Ang source maoy materyal sa kasaysayan. Apil sa mga pananglitan ang litrato, journal, Bibliya, dokumento, o ubang aytem nga naay ebidensya bahin sa imong kasaysayan sa pamilya.Importante kaayo ang mga source sa proseso sa genealogical para sa dokumentasyon ug pagdiskobre. Sa Family Tree, malakip nimo ang mga source sa mga tawo, relasyon sa magtiayon, ug relasyon sa ginikanan ug anak.
Daghag kaayohan ang mga source:
- Makapasayon ni sa pagtinabangay sa mga user sa Family Tree. Makahusay o makapugong sa mga panaglalis ang source.
- Makadugang kini sa kabuhong sa tree. Ang impormasyon bahin sa imong mga katigulangan sa usa ka rekord makadugang sa imong kahibalo nga tinuod nga mga tawo ang imong mga katigulangan ug konektado gyod ka nila.
- Gipakita niini ang katukma sa impormasyon sa tree.
- Makatabang ni nimo sa pagsusi sa nagsumpaking impormasyon. Kon makakita kag nagsumpaking impormasyon, sama sa 2 ka magkalahing petsa sa pagkatawo sa mao rang tawo, makatabang ang mga source sa pagseguro kon asa ini ang hustong impormasyon.
- Ilhon niini ang trabaho nga gihimo sa uban.
Konektadong mga artikulo
Unsaon nako paglakip ang mga hint sa rekord sa Family Tree?
Unsaon nako paghimog source sa Family Tree?