Unsaon nako pagdugang og sketch sa kinabuhi, mga importante, ug ubang impormasyon ngadto sa Family Tree?

uniqueIdLabel: 20062
2022 ноябрь 01

Kon ang usa ka tawo anaa na sa Family Tree, mahimo nimong palamboon ang iyang rekord pinaagi sa pagdugang og sketch sa kinabuhi, importante, ug ubang impormasyon.

  • Ang sketch sa kinabuhi usa ka istorya sa kinabuhi sa tawo. Puwede kining magbaton og hangtod sa 10,000 ka karakter. Aron maka-type og sketch sa kinabuhi, kinahanglan nimong gamiton ang Family Tree sa FamilySearch.org nga website.
    • Among irekomendar nga i-type una nimo sa word processing nga dokumento ang imong sketch sa kinabuhi, dayon kopyaha kini ngadto sa Family Tree. Kay kon dili, basin mo-time out ang imong sesyon, ug mawala ang imong gitrabaho.
  • Ang mga importante naglakip sa impormasyon sa ngalan, sekso, pagkatawo, pagbunyag, pagkamatay, ug paglubong. Puwede kang modugang sa mga importante gikan sa Family Tree diha sa FamlySearch.org nga website, sa mobile app, ug sa Family Tree Lite.
  • Ang ubang impormasyon naglakip sa laing nailhan nga mga ngalan, patay daan sa pagkatawo, mga trabaho, naturalisasyon, serbisyo sa militar, mga titulo sa kahalangdon, ug uban pa. Puwede kang modugang sa ubang impormasyon gamit ang Family Tree diha sa FamlySearch.org nga website ug sa mobile app. Dili nimo kini madugang gamit ang Family Tree Lite.

Mga Lakang (website)

Landscape, Portrait, Fan Chart, ug Kaliwat nga mga View

  1. Diha sa kinaibabwan nga menu, i-klik ang Family Tree, ug dayon i-klik ang Tree.
  2. Pangitaa ang tawo diha sa tree nga gusto nimong palamboon.
  3. I-klik ang ngalan sa tawo. Sa mga detalye nga mogawas, i-klik pag-usab ang ngalan sa tawo. Maadto ka sa pahina sa maong tawo.
  4. I-klik ang Mga Detalye o Linya sa Panahon nga tab. Ang sketch sa kinabuhi anaa lamang ubos sa Mga Detalye nga tab.
  5. Sa tab nga Mga Detalye, i-klik ang triyanggulo sunod sa matag seksiyon aron makita ang impormasyon. Adunay upat ka nag-unang mga seksiyon: Sketch sa Kinabuhi, Mga Importante, Uban pang Impormasyon, ug Mga Sakop sa Pamilya.
  6. I-klik ang angay Idugang nga link. Kon giaghat, pilia ang matang sa impormasyon nga gusto nimong idugang.
  7. I-type ang impormasyon ug pamahayag sa rason aron ipatin-aw kon nganong husto ang impormasyon. Walay gikinahanglan nga pamahayag sa rason para sa Sketch sa Kinabuhi.
  8. I-klik ang I-save.

Unang Katigulangan nga View

Kini nga view makadugang sa pinili nga mga panghitabo, mga kasayoran, ug mga sketch sa kinabuhi ngadto sa profile sa tawo nga dili mobiya sa pedigree sa Family Tree, apan dili kini makadugang sa mga importante.

  1. Pag-sign in sa FamilySearch ug i-klik ang Family Tree, ug dayon i-klik ang Tree.
  2. Moadto sa tawo nga gusto nimong i-edit.
  3. I-klik ang ilang ngalan.
  4. Usa ka panid sa kilid alang sa maong tawo moabli sa tuo. I-scroll paubos ngadto sa seksiyon niana nga menu nga gusto nimo nga palamboon. Aduna kay kapilian nga i-klik ang 1 niini nga mga feature:
    1. Idugang ang Panghitabo
    2. Idugang ang Kasayoran
    3. Idugang ang Sketch sa Kinabuhi (Pahinumdom: Kon aduna nay gidugang nga sketch sa kinabuhi, dili nimo kini mausab gawas kon moadto ka sa pahina sa tawo. Niana nga sitwasyon, i-klik ang ilang ngalan sa kilid nga menu ug dad-on ka sa ilang pahina sa tawo.)
  5. Kon nakapili ka og usa niini, ibutang ang angay nga impormasyon kutob sa imong mahimo. Ayaw og kalimti ang pagdugang sa pamahayag sa rason alang sa mga panghitabo ug sa mga kasayoran.
  6. I-klik ang I-save.

Mga Lakang (mobile nga app)

Diha sa Family Tree nga mobile app, puwede kang modugang sa mga importante ug uban pang impormasyon. Dili available ang sketch sa kinabuhi.

  1. Diha sa Family Tree nga mobile app, ipakita ang pahina sa tawo nga gusto nimong palamboon.
  2. I-tap ang +.
  3. I-tap ang matang sa impormasyon nga gusto nimong idugang.
  4. Sa matag field, ibutang ang angay nga impormasyon. 
  5. Sa kahon nga Rason nga Husto Kini nga Impormasyon, pagdugang og klaro nga pagpasabot kon giunsa nimo pagkahibalo nga husto ang impormasyon.
  6. I-tap ang I-save.

Mga Lakang (Family Tree Lite)

Sa Family Tree Lite, makadugang lang ka og importanteng impormasyon. Dili available ang sketch sa kinabuhi ug uban pang impormasyon.

  1. Sa Family Tree Lite (lite.fs.org), i-klik ang ngalan sa tawo nga gusto nimong palamboon.
  2. I-klik ang angay nga Idugang nga link.
  3. Sa matag field, ibutang ang angay nga impormasyon. 
  4. Sa kahon nga Rason nga Husto Kini nga Impormasyon, pagdugang og klaro nga pagpasabot kon giunsa nimo pagkahibalo nga husto ang impormasyon.
  5. I-klik ang I-save.

May kalabotan nga mga artikulo

Unsaon nako pag-usab sa importanteng impormasyon sa Family Tree?
Unsa ang nalakip sa pahina sa Tawo sa Family Tree?
Unsay gipasabot sa “Kining kinuha nga IGI nga rekord maoy gigamit aron sa paghimo niini nga tawo”?
Unsaon nako sa pag-ila sa biyolohikal, humabdos, gisagop, ug giamuma nga mga relasyon diha sa Family Tree?

moduleTitle