូតដល់អ្នកឃើញជម្រើសដើម្បីបើក MFA ។
MFA អនុញ្ញាតឲ្យអ្នកប្រើប្រាស់បន្ថែមជំហានផ្ទៀងផ្ទាត់ ( លេខកូដផ្ញើទៅកាន់អាសយដ្ឋានអ៊ីមែលរបស់ពួកគេ ) នៅពេលពួកគេចូល នៅលើគេហទំព័រ FamilySearch.org ។ ជំហានផ្ទៀងផ្ទាត់នេះធានាបានថាមានតែបុគ្គលដែលមានការអនុញ្ញាតប៉ុណ្ណោះដែលអាចចូលប្រើគណនីបាន ។
សាកល្បងការផ្ទៀងផ្ទាត់ពហុកត្តាសម្រាប់បទពិសោធសុវត្ថិភាពកាន់តែប្រសើរ
ប្រសិនបើអ្នកមិនប្រើ IdP ដើម្បីចូលក្នុងគេហទំព័រ FamilySearch.org នោះទេ យើងលើកទឹកចិត្តអ្នកឲ្យទាញយកអត្ថប្រយោជន៍ពីមុខងារ MFA ថ្មីនេះដើម្បីការពារព័ត៌មានផ្ទាល់ខ្លួនរបស់អ្នក និងរីករាយជាមួយបទពិសោធសុវត្ថិភាពជាងមុន ។
អត្ថបទដែលទាក់ទង
នៅ កម្មវិធីស្រាវជ្រាវក្រុមគ្រួសារ យើងយកចិត្តទុកដាក់លើការភ្ជាប់អ្នកទៅនឹងគ្រួសាររបស់អ្នក ហើយយើងផ្ដល់ជូននូវបទពិសោធន៍រុករកដ៏រីករាយ ព្រមទាំងសេវាកម្មពង្សប្រវត្តិដោយឥតគិតថ្លៃ ។ ហេតុអ្វី ? ព្រោះយើងឲ្យតម្លៃដល់ក្រុមគ្រួសារ ហើយជឿថា ការភ្ជាប់មនុស្សជាច្រើនជំនាន់អាចធ្វើឲ្យជីវិតរបស់យើងបានកាន់តែប្រសើរឡើងនាពេលឥឡូវនេះ និងជារៀងរហូតតទៅ ។ យើងគឺជាអង្គការដែលមិនស្វែងរកប្រាក់កម្រៃ ដោយទទួលបានការឧបត្ថម្ភពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ដើម្បីរៀនបន្ថែមទៀតអំពីជំនឿរបស់យើង សូមចុចត្រង់នេះ ។
