Dolava wale e dua na akaude • FamilySearch

Na akaude sega ni saumi ni FamilySearch e vakarautaka vakalevu cake na sala ni i vurevure ena mataveilawa ni FamilySearch.

Ni bera ni o tekivu

E dua sa sivia na yabaki tinikatolu e rawa ni dolava e dua na akaude.
Ena veivakadonui ni i tubutubu, o ira na gone yabaki 8–12 e rawa ni ra tauyavutaka e dua na akaude.
Keitou vakatura me ra vakayagataka na tamata yadua e dua na i tikotiko ni imeli se naba ni talevoni veikauyaki. Ni vakayacori oqo ena rawarawa kina na kena vakalesui mai e dua na yaca vakayagataki se tuvai tale e dua na vosanicuru.
Ni o cakava e dua na akaude, sa rawa ni vakayagataki na yaca vakayagataki o digitaka. Ke vaka kina, na i vakarau e vakarautaka eso na veiveisau o rawa ni na digidigi mai kina. Se e rawa ni o vakacuruma e dua tale na yaca vakayagataki.
Keitou vakatura mo vakayagataka e dua na ka ka sega ni nomu i tikotiko ni imeli me nomu yaca vakayagataki.
Kevaka o vakayagataka na nomu i tikotiko ni imeli me nomu yaca vakayagataki, yalovinaka mo okata talega e dua na naba ni talevoni veikauyaki me rawarawa kina na vakalesui mai ni akaude.
Ena mataveilawa, na i matai ni gauna o raica kina na nomu kawa o na raica e dua na sikirini ni Tekivu ni Nomu Vunikau ni Matavuvale ka tu kina na veikalawa rawarawa me vukei iko mo vakacuruma na i tukutuku baleti iko ena Vunikau ni Matavuvale.

Lako ki na FamilySearch.org, ka kiliki ena Bulia e dua na akaude.
Vakacuruma na itukutuku e gadrevi, oka kina e dua na yaca vakayagataki kei na vosanicuru.
Digitaka e dua na digidigi ni vakalesui mai. Kevaka e sega ni tiko na nomu matanitu ena lisi ni vanua me baleta na digidigi ni kena vakalesui mai na itukutuku, sa dodonu mo vakayagataka e dua na itikotiko ni imeli me vakalesui mai kina.
Mo vakadonuya na iVakarau ni Kena Vakayagataki kei na Notisi ni Taqomaki, makataka na kato. Kiliki ena Caka.
Vakabula na nomu akaude. Vakaraica e dua na i tukutuku ena nomu imeli se i tukutuku vakau ena talevoni veikauyaki.

Dolava na iyaya ni Vunikau ni Matavuvale ni FamilySearch se i Vakananumi ena nomu misini veikauyaki.
Tabaka na Saini.
Vakayagataka na i dusidusi ni mataveilawa ni ko dolava na nomu akaude.

Raica lesu na nomu i tukutuku ni veitaratara kei na notisi e vinakati ena nomu i tuvatuva ni familySearch.

Kevaka o sotava eso na leqa, mo veitaratara ki na Veitokoni ni FamilySearch.

Oqo na i tukutuku ka kena i balebale ni sa tiko na nomu akaude:

"Keimami vakabauta ni sa tu oti tu na akaude oqo."
"Na naba ni talevoni veikauyaki o vakacuruma e sa vakayagataki tiko ena dua na akaude."
"Sa vakayagataki oti tu ena dua na akaude na naba ni i volatukutuku ni Lotu oqo."

E rairai tiko beka e dua na nomu akaude ni Lotu me baleta na mataveilawa ni Lotu se app ni Lotu, me vaka na i Yaya ni Cakacaka. O na sega ni gadreva e dua tale na akaude me baleta na FamilySearch.org. Ena tabana ni saini mo curuiloma, kilikitaka na Saini ni curuiloma ni akaude ni Lotu .
Mo vakayagataka na app veikauyaki ni Vunikau ni Matavuvale se i Vakananumi, e dodonu mo dolava e dua na akaude ni FamilySearch.
Kevaka o digitaka mo cakava e dua na akaude ni FamilySearch, vakayagataka na i kalawa ni mataveilawa.
- Ena i matai ni sikirini, kiliki ena kato mo vakaraitaka kina ni ko lewe ni Lotu.
- Vakacuruma na nomu naba ni i tukutuku ni Lewenilotu. Kevaka o sega ni kunea rawa, kiliki ena kato, ka qai kiliki ena Tomana.
Mo vakuria na nomu naba ni i volatukutuku ni Lotu ki na dua na akaude sa tiko rawa, gole ki na nomu i tuvaki ni akaude. Ena boto ni tabana ni pepa, kiliki ena vakalewena na Naba ni iTukutuku ni Lotu.