O rawa ni vakacuruma na vanua vaka-Jaina eso ki na Vunikawa ni Matavuvale. Na ivakasala eso oqo ena vukea ni vakadeitaka ni sa volai ka taucoko tu na vanua.
Me matata saraga vakaoti.
Okata na yaca ni yasana, vanua, yasayasa, tauni, kei na vakatagedegede dei eso ke o kilai ira se rawa ni kunei ira. Kevaka o sega ni kila na yaca taucoko ni vanua, vakacuruma na kena levu ga o rawata. Me ivakaraitaki:
| Vaka-Roma | Vaka-Jaina |
| Taizicheng, Sitaizui, Chongli, Zhangjiakou, Hebei, Jaina | 中國河北省張家口市崇禮區四臺嘴鄉太子城村 |
| Guizhou | 贵州省 |
| Xinjie, Midu, Dali Bai, Yunnan | 雲南省大理白族自治州彌渡縣新街鎮 |
| Nanping, New Taipei City, Taiwan | 臺灣新北市南平 |
Vakacuruma na yaca ena ituvatuva matau ni vosa o vakayagataka tiko.
Ena vosa vaka-Jaina kei na veivosa e tuva vakailiu na yaca ni matanitu, taipataka vakailiu na matanitu. Qai vakacuruma na yaca ni yasana, vanua, yasayasa, tauni, kei na vakatagedegede dei eso.
中國山西省忻州市定襄縣晉昌鎮
Ena vosa vaka-Valagi kei na veivosa tale eso e tuva me iotioti na yaca ni matanitu, vakacuruma vakailiu na yaca ni tauni, yasayasa, vanua, kei na yasana dei eso. Vakacuruma me iotioti na yaca ni matanitu.
Jinchang, Dingxiang, Xinzhou, Shanxi, Jaina
Digitaka e dua na vanua tudei.
Me vukea na veidutaitaki ni vanua eso e tautauvata na yacadra kei na yaca era sa veisautaki tu, sa vakayagataka na FamilySearch e dua na kato ni maroroi tukutuku ni vanua tudei eso.
Ni o vakacuruma e dua na vanua ki na Vunikawa ni Matavuvale, na veivanua tudei e veisotari e basika ena dua na lisi lutusobu ena ruku ni lomanibai.
Na Vunikawa ni Matavuvale ena maroroya ruarua na vanua oya ni ko vakacuruma vata e dua na ivakarau tudei ni yaca oya. Na vanua tudei e vukea ni vakadeitaka ni sa vakaraitaki vakadonu na vanua ka vakasaqarai vakadodonu ena Vunikawa ni Matavuvale.
Na ivakarau ni kato ni maroroi tukutuku ni vanua e sa tubu tikoga, ia e se bera ni vakacavari e Jaina. Kevaka e sega ni tiko na vanua tudei o gadreva, tovolea e dua vei ira na ivakasala oqo:
- Vakuria eso tale na itukutuku ki na vanua o taipataka, me vaka na yaca ni vanua se matanitu. Qai digitaka na lawa cecere cake me ivakatagedegede. Digitaka na yaca ni vanua me ivakatagedegede ke sa ka kece o kila oya.
- Kevaka o sega ni kunea rawa e dua na yaca ni vanua makawa, veisautaka ki na kena ena gauna oqo. Me ivakaraitaki, veisautaka na北平 ki na 北京. Na vanua tudei ni kato ni maroroi tukutuku ni FamilySearch e tiko kina ena gauna oqo e levu na yaca ni vanua vaka-Jaina mai na kena e liu.
- Ke ra sa leqa taucoko, gole ki na boto ni lisi, ka digitaka None of the above. Qai gole ki na Vanua eso ni FamilySearch me vakaturi meda vakuria.
iTukutuku tabaki veisemati
Au na vakacuruma vakacava na tikinisiga kei na vanua eso ki na Vunikawa ni Matavuvale?
Au na vakadodonutaka se veisautaka vakacava e dua na vanua ena Vanua eso ni FamilySearch
Au na vakatura vakacava e dua na vanua vou ki na Vanua eso ni FamilySearch?
Au na vakacuruma vakacava na tikinisiga mai na itukutuku vakamareqeti vaka-Jaina ki na Vunikawa ni Matavuvale?
Au na vakacuruma vakacava na yaca vaka-Jaina eso ki na Vunikawa ni Matavuvale?