Unsaon nako sa pag-upload og mga handomanan ngadto sa FamilySearch?

uniqueIdLabel: 20161
2022 ноябрь 02

Maka-upload ka og mga litrato ug mga dokumento ngadto sa Mga Handomanan sa FamilySearch, isip inusarang butang man o grupo sa daghang butang.

Ang limitasyon sa format ug gidak-on sa file naa sa ubos:

  • Para sa mga dokumento, .pdf nga mga format sa file hangtod 15 MB. I-convert ang ubang mga format sa dokumento sama sa .doc ug .docx nga mga file ngadto sa .pdf sa dili pa nimo i-upload.
  • Para sa mga Litrato, .jpg, .png, .tif, ug .bmp file nga mga format sa file hangtod 15 MB.

Pahinumdom: Palihog hibaloi nga ang .pdf mao ang suportadong matang sa file nga pwedeng makalakip og daghang pahina.

Sa dili pa ka magsugod

Taronga pagbasa ang Kasabotan sa Pagsumiter para sa mga pangutana nga may kalabotan sa imong sulod.

Mga lakang gikan sa Mga Handomanan (website)

  1. Pag-sign in ngadto sa FamilySearch.org.
  2. Diha sa menu bar sa ibabaw sa screen, i-klik ang Mga Handomanan.
  3. Diha sa drop-down nga menu, i-klik ang Gallery.
  4. I-klik ang plus sign (+) sa green nga lingin.
  5. I-drag ug i-drop ang sulod gikan sa imong computer ngadto sa screen, o i-klik ang Pagpili og mga File.
  6. Kinahanglan nimong i-tag ang mga litrato og tagsa-tagsa, pero ang kadako sa sulod nga imong i-upload sa makausa naa ra nimo.

Mga lakang gikan sa pahina sa tawo

  1. I-klik ang Mga Handomanan nga tab.
  2. I-klik ang I-upload ang Litrato o I-upload ang dokumento, ug pilia ang file gikan sa imong computer.
  3. I-klik ang Pagpili gikan sa Gallery ug idugang ang aytem nga imo nang gi-upload. Ang i-drag ug i-drop nga feature dili magamit sa pag-upload og mga aytem sa handumanan diha sa pahina sa mga detalye sa tawo.

Mga lakang sa pag-upload og daghang mga litrato

  1. Pangitaa ug i-klik ang unang litrato.
  2. I-press ang Shift nga button sa imong keboard.
  3. Gamit ang pag-press sa Shift nga button, i-klik ang kataposang litrato sa han-ay sa mga litrato nga gusto nimong i-upload.
  4. Makita nimo, ang lista sa mga gisukip nga naka-highlight ug andam na nga i-upload. Sunda ang mga prompt sa screen ug i-upload ang mga litrato.
  5. Para makapili og dili sunod-sunod nga mga litrato gikan sa folder, pangitaa ug i-klik ang unang litrato.
  6. I-press ug pugngi ang Control nga button (Ctrl).
  7. Samtang gi-press ang Control nga button, i-klik ang tanang mga litrato nga gusto nimong i-upload. Dayon sunda ang mga prompt sa screen ug i-upload ang mga litrato.

Mga Lakang (Mga Handomanan sa mobile app)

  1. I-tap ang plus sign (+) sa lingin.
  2. I-tap ang Idugang ang Dokumento o Idugang ang Litrato.
  3. I-tap ang opsiyon nga mas gusto nimong gamiton:
    1. Android: Camera o File
    2. Apple iOS: Pagkuha og Litrato, Camera Roll, o Akong mga File

Pagpili og file gikan sa imong device, ug i-tap ang I-upload. O gamita ang feature sa kamera aron makuhaan og litrato ang sulod. I-edit ang litrato, ug i-tap ang I-save.

Mga Lakang (sa Family Tree nga mobile app)

  1. I-tap aron ma-open ang pahina sa mga detalye sa tawo.
  2. I-tap ang Mga Handomanan.
  3. I-tap ang plus sign nga icon (+).
  4. I-tap ang Idugang ang Dokumentoo Idugang ang Litrato
  5. Pag-tap og opsiyon:
    1. Android: Kamera, File, o FamilySearch Gallery.
    2. Apple iOS: Pagkuha og Litrato, Camera Roll, Akong mga File, o My FamilySearch Gallery.

Pagpili og file gikan sa imong device, o gikan sa Gallery, ug i-tap ang I-upload. O gamita ang feature sa kamera aron makuhaan og litrato ang sulod. I-edit ang litrato, ug i-tap ang I-save.

Family Tree Lite

Sa kasamtangan, ang Family Tree Lite wala maglakip og feature sa Mga Handomanan. 

Inigkahuman nimo

Kon ang mga kolor nabali (isip negatives) diha sa FamilySearch, palihog tangtanga ang litrato, i-convert kinni og lahi nga format sa file, ug i-upload kini pag-usab. I-tag og tagsa-tagsa ang kada litrato ug dokumento aron ma-link kini sa usa ka indibidwal diha sa Family Tree. Idugang ang ulohan, petsa sa panghitabo, lugar sa panghitabo, ug deskripsyon aron ang imong aytem sa handomanan mas sayon nga makita. 

Sa Family Tree, ang mga handomanan sa tawo makita sa han-ay nga kini gidugang. Dili nimo mausab kana nga han-ay.

May kalabotan nga mga artikulo

Unsaon nako sa pagdugang o pag-edit sa ulohan sa usa ka litrato, istorya, dokumento, o file sa audio?
Nganong wala pa ma-upload ang akong litrato o dokumento?
Unsaon nako sa pag-tag og mga handomanan sa akong mga katigulangan o mga paryente diha sa Family Tree?
Unsa nga mga lagda ang magamit sa pag-upload og mga handomanan ngadto sa FamilySearch.org?

moduleTitle