Ang kinatibuk-ang katuyoan sa Family Tree mao ang matabangan ka nga madiskobrehan ang imong pamilya ug, aron madiskobrehan nimo og gamay ang imong kaugalingon.
- Ang Family Tree lahi sa ubang susama nga mga site sa genealogy kay kini usa ka pampubliko nga tree nga gikonektar sa mga pamilya, kay sa usa ka site nga magtugot lang sa mga tiggamit nga mohimo ug modumala sa ilang kaugalingong pribado nga mga tree. Kini nga kalainan nagpasabot nga mao ra nga datos ang gigamit sa tanan, nga nagtugot sa potensiyal nga pagkonektar sa kada sakop sa tawhanong pamilya.
- Gitandi sa Family Tree ang mga rekord ug mga tinubdan aron matabangan ka nga masulbad ang mga sayop o nagdoble nga mga rekord. Aduna usab kini mga tool sa pagpadala og mensahe ug pagtinabangay, ingon man ang libre nga suporta sa mga eksperto pinaagi sa telepono, aron tabangan ka nga masulbad ang mga sayop.
- Ang Family Tree nagkuha og impormasyon gikan sa dako kaayong database sa FamilySearch aron makahatag og mga timailhan sa rekord. Gipasayon niini ang pagkonektar nimo ug sa imong mga katigulangan sa nag-unang mga henerasyon.
- Ang Mga Handomanan nga seksiyon makatabang nga mas mapalig-on ang mga koneksiyon ngadto sa mga katigulangan. Naghatag kini og lugar diin imong mapreserbar ug mapaambit ang mga litrato ug mga kasaysayan.
- Gusto namo nga ang Family Tree ma-access sa daghang tawo kutob sa mahimo. Pwede nimo kining tan-awon sa lainlaing paagi, lakip sa mga mobile device, gamit ang Family Tree ug Mga Handomanan nga mga app, o sa mga lugar nga ubos ang bandwidth, gamit ang Family Tree Lite nga website.
Nanghinaot mi nga pinaagi sa Family Tree, magkatinabangay kita sa paghimo sa labing maayo nga tinubdan, nga pangpublikong genealogical family tree sa kalibotan ug magtugot sa mga sakop sa pamilya nga makonektar sa kagahapon ingon man sa karon.
Para makakat-on og dugang bahin sa FamilySearch, bisitaha ang FamilySearch.org/about.
May kalabotan nga mga artikulo
Unsaon nako sa pagpadala og mensahe ngadto sa usa ka tawo nga mitampo ngadto sa Family Tree o Mga Handomanan?
Unsaon nako paggamit ang mga handomanan sa FamilySearch aron mapreserbar ang mga istorya sa kinabuhi sa akong mga katigulangan?