Ang FamilySearch mohatag og sayon nga pamaagi alang nimo sa pagpaambit sa mga litrato bahin sa mga katigulangan nga makatabang sa pamilya nga makaila ug mahigugma sa usag usa. I-screen namo ang tanang imahe nga imong i-upload. Tan-awa sa among Mga Lagda ug mga Polisiya sa Pag-upload alang sa dugang nga impormasyon.
Samtang magdesisyon ka kon unsay angay nga i-upload nga litrato o dokumento, ibutang sa hunahuna kini nga mga butang:
- Angay: Ang mga litrato kinahanglang mosuporta sa tukma nga mga sumbanan sa kaligdong ug hiyas. Ang mga litrato dili mahimong makita nga naghalok o ang mga tawo hapit na maghalok sa ba-ba.
- May kalabotan: Ang mga aytem kinahanglan nga mosuporta sa katuyoan sa family history.
- Makapabalik sa kasingkasing: Ang mga aytem kinahanglan nga makatabang sa mga tawo nga makaila ug mahigugma sa ilang mga katigulangan.
- Dili pangnegosyo: Ang mga aytem kinahanglang dili mo-advertise o moendorso og mga produkto o makalapas sa mga katungod sa intellectual property.
- Pagkapribado: Paggamit og pasidaan kon maglakip og mga litrato o mga dokumento mahitungod sa buhi nga mga tawo.
Kon maghimo ka o mag-upload og istorya, susiha ang bisan unsa nga dili angay nga mga pulong. Ania ang pipila ka matang sa mga pulong nga angayng likayan:
- Hilas ug malaw-ay.
- Sayop nga politikanhong mga ngalan.
- Mga pagpahayag og kasilag o diskriminasyon.
- Mga pulong nga makapaminos o makapakunhod sa mga gituohan sa relihiyon.
- Laing mga pulong o mga pagpahayag nga gikonsiderar nga dili angay.
Kon ang usa ka litrato o imahe sa dokumento dili angay, ang FamilySearch momarka sa aytem sa handomanan og “Adunay Restriksiyon” ug mopadala nimo og mensahe sa email. Kon nagtuo ka nga kini nga restriksiyon usa ka sayop, tubaga ang mensahe sa email nga imong nadawat, ug paghatag og pagpasabot. Ang imong tubag direkta nga ipadala ngadto sa team nga morebyo ug mo-screen sa aytem sa imong handomanan.
May kalabotan nga mga artikulo
Nganong moingon man nga ang akong litrato adunay restriksiyon?
Makadugang ba ko og mga handomanan mahitungod sa akong buhi nga mga paryente ngadto sa Family Tree?