Unsaon nako pag-delete ang usa ka tawo gikan sa Family Tree?

Id sa Artikulo: 20060
2023 апрель 07

Kon gihimo nimo ang rekord og walay laing magtatampo ang miusab niini, puwedeng nimong i-delete ang rekord sa namatay na nga tawo gikan sa Family Tree. Puwede usab nimong i-delete ang rekord sa buhi nga tawo kon ikaw ang nagdugang niini ngadto sa Family Tree.

Makita ang mensahe nga “Dili Available ang Pag-delete sa Tawo” kon dili nimo ma-delete ang usa ka tawo. Puwede ning mahitabo kon ang laing magtatampo nagdugang og bisan unsa ngadto sa rekord (naglakip sa mga tinubdan, mga handomanan, mga relasyon, ug uban pa) Kon ang mga kausaban sa rekord gihimosa ubang indibidwal, nagpasabot nga dili kay ikaw ra ang magtatampo, ug dili maka-delete sa rekord.

Sa dili pa ka magsugod

Kon imong gi-delete ang rekord, mahitabo kini nga mga kausaban:

  • Tantangon sa Family Tree ang mga relasyon sa ubang mga indibidwal.
  • Ang rekord dili na mausab.
  • Ang rekord mapangita lang pinaagi sa numero sa ID.

Kini nga proseso medyo lisod tingali, pero seguradong naay mga paagi aron mabalik ang mga na-delete nga mga rekord o mga relasyon pinaagi sa feature nga Labing Bag-o nga Kausaban. Aron makat-on kon unsaon, tan-awa ang may kalabotan nga mga artikulo nga naka-link diha sa kataposan.
Kon dili nimo ma-delete ang usa ka rekord, palihog ayaw og tangtanga ang impormasyon aron matago kini. Kontaka lang ang FamilySearch Support.

Kon makita nimo nga giusab sa usa ka tawo ang rekord aron matago kini, palihog gamita ang feature nga Ireport ang Pag-abuso diha sa pahina sa Tawo sa maong rekord nga gipangutana. Rebyohon sa internal nga grupo ang sitwasyon ug mohimo og angay nga aksiyon.

Mga Lakang (website)

  1. Diha sa kinaibabwan nga menu, i-klik ang Family Tree, ug dayon i-klik ang Tree.
  2. Pangitaa ang tawo nga gusto nimo i-delete.
  3. I-klik ang ngalan sa tawo. Sa mga detalye nga mogawas, i-klik pag-usab ang ngalan sa tawo. Maadto ka sa pahina sa maong tawo.
  4. I-klik ang Mga Detalye nga tab.
  5. I-scroll paubos ngadto sa Tools nga seksiyon sa tuo nga kolum.
  6. I-klik ang I-delete ang Tawo. Kon ang link nag-ingon nga Dili Available ang Pag-delete sa Tawo, nagpasabot kini nga daghang magtatampo ang nakahimo og mga kausaban sa rekord. Ikonsiderar kini nga mga alternatibo:
    • Kon wala kini nga tawo, kontaka ang FamilySearch Support.
    • I-delete ang mga relasyon.
    • I-merge ang nagdoble nga mga rekord.
    • I-edit ang sayop nga mga datos.
    • Idugang ang impormasyon sa tinubdan.
  7. Rebyoha ang impormasyon sa makita nga window nga I-delete ang Tawo.
  8. Ipatin-aw kon nganong i-delete nimo ang tao.
  9. I-check ang mga kahon aron mapakita nga imong girebyo ang mga relasyon ug gilakip ang usa ka rason sa pamahayag.
  10. I-klik ang I-delete.

Mga Lakang (mobile nga app)

  1. Diha sa Family Tree nga mobile app, adto sa pahina sa Tawo sa indibidwal nga gusto nimong i-delete ang rekord.
  2. I-tap ang tulo ka tuldok sa tuong bahin sa ibabaw.
    • Android: I-tap ang I-delete ang Tawo.
    • Apple iOS: I-tap ang Dugang pa, dayon i-tap ang I-delete ang Tawo.
    • Kon madawat nimo ang Dili Available ang Pag-delete sa Tawo nga mensahe, dili nimo ma-delete ang tawo. Kon dili, ipadayon ang mga lakang.
  3. Rebyoha ang impormasyon sa window nga I-delete ang Tawo.
  4. Ibutang ang rason sa pag-delete sa tawo.
  5. I-tap ang I-delete.

Mga Lakang (Family Tree Lite)

Ang Family Tree Lite wala maghatag og opsiyon sa pag-delete sa rekord sa tawo.

Pag-post og Pangutana diha sa FamilySearch nga Komunidad

Kon duna kay dugang nga mga pangutana, palihog i-post ang imong pangutana diha sa FamilySearch nga Komunidad.

  1. Pag-sign in sa FamilySearch nga Komunidad.
  2. I-klik ang Tabang sa FamilySearch.
  3. I-klik ang hilisgotan nga haom sa imong pangutana.
  4. I-klik ang Bag-o nga Post.
  5. I-type ang summary sa imong pangutana.
  6. Sa kahon sa ubos sa Pangutana, idugang ang mga detalye. Dinhi nimo ibutang ang ID sa Tree, ang kompletong ngalan sa tawo, ug ang imong relasyon sa tawo. Ayaw og iapil ang bisan unsang pribado nga impormasyon, sama sa username, numero sa tigtabang, o email address.
  7. Aron isukip ang dugang nga impormasyon, i-klik ang paper clip nga icon.
  8. I-klik ang Pangutana.

May kalabotan nga mga artikulo

Unsaon nako pagpabalik sa na-delete nga rekord sa tawo diha sa Family Tree?
Sa unsang paagi gipanalipdan sa Family Tree ang pagkapribado sa buhi nga mga tawo?
Unsaon nako pag-merge kon dunay posible nga nagdoble diha sa Family Tree?
Unsaon nako pag-merge ang nagdoble nga buhi o kompidensiyal nga mga tawo nga akong gidugang sa Family Tree?

Nakatabang ba kini?