Meu na vakacuruma vakacava na tikinisiga kei na vanua ki na Vunikau ni Vuvale?

Na vakayagataki ni ivakarau tudei me baleta na tikinisiga kei na vanua ena Vunikau ni Vuvale ena tosoya cake na kena dodonu kei na kunei ni itukutuku o vakacuruma.

Ni bera ni o tekivu

• E vuqa na vanua era sa tautauvata se via tautauvata na yacadra. E vuqa na iwalewale era dau vola kina na tamata na tikinisiga. Na Vunikau ni Vuvale ena vukei iko mo vakatudeitaka na tikinisiga kei na vanua ni ko vakacurumi ira tiko.
• Na ivakarau tudei ena vakatorocaketaka na dodonu kei na matata ni itukutuku o vakacuruma vei ira na tamata era na raica. Na ivakarau tudei era na tosoya cake talega na dodonu ni vakasaqaqara, idusi ni ivolatukutuku ka tokaruataka na gacagaca ni Vunikau ni Vuvale.
• Ni dua na tikinisiga se vanua e sega ni muria nai vakarau tudei, ena okata na Vunikau ni Vuvale me dua na leqa ni itukutuku ka na vakaraitaka e dua na ikurau damudamu me toka tikiva. Me walia na leqa oqo, veisautaka na tikinisiga se vanua, ka digitaka e dua na ivakarau tudei.

Veikalawa (mataveilawa)

1. Ena dua na loma ni bai ni tikinisiga se vanua ena Vunikau ni Vuvale, tekivu mo taipataka na tikinisiga se vanua.
   
   • iDusi me baleta na tikinisiga:
     
     • Na i ka 29 ni Feperueri e ivakarau tudei walega ni leap year (yabaki ka 29 kina na siga ena vula ko Feperueri).
     • Vakayagataka na B.K. se B.N.G. me baleta na “bera na Karisito” se “Bera na Noda Gauna” Na ivakarau tudei e vakaraitaka me B.K.
     • Na Vunikau ni Vuvale e vakayagataka na ivolanivula vaka Gregorian me ivakarau tudei. Mo vakacuruma e dua na tikinisiga mai na dua tani tale na ivolanivula, vakacuruma na tikinisiga, biuta e dua na vanua lala, qai vakacuruma na tikinisiga vaka Gregorian o ya.
     • Ni sa curu na tikinisiga, sa na rawa ni rairai mai e 2 na digidigi (me ivakaraitaki, 5 ni Nove 1911 se 5 ni Noveba 1911). Digitaka na tikinisiga ka toka tikiva e dua na ivakatakilakila ni ivolanivula (e kena ivakarau me ikarua, 5 ni Noveba 1911). Oqo ena tarova na cala ni itukutuku e salavata kei na kena ituvatuva.
   • iDusi me baleta na vanua:
     
     • E se bera ni vakacavari na kato ni itukutuku ni veivanua tudei. Na ivakarau tudei ena vakavinakataki cake ni toso tiko na gauna.
     • Kevaka e rawa, vakacuruma na yaca ni vanua ka vakayagataki tiko ena gauna ka vakayacori kina na ka e yaco.
     • Sa tiko na nomu digidigi mo vakacuruma na vanua ena nomu vosa se na ivosavosa ni vanua o ya.
     • Kevaka e sega ni tiko na ivakarau tudei dodonu, taipataka na vanua ena sala o vinakata me maroroi kina, qai taipataka edua na vanua lala, ka qai taipataka kina e dua na ilavelave ni yaca ni vanua ka na rawa me vakatudeitaki. Oqo beka na yaca ni vanua ni gauna oqo-se yaca ni vanua, siteti, yasana, se matanitu e tiko kina na vanua oqo. 
2. Ni o taipa tiko, na parokaramu ena vakaraitaka mai na ivakarau tudei eso e tiko. Kilikitaka na kena e donu.
   
   • Ke o via digitaka na sega na ivakarau tudei, kilikitaka na idusidusi ni kompiuta ena dua tale na vanua ena sikirini. 
   • Me maroroi na veika o taipataka, kiliki ena imatai ni itukutuku ena lisi ni ivakarau tudei. Na Vunikau ni Vuvale ena digitaka e dua na ivakarau tudei kevaka e rawa.
3. Me veisau na ivakarau tudei, kiliki ga ena lomanibai, ka digitaka na kena o vinakata. Kevaka e sega ni tiko na ivakarau tudei dodonu, taipataka tale na tikinisiga se vanua.
4. Na parokaramu ena rawa ni uqeti iko mo vakavoutaka na vuna e donu kina na itukutuku. Cakava oqo, ka qai kiliki ena Maroroya.  

Veikalawa (app veikauyaki)

1. Ena dua na loma ni bai ni tikinisiga se vanua ena app ni talevoni veikauyaki ni Vunikau ni Vuvale, tekivu mo vakacuruma na tikinisiga se vanua.
   
   • iDusi me baleta na tikinisiga:
     
     • Na i ka 29 ni Feperueri e ivakarau tudei walega ni leap year (yabaki ka 29 kina na siga ena vula ko Feperueri).
     • Vakayagataka na B.K. se B.N.G. me baleta na “bera na Karisito” se “Bera na Noda Gauna” Na ivakarau tudei e vakaraitaka me B.K.
     • Na Vunikau ni Vuvale e vakayagataka na ivolanivula vaka Gregorian me ivakarau tudei. Mo vakacuruma e dua na tikinisiga mai na dua tani tale na ivolanivula, vakacuruma na tikinisiga, biuta e dua na vanua lala, qai vakacuruma na tikinisiga vaka Gregorian o ya.
     • Ni sa curu na tikinisiga, sa na rawa ni rairai mai e 2 na digidigi (me ivakaraitaki, 5 ni Nove 1911 se 5 ni Noveba 1911). Digitaka na tikinisiga ka toka tikiva e dua na ivakatakilakila ni ivolanivula (e kena ivakarau me ikarua, 5 ni Noveba 1911). Oqo ena tarova na cala ni itukutuku ka semati ki na ituvatuva ni tikinisiga.
   • iDusi me baleta na vanua:
     
     • E se bera ni vakacavari na kato ni itukutuku ni veivanua tudei. Na ivakarau tudei ena vakavinakataki cake ni toso tiko na gauna.
     • Kevaka e rawa, vakacuruma na yaca ni vanua ka vakayagataki tiko ena gauna ka vakayacori kina na veika a yaco o ya.
     • Sa tiko na nomu digidigi mo vakacuruma na vanua ena nomu vosa se na ivosavosa ni vanua o ya.
     • Kevaka e sega ni tiko na ivakarau tudei dodonu, vakacuruma na vanua ena sala o vinakata me maroroi kina, taipataka e dua na vanua lala, ka qai vakacuruma e dua na ilavelave ni yaca ni vanua ka na rawa ni vakatudeitaki. Oqo e rawa beka ni yaca ni vanua ena gauna oqo-se yaca ni yasayasa, siteti, yasana, se matanitu e tiko kina na vanua oqo. 
2. Ni o vakacuruma na yaca se tikinisiga, na parokaramu ena vakaraitaka mai na ivakarau tudei e tiko.
   
   • Tabaka na ivakarau tudei donu. O na gadreva beka mo na wilika e dua na lisi ni ivakarau tudei ni vanua mo kunea kina na kena e donu.
   • Kevaka e sega ni tiko e dua na ivakarau tudei veiganiti, lako ki na boto ni lisi ni ivakarau tudei, ka tabaka na Sega ni dua ena kena e cake.
   • Me maroroi na veika o sa vakacuruma ka vakatara ki na parokaramu me digitaka e dua na ivakarau tudei veiganiti, tabaka e dua na vanua vakatikitiki mai na lisi.
3. Mo veisautaka na ivakarau tudei, ena gadrevi mo vakacuruma tale na tikinisiga se vanua. Na app ni talevoni veikauyaki, e sega ni vaka na mataveilawa, e sega ni vakatarai iko mo veisautaka e dua na ivakarau tudei vakavo ke vakacurumi-tale yani na itukutuku. 

Veikalawa (Vunikau ni Vuvale ena Lite )

Na Vunikau ni Vuvale ena Lite e vakatudeitaka vakataki koya na tikinisiga kei na vanua ni o kuri ira yani se vakadodonutaki ira. E sega ni rawa ni o digitaka e dua na ivakarau tudei. 

iTukutuku veisemati

Au sega ni kila na tikinisiga donu me biu ki na Vunikau ni Vuvale
Meu na walia vakacava na leqa ni itukutuku ena Vunikau ni Vuvale?
Sala leleka eso me vakacurumi kina na tikinisiga ki na Vunikau ni Vuvale